IPL 2021: సన్‌రైజర్స్ హైదరాబాద్ కెప్టెన్ మార్పు.. ‘కేన్ మామ’కు సారధ్య బాధ్యతలు.. వార్నర్ పై వేటు.!

ఐపీఎల్ 2021లో వరుస పరాజయాలను ఎదుర్కుంటున్న సన్‌రైజర్స్ హైదరాబాద్ ఫ్రాంచైజీ కీలక నిర్ణయం తీసుకుంది....

  • Publish Date - 3:50 pm, Sat, 1 May 21
IPL 2021: సన్‌రైజర్స్ హైదరాబాద్ కెప్టెన్ మార్పు.. 'కేన్ మామ'కు సారధ్య బాధ్యతలు.. వార్నర్ పై వేటు.!

ఐపీఎల్ 2021లో వరుస పరాజయాలను ఎదుర్కుంటున్న సన్‌రైజర్స్ హైదరాబాద్ ఫ్రాంచైజీ కీలక నిర్ణయం తీసుకుంది. రేపు జరగబోయే మ్యాచ్ నుంచి, ఈ సీజన్ ముగిసేవరకు కేన్ విలియమ్సన్ కెప్టెన్ గా బాధ్యతలు చేపట్టబోతున్నట్లు ట్విట్టర్ వేదికగా అధికారికంగా ప్రకటించింది. అటు ప్రస్తుత కెప్టెన్, విధ్వంసకర ఓపెనర్ డేవిడ్ వార్నర్ పై వేటు వేసింది. ఇక సన్‌రైజర్స్ హైదరాబాద్ యాజమాన్యం తీసుకున్న ఈ నిర్ణయంపై భిన్నాభిప్రాయాలు వ్యక్తం అవుతున్నాయి. పలువురు నెటిజన్లు ఈ నిర్ణయానికి మద్దతుగా కామెంట్స్ చేస్తుంటే.. మరికొందరు వ్యతిరేకత చూపిస్తున్నారు.

కాగా, ఈ సీజన్ లో సన్‌రైజర్స్ హైదరాబాద్ ఇప్పటివరకూ ఆరు మ్యాచ్ లు ఆడింది. ఇందులో ఐదు మ్యాచ్ లు ఓడిపోగా.. ఒక్క మ్యాచ్ లో మాత్రమే విజయం సాధించింది. ఈ నేపథ్యంలో యాజమాన్యం కఠిన నిర్ణయం తీసుకున్నట్లు తెలుస్తోంది. వార్నర్ సహకారం ఎల్లప్పుడూ ఉంటుందని ట్వీట్ లో పేర్కొంది. అయితే రాజస్థాన్ తో జరగబోయే మ్యాచ్ లో ఓవర్సీస్ కాంబినేషన్ కూడా మారుతుందని తెలపడంతో వార్నర్ జట్టులో ఉంటాడా.? లేదా.? అనే దానిపై సందిగ్దత నెలకొంది.

Read also:

Viral: నల్ల త్రాచు, ముంగీస మధ్య యుద్ధం.. వైరల్ వీడియో.. చివరికి ఎవరు గెలిచారంటే.!

 కరోనాతో మరణిస్తే రూ. 2 లక్షలు వస్తాయా.? క్లారిటీ ఇచ్చిన కేంద్రం ప్రభుత్వం..!