IPL 2022: ఐపీఎల్ ప్రారంభానికి ముహూర్తం ఫిక్స్.. లీగ్, ప్లేఆఫ్ మ్యాచ్‌లు ఎక్కడంటే?

IPL 2022: ఐపీఎల్ 2022 మార్చి 27 నుంచి ప్రారంభమవుతుంది. టోర్నమెంట్ చివరి మ్యాచ్ మే 28న జరుగుతుంది. మీడియా నివేదికల ప్రకారం, అన్ని ఐపీఎల్(IPL) మ్యాచ్‌లు అహ్మదాబాద్, ముంబై, పూణేలోని 6 గ్రౌండ్‌లలో జరిగే ఛాన్స్ ఉంది. మహారాష్ట్రలో లీగ్ దశలో మొత్తం 70 మ్యాచ్‌లు, ప్లేఆఫ్ మ్యాచ్‌లు అహ్మదాబాద్‌లో జరుగుతాయి. ముంబైలో జరిగే అన్ని మ్యాచ్‌లు వాంఖడే, బ్రబౌర్న్, డాక్టర్ డివై పాటిల్, రిలయన్స్ జియో స్టేడియంలలో జరిగే అవకాశం ఉంది. టోర్నీ షెడ్యూల్‌ను ఫిబ్రవరి చివరి వారంలో బీసీసీఐ(BCCI) విడుదల చేసే అవకాశం ఉందని తెలుస్తోంది.

ఐపీఎల్ 2022లో రెండు కొత్త జట్లు ఆడబోతున్నాయి. లక్నో, అహ్మదాబాద్ జట్లు ఈ ఏడాది అరంగేట్రం చేస్తున్నాయి. ఆర్‌పీఎస్‌జీ గ్రూప్‌న‌కు చెందిన లక్నో జట్టు యజమాని సంజీవ్ గోయెంకా, జట్టు మెంటార్ గౌతమ్ గంభీర్ శుక్రవారం సాయంత్రం ఉత్తరప్రదేశ్ ముఖ్యమంత్రి యోగి ఆదిత్యనాథ్‌ను కలిశారు. జట్టు కెప్టెన్‌గా కేఎల్ రాహుల్‌ను నియమించింది. తొలిసారిగా లక్నో జట్టు ఐపీఎల్‌లో ఆడబోతోంది. ఈ సమయంలో గంభీర్, సంజీవ్ గోయెంకా కూడా యోగి ఆదిత్యనాథ్‌కు బ్యాట్‌ను బహుమతిగా ఇచ్చారు.

హైదరాబాద్‌కు కొత్త అసిస్టెంట్ కోచ్‌గా సైమన్ హెల్మాట్..

ఐపీఎల్ సన్‌రైజర్స్ హైదరాబాద్ జట్టు మరోసారి చర్చల్లోకి వచ్చింది. వేలంలో కొందరు ఆటగాళ్లను అధిక ధరలకు కొనుగోలు చేయడంతో మనస్తాపానికి గురైన అసిస్టెంట్ కోచ్, ఆస్ట్రేలియా మాజీ బ్యాట్స్‌మెన్ సైమన్ కాటిచ్ రాజీనామా చేశాడు. అతని స్థానంలో ప్రస్తుతం సైమన్ హెల్మోట్ జట్టుకు సహాయ కోచ్‌గా వ్యవహరించనున్నాడు. సైమన్ ఆస్ట్రేలియాకు చెందినవాడు. గతంలో BBLలో మెల్‌బోర్న్ రెనెగేడ్స్‌కు కోచ్‌గా ఉన్నాడు.

కటిచ్, వెస్టిండీస్ గ్రేట్ బ్రియాన్ లారా, భారత మాజీ బ్యాట్స్‌మెన్ హేమంగ్ బదానీలను సన్‌రైజర్స్ సహాయక సిబ్బందిలో చేర్చారు. ఇందులో ప్రధాన కోచ్‌లు టామ్ మూడీ, ముత్తయ్య మురళీధరన్ కూడా ఉన్నారు. వేలం తర్వాత శుక్రవారం కాటిచ్ రాజీనామా చేశారు.

The first bat of the #LucknowSuperGiants presented to the Honorable Chief Minister, @myogiadityanath. Grateful to receive his support! ? pic.twitter.com/SDmRLMa7Sw

— Lucknow Super Giants (@LucknowIPL) February 18, 2022

Also Read: Ipl 2022 Auction: సన్‌ రైజర్స్‌ హైదరాబాద్‌కు కొత్త అసిస్టెంట్‌ కోచ్‌.. సైమన్‌ కటిచ్‌ స్థానంలో ఎవరు రానున్నారంటే..

Rohit Sharma: టీమిండియా టెస్ట్‌ కెప్టెన్‌గా హిట్‌ మ్యాన్‌.. బీసీసీఐ అధికారిక ప్రకటన.. వైస్‌ కెప్టెన్‌ ఎవరో తెలుసా?