Punjab Kings, IPL 2024: తొలి టైటిల్ కరువు తీరేనా.. బలంగా ఉన్నా, పంజాబ్ కింగ్స్ అసలు సమస్య ఇదే?

Punjab Kings Full List of Matches, Fixtures, Venues, Dates, Timings: ఇండియన్ ప్రీమియర్ లీగ్ (IPL) చరిత్రలో ఇప్పటివరకు టైటిల్ గెలవని జట్టుగా పంజాబ్ కింగ్స్ నిలిచింది. ఈ జట్టు ఒక్కసారి మాత్రమే ఫైనల్స్‌కు చేరుకుంది. కానీ, గెలవలేకపోయింది. 2014లో ఈ జట్టు ఫైనల్స్‌కు చేరుకుంది. కానీ, కోల్‌కతా నైట్ రైడర్స్ చేతిలో ఓడిపోయింది. ఐపీఎల్‌లో నిరంతరం మార్పులు చోటుచేసుకునే జట్టుగా పంజాబ్ నిలిచింది. ఆటగాళ్లను మార్చారు, కెప్టెన్‌ను మార్చారు, అలాగే, కోచింగ్ సిబ్బందిని కూడా మార్చారు. ఈ ఫ్రాంచైజీ ఎవరికైనా దీర్ఘకాలిక పదవీకాలాన్ని అందించడం చాలా అరుదుగా కనిపించింది. ఈసారి కూడా ఫ్రాంచైజీ వేలంలో పలువురు ఆటగాళ్లను తమ జట్టులో చేర్చుకుంది. అయితే, పంజాబ్ టైటిల్ కరువును తీర్చగలదా లేదా అనేది ప్రశ్నగా మారింది.

వేలంలో భారీగా ఖర్చు చేసినా ఫలితం శూన్యం..

వేలంలో భారీగా ఖర్చు చేసినా ఫలితం లేకపోవడమే పంజాబ్ చరిత్ర. జట్టు కొత్త సీజన్‌లో ఫలితాలను పొందాలనుకుంటోంది. శిఖర్ ధావన్ కెప్టెన్సీలో జట్టు రానుంది. గత సీజన్‌లో కూడా ధావన్‌ కెప్టెన్‌గా ఉన్నప్పటికీ ప్రత్యేక ఫలితాలు రాలేదు. ధావన్‌తో పాటు కగిసో రబాడ, సామ్ కర్రాన్, లియామ్ లివింగ్‌స్టన్, జానీ బెయిర్‌స్టో, అర్ష్‌దీప్ సింగ్, జితేష్ శర్మ వంటి వారి పేర్లు జట్టులో ఉన్నాయి.

గతం ఎలా ఉంది?

పంజాబ్ IPL ప్రారంభించినప్పుడు, ఈ జట్టు యువరాజ్ సింగ్ కెప్టెన్సీలో బరిలోకి దిగింది. తొలి సీజన్‌లోనే ప్లేఆఫ్స్‌కు చేరింది. కానీ, పంజాబ్ జట్టు ఫైనల్స్‌కు చేరుకోలేకపోయింది. జట్టులో యువరాజ్ సింగ్, ఇర్ఫాన్ పఠాన్, మహేల జయవర్ధనే, కుమార సంగక్కర, బ్రెట్ లీ వంటి ఆటగాళ్లు ఉన్నప్పటికీ విజయం సాధించలేకపోయారు. మొదటి సీజన్ తర్వాత, ఈ జట్టు బలహీనంగా మారింది. ప్లేఆఫ్‌లకు వెళ్లడం చాలా కష్టమైన పని అని నిరూపించుకుంది. అయితే, జార్జ్ బెయిలీ కెప్టెన్సీలో, జట్టు 2014 సంవత్సరంలో అద్భుతంగా ఆడింది. అప్పట్లో ఈ జట్టులో వీరేంద్ర సెహ్వాగ్ లాంటి ఆటగాడు కూడా ఉన్నాడు. కానీ, కోల్‌కతా జట్టు ఓనర్ ప్రీతి జింటా కలలను ఎవ్వరూ నెరవేర్చలేకపోయారు.

ఇది బలం..

పంజాబ్‌లో మంచి బ్యాట్స్‌మెన్స్ ఉన్నారు. జట్టులో ధావన్ లాంటి ఓపెనర్ ఉన్నాడు. జానీ బెయిర్‌స్టో లాంటి తుఫాను బ్యాట్స్‌మెన్ ఉన్నాడు. మిడిలార్డర్‌లో జట్టుకు నాయకత్వం వహిస్తున్న లివింగ్‌స్టన్ తన తుఫాను బ్యాటింగ్‌తో మ్యాచ్‌ని మలుపు తిప్పగల సత్తా ఉన్నవాడు. జితేష్ శర్మ రూపంలో గొప్ప ఫినిషర్ ఉన్నాడు. వీటన్నింటితో పాటు వేగంగా పరుగులు సాధించగల సత్తా శామ్ కుర్రాన్‌కు ఉంది. అంతే కాకుండా బౌలింగ్‌లో కూడా జట్టుకు రబాడ అనే పేరు ఉంది. అతనికి మద్దతుగా అర్ష్‌దీప్ సింగ్, క్రిస్ వోక్స్, నాథన్ ఎల్లిస్, హర్షల్ పటేల్, రిషి ధావన్ ఉన్నారు. జట్టులో మంచి ఆల్‌రౌండర్లు కూడా ఉండడం ఒక బలం. తుఫాను బ్యాటింగ్‌తో పాటు, లివింగ్‌స్టన్ స్పిన్ బౌలింగ్ కూడా చేయగలడు. అతను లెగ్ స్పిన్నర్, ఆఫ్ స్పిన్ రెండింటినీ సంధిస్తాడు. సికందర్ రజా కూడా తన స్పిన్‌తో సహకరించగలడు. కరణ్‌ను మంచి ఆల్‌రౌండర్‌లుగా పరిగణించారు. సమయం వచ్చినప్పుడు బ్యాట్‌తో సహకరించే సామర్థ్యం రిషి ధావన్‌కు కూడా ఉంది.

బలహీనతలు ఇవే..

స్థిరంగా ఆడలేకపోవడమే పంజాబ్ జట్టులోని అతి పెద్ద బలహీనత. కొన్నిసార్లు జట్టు బ్యాటింగ్ పని చేస్తుంది. కొన్నిసార్లు జట్టు బౌలింగ్ పనిచేస్తుంది. ఒకరిద్దరు ఆటగాళ్ల బలంతో క్రికెట్‌లో విజయం సాధించదు. దీని కోసం, మొత్తం జట్టు సహకారం, అవసరం. ఇలాంటి జరగకపోవడంతో పంజాబ్ ఓడిపోతుంది. దీనిపై పంజాబ్ కెప్టెన్ ధావన్, కోచ్ ట్రెవర్ బేలిస్ ఆలోచించాల్సి ఉంటుంది. అదే సమయంలో జట్టులో మంచి స్పిన్నర్ లేకపోవడం కూడా స్పష్టంగా కనిపిస్తోంది. రాహుల్ చాహర్, హర్‌ప్రీత్ బ్రార్ జట్టుతో ఉన్నారు. అయితే, గత సీజన్‌లలో వారి ప్రదర్శన చాలా బాగాలేదు. జట్టుకు మళ్లీ పార్ట్‌టైమ్ స్పిన్నర్లు రజా, లివింగ్‌స్టన్‌ల సహాయం అవసరం.

పంజాబ్ కింగ్స్ కోసం షెడ్యూల్..

పంజాబ్ కింగ్స్ vs ఢిల్లీ క్యాపిటల్స్, మార్చి 23, మొహాలి – 3:30 PM IST

రాయల్ ఛాలెంజర్స్ బెంగళూరు vs పంజాబ్ కింగ్స్, మార్చి 25, బెంగళూరు – 7:30 PM IST

లక్నో సూపర్ జెయింట్స్ vs పంజాబ్ కింగ్స్, మార్చి 30, లక్నో – 7:30 PM IST

గుజరాత్ టైటాన్స్ vs పంజాబ్ కింగ్స్, ఏప్రిల్ 4, అహ్మదాబాద్ – 7:30 PM IST

పంజాబ్ జట్టు..

శిఖర్ ధావన్ (కెప్టెన్), జితేష్ శర్మ, లియామ్ లివింగ్‌స్టోన్, సామ్ కర్రాన్, జానీ బెయిర్‌స్టో, కగిసో రబడ, నాథన్ ఎల్లిస్, అర్ష్‌దీప్ సింగ్, సికందర్ రజా, ప్రభ్‌సిమ్రాన్ సింగ్, రాహుల్ చాహర్, గుర్నూర్ బ్రార్, శివమ్ సింగ్, హర్‌ప్రీత్ బ్రార్, విద్వాత్ కవేరప్ప, రిషి ధావన్, హర్‌ప్రీత్ భాటియా, అథర్వ తైడే.

మరిన్ని క్రీడా వార్తల కోసం ఇక్కడ క్లిక్ చేయండి..