IND vs WI: రెండో వన్డేలో ఓపెనర్‌గా ఇషాన్ డౌట్.. రోహిత్‌తో ఇన్నింగ్స్ ఆరంభించేది ఎవరంటే?
India vs West Indies: వన్డే సిరీస్ తొలి మ్యాచ్‌లో టీమిండియాకు రోహిత్ శర్మ, ఇషాన్ కిషన్ శుభారంభం అందించారు. అయితే రెండో వన్డేలో రోహిత్‌తో ఓపెనింగ్ చేసే విషయంలో కీలక మార్పు చేస్తారనే వార్తలు వస్తున్నాయి.
India vs West Indies: అహ్మదాబాద్‌లో భారత్, వెస్టిండీస్ మధ్య వన్డే సిరీస్ జరుగుతోంది. తొలి మ్యాచ్‌లో టీమిండియా(Team India) 6 వికెట్ల తేడాతో విజయం సాధించింది. ఈ మ్యాచ్‌లో భారత జట్టు కెప్టెన్ రోహిత్ శర్మ(Rohit Sharma), ఇషాన్ కిషన్ ఓపెనింగ్‌కు వచ్చారు. శిఖర్ ధావన్‌కి కరోనా సోకడంతో ఇషాన్ ఓపెనర్‌గా బరిలోకి దిగాడు. అయితే ప్రస్తుతం రోహిత్, ఇషాన్(Ishan Kishan)ల జోడీ బహుశా తర్వాతి మ్యాచ్‌లో ఓపెనింగ్ బరిలోకి దిగకపోవచ్చని తెలుస్తోంది.
అహ్మదాబాద్ వన్డే సిరీస్‌లో తొలి మ్యాచ్‌లో రోహిత్, ఇషాన్ జోడీ మంచి భాగస్వామ్యాన్ని నెలకొల్పింది. అయితే దీని తర్వాత ఇషాన్ 28 పరుగుల వ్యక్తిగత స్కోరు వద్ద ఔటయ్యాడు. కాగా, రోహిత్ 60 పరుగులు చేశాడు. ఈ మ్యాచ్‌లో రోహిత్‌తో ఓపెనింగ్ చేసేందుకు అందుబాటులో లేదు. కోవిడ్-19 పాజిటివ్‌గా ఉండటంతో ధావన్ ఆడలేకపోయాడు. అయితే, ఇప్పుడు కేఎల్ రాహుల్ తదుపరి మ్యాచ్‌లో పునరాగమనం చేయనున్నాడు. ఇలాంటి పరిస్థితుల్లో ఇషాన్‌ను ఓపెనర్‌గా బరిలోకి దిగడంపై టీమిండియా ఆలోచిస్తున్నట్లు తెలుస్తోంది.
కేఎల్ రాహుల్ టీమ్ ఇండియాలో అనుభవజ్ఞుడైన ఆటగాడు. భారత్ తరఫున చాలా మ్యాచ్‌ల్లో అద్భుత ప్రదర్శన చేశాడు. ఓపెనర్‌గా అతని ప్రదర్శనను పరిశీలిస్తే, అతను కూడా సమర్థవంతంగా రాణిస్తున్నాడు. కాబట్టి కెప్టెన్ రోహిత్ తనతో పాటు ఓపెనింగ్‌కు కేఎల్‌ని తీసుకొచ్చే అవకాశం ఉంది. రాహుల్ తొలి మ్యాచ్‌లో ఆడలేకపోయాడు. తన చెల్లెలి వివాహానికి హాజరయ్యేందుకు వెళ్లాడు.
వన్డే సిరీస్‌లోని తొలి మ్యాచ్‌లో తొలుత బ్యాటింగ్ చేసిన వెస్టిండీస్ 43.5 ఓవర్లలో 176 పరుగులకు ఆలౌట్ అయింది. దీంతో భారత జట్టు 28 ఓవర్లలో 4 వికెట్లు కోల్పోయి విజయం సాధించింది. ఇందులో రోహిత్, ఇషాన్‌లతో పాటు సూర్యకుమార్ యాదవ్, దీపక్ హుడా కూడా మంచి ప్రదర్శన చేశారు. సూర్యకుమార్ 34 నాటౌట్, దీపక్ 26 నాటౌట్‌గా నిలిచాడు.
Also Read: IPL 2022 Auction: ఆ ముగ్గురిపై కన్నేసిన ఆర్‌సీబీ.. రూ. 27 కోట్లతో దక్కించుకునేందుకు భారీ స్కెచ్..!
