IPL 2023 Points Table: పాయింట్ల పట్టికలో 5వ స్థానం.. ఆరెంజ్, పర్పుల్ క్యాప్లో మాత్రం అగ్రస్థానం.. ఆర్సీబీ ప్లేయర్ల దూకుడు..
Orange-Purple Cap: ఇండియన్ ప్రీమియర్ లీగ్ (IPL 2023) 16వ ఎడిషన్లో 30 మ్యాచ్లు పూర్తయ్యాయి. కొన్ని జట్ల నుంచి అనూహ్య ప్రదర్శనలు వస్తున్నాయి. ప్రత్యర్థికి 200+ టార్గెట్ ఇచ్చినా.. ఛేజింగ్ చేసి గెలవడం ఈ టోర్నీలో సర్వసాధారణమైపోతోంది.
Updated on: Apr 22, 2023 | 8:28 PM
ఇండియన్ ప్రీమియర్ లీగ్ (IPL 2023) 16వ ఎడిషన్లో 30 మ్యాచ్లు పూర్తయ్యాయి. కొన్ని జట్ల నుంచి అనూహ్య ప్రదర్శనలు వస్తున్నాయి. ప్రత్యర్థికి 200+ టార్గెట్ ఇచ్చినా.. ఛేజింగ్ చేసి గెలవడం ఈ టోర్నీలో సర్వసాధారణమైపోతోంది. ఐపీఎల్ 2023లో ఈరోజు రెండు మ్యాచ్లు జరిగాయి. తొలి మ్యాచ్లో లక్నో సూపర్ జెయింట్ గుజరాత్ టైటాన్స్ (LSG vs GT)తో తలపడింది. ఈ మ్యాచ్లో గుజరాత్ టీం ఉత్కంఠ విజయం సాధించింది. మరో మ్యాచ్లో ముంబై ఇండియన్స్, పంజాబ్ కింగ్స్ జట్లు తలపడనున్నాయి. శుక్రవారం సన్ రైజర్స్ హైదరాబాద్తో జరిగిన మ్యాచ్లో చెన్నై సూపర్ కింగ్స్ జట్టు 7 వికెట్ల తేడాతో విజయం సాధించింది. ఈ మ్యాచ్ల తర్వాత పాయింట్స్ టేబుల్ ఎలా ఉంది? ఆరెంజ్ క్యాప్, పర్పుల్ క్యాప్ ఎవరి వద్ద ఉందో ఇప్పుడు చూద్దాం.
సంజూ శాంసన్ నేతృత్వంలోని రాజస్థాన్ రాయల్స్ జట్టు అద్భుతంగా ఆడుతూ పట్టికలో అగ్రస్థానంలో ఉంది. ఆడిన ఆరు మ్యాచ్ల్లో నాలుగు విజయాలు, రెండు ఓటములతో రాజస్థాన్ అగ్రస్థానంలో ఉంది. +1.043 రన్ రేట్తో 8 పాయింట్లు సంపాదించారు.
లక్నో సూపర్ జెయింట్స్ జట్టు రెండో స్థానంలో ఉంది. ఆడిన ఏడు మ్యాచ్లలో నాలుగు గెలిచి, మూడు ఓడిపోయింది. 8 పాయింట్లతో రన్ రేట్ +0.547 తో నిలిచారు.
చెన్నై సూపర్ కింగ్స్ ఆడిన ఆరు మ్యాచ్ల్లో రెండు ఓడి నాలుగింటిలో గెలిచి మూడో స్థానానికి ఎగబాకింది. +0.355 రన్ రేట్తో 8 పాయింట్లు సంపాదించారు.
ఆరు మ్యాచ్లు ఆడిన గుజరాత్ టైటాన్స్ జట్టు +0.212 రన్ రేట్తో 4 విజయాలు, 2 ఓటములు, 8 పాయింట్లతో నాలుగో స్థానంలో ఉంది.
రాయల్ ఛాలెంజర్స్ బెంగళూరు ఐదో స్థానంలో ఉంది. ఆడిన ఆరు మ్యాచ్లలో,6 పాయింట్లు, -0.068 రన్ రేట్తో మూడు గెలిచి, మూడింటిలో ఓడిపోయింది.
ముంబై ఇండియన్స్ ఆరో స్థానంలో ఉంది. ఆడిన ఐదు గేమ్లలో రెండు గెలిచి, మూడు ఓడిపోయింది. 6 పాయింట్లు, రన్ రేట్ -0.164తో నిలిచారు.
పంజాబ్ కింగ్స్ 6 పాయింట్లు, 6 మ్యాచ్లు ఆడిన 6 పాయింట్లతో -0.298 రన్ రేట్తో ఏడో స్థానంలో ఉంది.
కోల్కతా నైట్ రైడర్స్ జట్టు ఎనిమిదో స్థానంలో ఉంది. +0.214 రన్ రేట్తో ఆడిన 6 మ్యాచ్ల్లో 2 విజయాలు, 4 ఓటములు, 4 పాయింట్లు సంపాదించింది.
సన్రైజర్స్ హైదరాబాద్ జట్టు తొమ్మిదో స్థానంలో ఉంది. ఆడిన ఆరు గేమ్లలో, నాలుగు గెలిచి, రెండు ఓడిపోయింది. దీంతో 4 పాయింట్లు, రన్ రేట్ -0.794 సాధించింది.
ఢిల్లీ క్యాపిటల్స్ చివరి స్థానంలో ఉంది. ఆడిన ఆరు మ్యాచ్లలో ఒక్కటి మాత్రమే గెలిచి 2 పాయింట్లు సంపాదించింది. రన్ రేట్ -1.183తో నిలిచింది.
ఆరెంజ్ క్యాప్:
రాయల్ ఛాలెంజర్స్ బెంగళూరు కెప్టెన్ ఫాఫ్ డుప్లెసిస్ ఆరెంజ్ క్యాప్ ధరించాడు. ఆడిన ఆరు మ్యాచ్ల్లో నాలుగు అర్ధసెంచరీలతో 343 పరుగులు చేశాడు. ఢిల్లీ కెప్టెన్ డేవిడ్ వార్నర్ 285 పరుగులతో రెండో స్థానంలో ఉన్నాడు. ఆర్సీబీ ఆటగాడు విరాట్ కోహ్లీ మూడో స్థానానికి ఎగబాకాడు. ఆరు మ్యాచ్ల్లో 279 పరుగులు చేశాడు.
పర్పుల్ క్యాప్:
ఆర్సీబీ జట్టుకు చెందిన మహ్మద్ సిరాజ్ అత్యధిక వికెట్లు పడగొట్టి పర్పుల్ క్యాప్ ధరించాడు. ఆడిన ఆరు మ్యాచ్ల్లో 12 వికెట్లు తీశాడు. లక్నో సూపర్ జెయింట్స్కు చెందిన మార్క్ వుడ్ ఆడిన నాలుగు మ్యాచ్ల్లో 11 వికెట్లు పడగొట్టి రెండో స్థానంలో ఉన్నాడు. రాజస్థాన్ రాయల్స్ స్పిన్నర్ యుజ్వేంద్ర చాహల్ ఆరు మ్యాచ్ల్లో 11 వికెట్లతో మూడో స్థానంలో ఉన్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..
