Yashasvi Jaiswal: గోల్డెన్ డక్‌‌తో పెవిలియన్‌కు.. కట్‌చేస్తే.. చెత్త రికార్డుల్లో పెర్త్ సెంచరీ హీరో..

Yashasvi Jaiswal: పెర్త్ టెస్టులో అద్భుత సెంచరీ చేసి టీమ్ ఇండియాకు అద్భుత విజయాన్ని అందించిన యశస్వి జైస్వాల్.. ఆ తర్వాతి మ్యాచ్‌లోనే ఎవరూ ఊహించనిది జరిగింది. ఈ ఎడమచేతి వాటం బ్యాట్స్‌మన్ అడిలైడ్ డే-నైట్ టెస్టులో మొదటి బంతికే ఔట్ అయ్యాడు. మిచెల్ స్టార్క్ అద్భుతమైన స్వింగ్ బంతితో యశస్వి జైస్వాల్‌ను ఎల్‌బీడబ్ల్యూగా ఔట్ చేశాడు. యశస్వి జైస్వాల్ గోల్డెన్ డక్‌తో ఔట్ అయిన వెంటనే, అతని పేరు మీద ఎన్నో అనవసరమైన రికార్డులు నమోదయ్యాయి.

డే-నైట్ టెస్టులో హీరో నుంచి జీరోకి మారిన యశస్వి..!

1. అడిలైడ్‌లో జరిగిన డే-నైట్ టెస్టులో తొలి బంతికే అవుటైన యశస్వి జైస్వాల్ తన కెరీర్‌లో తొలిసారి ఇలాంటి రోజు చూశాడు.
2. జైస్వాల్ తన టెస్టు కెరీర్‌లో తొలిసారి 0 పరుగుల వద్ద ఔటయ్యాడు.
3. యశస్వి మొత్తం మూడు సార్లు 0 పరుగుల వద్ద ఔట్ అయ్యాడు.
4. పింక్ బాల్ టెస్టులో తొలి బంతికే ఔట్ అయిన ప్రపంచంలోనే మూడో ఓపెనర్‌గానూ, భారత్ నుంచి తొలి ఓపెనర్‌గానూ యశస్వి జైస్వాల్ నిలిచాడు.
ఇవి కూడా చదవండి



భారత్‌లో ఎక్కువ దూరం ప్రయాణించే రైలు ఏదో తెలుసా? 4 రోజుల ప్రయాణం



మీరు ఇలా చేయకపోతే మీ గ్యాస్ కనెక్షన్‌ రద్దు అవుతుంది!



భార్యలు పుట్టింటికి వెళ్లిన తర్వాత భర్తలు ఎక్కువ ఆ పనే చేస్తారట!



దొంగిలించిన ఫోన్‌ స్విచ్ ఆఫ్‌లో ఉందా? ట్రేస్ ఎలా చేస్తారు?

5. అతనికి ముందు, 2017లో హామిల్టన్ మసకద్జా, 2021లో జాక్ క్రాలే డే-నైట్ టెస్టులో తొలి బంతికే ఔట్ అయ్యారు.
6. డే-నైట్ టెస్టులో ఔటైన రెండో భారత ఆటగాడు యశస్వి జైస్వాల్. అతని కంటే ముందు, ఆర్ అశ్విన్ 2020లో ఆస్ట్రేలియాతో జరిగిన తొలి బంతికే ఔట్ అయ్యాడు.
7. ఇప్పటివరకు, పింక్ బాల్ టెస్టులో 8 మంది భారత ఆటగాళ్లు 0 పరుగుల వద్ద ఔట్ అయ్యారు. వీరిలో ఛెతేశ్వర్ పుజారా, పృథ్వీ షా, అజింక్య రహానే, మహ్మద్ షమీ, ఇషాంత్ శర్మ, అశ్విన్, ఉమేష్ యాదవ్ ఉన్నారు. ఇప్పుడు ఈ జాబితాలో యశస్వి జైస్వాల్ కూడా చేరింది.

యశస్వి రీఎంట్రీ ఇస్తాడా..

అడిలైడ్ టెస్టులో యశస్వి జైస్వాల్ పునరాగమనం చేయాలని అంతా భావిస్తున్నారు. ఈ ఆటగాడికి బలమైన ఎదురుదాడి చేయడం కూడా తెలుసు. పెర్త్‌ టెస్టులో జైస్వాల్‌ విషయంలోనూ అదే జరిగింది. పెర్త్ టెస్టు తొలి ఇన్నింగ్స్‌లో, యశస్వి 0 పరుగులకే ఔట్ కాగా, రెండో ఇన్నింగ్స్‌లో ఈ ఆటగాడు 161 పరుగుల ఇన్నింగ్స్ ఆడడంతో.. టీమ్ ఇండియా తొలి టెస్టులో 295 పరుగుల భారీ తేడాతో విజయం సాధించింది.

అడిలైడ్‌లో కష్టాల్లో టీమిండియా..

అయితే, అడిలైడ్ టెస్టులో విఫలమవడం యశస్వి మాత్రమే కాదు. టీమిండియాలోని ఇతర వెటరన్ బ్యాట్స్‌మెన్ కూడా ప్రత్యేకంగా ఏమీ చేయలేకపోయారు. విరాట్ కోహ్లీ, రాహుల్, శుభ్‌మన్ గిల్, కెప్టెన్ రోహిత్ శర్మల బ్యాట్‌లు కూడా పింక్ బాల్ సీమ్ , స్వింగ్‌కు వ్యతిరేకంగా పని చేయలేదు. దీంతో టీమిండియా 87 పరుగులకే ఐదు వికెట్లు కోల్పోయింది.

మరిన్ని క్రీడా వార్తల కోసం ఇక్కడ క్లిక్ చేయండి..