IPL 2022: ముంబై ప్లే ఆఫ్ అవకాశాలు మరింత సంక్లిష్టం.. పాయింట్ల పట్టికలో ఇతర జట్ల పరిస్థితేంటంటే..
IPL 2022 Points Table: IPL 2022 సీజన్ ప్రారంభమై సుమారు నెల రోజులు గడిచాయి. ఇప్పటివరకు (ఏప్రిల్21)వరకు 33 మ్యాచ్లు ముగిశాయి. కానీ ఐపీఎల్లోనే అత్యంత విజయవంతమైన జట్టుగా గుర్తింపుతెచ్చుకున్న ముంబై ఇండియన్స్ (Mumbai Indians)..
Updated on: Apr 22, 2022 | 9:29 AM
IPL 2022 Points Table: IPL 2022 సీజన్ ప్రారంభమై సుమారు నెల రోజులు గడిచాయి. ఇప్పటివరకు (ఏప్రిల్21)వరకు 33 మ్యాచ్లు ముగిశాయి. కానీ ఐపీఎల్లోనే అత్యంత విజయవంతమైన జట్టుగా గుర్తింపుతెచ్చుకున్న ముంబై ఇండియన్స్ (Mumbai Indians) ఇప్పటివరకు ఇంకా పాయింట్ల ఖాతా తెరవలేదు. ఆడిన 7 మ్యాచ్ల్లోనూ ఓటమిపాలై పాయింట్ల పట్టికలో అట్టడుగు స్థానంలో నిలిచింది. గురువారం రాత్రి జరిగిన మ్యాచ్ (MI vs CSK)లో రోహిత్ సేన 3 వికెట్ల తేడాతో చెన్నై చేతిలో ఓటమిపాలైంది. తద్వారా ప్లే ఆఫ్ అవకాశాలను మరింత సంక్లిష్టం చేసుకుంది. ఇక రెండో విజయం సాధించిన చెన్నై సూపర్ కింగ్స్ (Chennai Super Kings) ప్లేఆఫ్ అవకాశాలను సజీవంగా నిలుపుకుంది. కాగా ఈ మ్యాచ్ ఫలితంతో పాయింట్ల పట్టికలో ఎటువంటి మార్పులు చోటు చేసుకోలేదు. ఈ మ్యాచ్కు ముందు కూడా చివరి స్థానంలో ఉన్న ముంబై మరో ఓటమిని మూటగట్టుకుని అదే ప్లేస్లో నిలిచింది. చెన్నై కూడా ఇప్పటికీ తొమ్మిదో స్థానంలో ఉన్నా ఈ విజయంతో వారి ఖాతాలో రెండు పాయింట్లు వచ్చి చేరాయి.
టైటాన్స్దే టాప్ ప్లేస్..
ఇక మిగతా జట్ల విషయానికొస్తే.. గుజరాత్ టైటాన్స్ (6 మ్యాచ్ల్లో 5 విజయాలు) పాయింట్ల పట్టికలో అగ్రస్థానంలో కొనసాగుతోంది. రాయల్ ఛాలెంజర్స్ బెంగళూరు (7 మ్యాచ్ల్లో 5 విజయాలు) రెండో ప్లేసులో ఉంది. రాజస్థాన్ రాయల్స్ (6 మ్యాచ్ల్లో 4 విజయాలు) మూడో స్థానంలో ఉండగా, కేఎల్ రాహుల్ సారథ్యంలోని లక్నో సూపర్ జెయింట్స్ (7 మ్యాచ్ల్లో 4 విజయాలు) నాలుగో ప్లేస్లో ఉంది. కేన్ విలియమ్సన్ సారథ్యంలోని సన్ రైజర్స్ హైదరాబాద్ (6 మ్యాచ్ల్లో 4 విజయాలు) ఐదో ప్లేస్లో ఉంది. కోల్కతా నైట్ రైడర్స్ (7 మ్యాచ్ల్లో 3 విజయాలు) ఏడో స్థానం, పంజాజ్ కింగ్స్ (7 మ్యాచ్ల్లో 3 విజయాలు) ఎనిమిదో ప్లేసులో కొనసాగుతున్నాయి.
వారి వద్దే ఆరెంజ్, పర్పుల్ క్యాప్లు..
ఇక టోర్నీలో అత్యధిక పరుగులు చేసే వారికిచ్చే ఆరెంజ్ క్యాప్ రాజస్థాన్ ఆటగాడు జోస్ బట్లర్ ( 6 మ్యాచ్ల్లో 375 పరుగులు) వద్దనే ఉంది. అతనికి పోటీగా కేఎల్ రాహుల్ (7 మ్యాచ్ల్లో 265 రన్స్), డుప్లెసిస్ (7 మ్యాచ్ల్లో 250 పరుగులు) 2,3వ స్థానాల్లో ఉన్నారు. ఇక పర్పుల్ క్యాప్ విషయానికొస్తే.. రాజస్థాన్ స్పిన్నర్ యుజువేంద్ర చాహల్ ( 6 మ్యాచ్ల్లో 17 వికెట్లు) టాప్ ప్లేస్ లో ఉన్నాడు. ఢిల్లీ బౌలర్ కుల్దీప్ యాదవ్ (6 మ్యాచ్ల్లో 13 వికెట్లు), హైదరాబాద్ బౌలర్ టి.నటరాజన్ (6 మ్యాచ్ల్లో 12 వికెట్లు) 2,3 స్థానాల్లో కొనసాగుతున్నారు.
Also Read:Bandi Sanjay: లెక్కలు తెలియకుంటే తెలుసుకో.. మంత్రి కేటీఆర్కు బండి సంజయ్ కౌంటర్
Diabetes Control: ఈ ఆకులు మధుమేహాన్ని నియంత్రణలో ఉంచుతుంది.. ఎలా తీసుకోవాలో తెలుసుకోండి..
