IND VS SA: ఆరో బౌలర్‌ కొరత తీరింది.. స్పిన్నర్లలో ఒకరికి ఛాన్స్: తొలి వన్డే ముందు కేఎల్ రాహుల్ కీలక వ్యాఖ్యలు

India Vs South Africa 2021: భారత్- దక్షిణాఫ్రికా (India vs South Africa, 1st ODI) మధ్య బుధవారం నుంచి 3 వన్డేల సిరీస్ ప్రారంభం కానుంది. పార్ల్‌లోని బోలాండ్‌ పార్క్‌లో తొలి మ్యాచ్‌ జరగనుంది. ఈ గడ్డపై భారత జట్టు దక్షిణాఫ్రికా జట్టుతో ఎప్పుడూ తలపడలేదు. కాబట్టి ఈ సవాలు టీమిండియా(Team India) అంత సులువు కాదు. తొలి టెస్టులో ఓడిన తర్వాత దక్షిణాఫ్రికా సిరీస్‌లో నిలబడింది. కాగా, వన్డే సిరీస్‌కు టీమిండియా భీకరంగా సిద్ధమవుతోంది. కేఎల్ రాహుల్(KL Rahul) నాయకత్వంలో టీమిండియా ఉత్సాహం కనిపిస్తోంది. రోహిత్ శర్మ గైర్హాజరీలో కెప్టెన్ గా వ్యవహరిస్తున్న కేఎల్ రాహుల్.. వన్డే సిరీస్ ప్రారంభానికి ముందు బోలాండ్ పార్క్ పిచ్ పై, వెంకటేష్ అయ్యర్ పై కీలక విషయాలు వెల్లడించాడు. అవేంటో చూద్దాం..

బోలాండ్ పార్క్ పిచ్ ఎలా ఉంది?

బోలాండ్ పార్క్‌లోని పిచ్ స్పిన్‌కు అనుకూలమైనదని కేఎల్ రాహుల్ అభివర్ణించాడు. తొలి, రెండో వన్డేల్లో పిచ్ స్పిన్నర్లకు ఉపయోగపడుతుందని రాహుల్ అన్నాడు. ఈ పిచ్ దక్షిణాఫ్రికాలోని ఇతర పిచ్‌ల కంటే భిన్నంగా ఉంటుంది. టీమ్ ఇండియాలో అశ్విన్, చాహల్ రూపంలో ఇద్దరు వరల్డ్ క్లాస్ స్పిన్నర్లు ఉన్నారని కేఎల్ రాహుల్ అన్నాడు. పిచ్ స్పిన్నర్లకు అనుకూలంగా ఉంటే ఇద్దరికీ అవకాశం కల్పిస్తామంటూ చెప్పుకొచ్చాడు.

వెంకటేష్ అయ్యర్ టీమ్‌కి ఎందుకు ప్రత్యేకం?

వెంకటేష్ అయ్యర్ టీమిండియాకు చాలా కీలకమైన ఆటగాడు అని కేఎల్ రాహుల్ పేర్కొన్నాడు. భారత ఆరో బౌలర్‌కు వెంకటేష్ అయ్యర్ ప్రత్యామ్నాయమని, అందుకే అతనికి అవకాశం కల్పిస్తామని చెప్పాడు. కేఎల్ రాహుల్ మాట్లాడుతూ, ‘వైట్ బాల్‌లో ఆరో బౌలర్ చాలా కీలకం. ఇది మనకు చాలా కాలంగా తెలుసు. ఆ స్థానాన్ని భర్తీ చేసేందుకు వెంకటేష్ అయ్యర్ వచ్చాడు. ఆయనకు తప్పక అవకాశం ఇస్తాం. వెంకటేష్ అయ్యర్‌కి ఏ అవకాశం ఇచ్చినా బాగానే ఆకట్టుకున్నాడు. మేం చాలా కీలకమైన ఆరో బౌలర్‌పై పని చేయాలనుకుంటున్నాం. వెంకటేష్ అయ్యర్ దక్షిణాఫ్రికాతో వన్డేల్లో అరంగేట్రం చేయబోతున్నాడని కేఎల్ రాహుల్ స్పష్టం చేశాడు.

డెత్ ఓవర్లు ఆందోళన కలిగించే అంశం!

బౌలింగ్‌పై ప్రత్యేకంగా చర్చ జరిగిందని, డెత్ ఓవర్లను దృష్టిలో ఉంచుకుని టీమిండియా కూడా వ్యూహం రచించినట్లు కేఎల్ రాహుల్ తెలిపాడు. కేఎల్ రాహుల్ మాట్లాడుతూ.. ‘ప్రపంచకప్‌కు సన్నాహాలు మొదలయ్యాయి. కొత్తగా ప్రయోగాలు చేయడానికి మేం వెనుకాడం. మ్యాచ్ గెలవకూడదని కాదు. కానీ, అన్నీ ఒక ప్రక్రియ ప్రకారం జరుగుతాయి’ అని రాహుల్ పేర్కొన్నాడు.

ధావన్‌ రీ ఎంట్రీ..!

కేఎల్ రాహుల్ కూడా శిఖర్ ధావన్‌కు అవకాశం ఇవ్వాలని సూచించాడు. రాహుల్ మాట్లాడుతూ, ‘శిఖర్ ధావన్ సీనియర్ ఆటగాడు. వారి నుంచి ఏమి ఆశిస్తున్నారో వారికి తెలుసు. కెప్టెన్‌గా అతడిని మంచి జోన్‌లో ఉంచాలనుకుంటున్నాం. నాకు వ్యక్తిగతంగా శిఖర్ ధావన్ బ్యాటింగ్ అంటే చాలా ఇష్టం’ అంటూ చెప్పుకొచ్చాడు.

? ? I’ve learnt a lot from @msdhoni and @imVkohli. @klrahul11 on his learnings from MS Dhoni & Virat Kohli and leading #TeamIndia in the ODI series against South Africa. ?#SAvIND pic.twitter.com/1mPm2jKDUB

— BCCI (@BCCI) January 18, 2022

Also Read: IND vs SA: తొలి వన్డేలో గబ్బర్ రీ ఎంట్రీ.. రెండు స్పెషల్ రికార్డులపై కన్నేసిన లెఫ్ట్‌హ్యాండర్..!

IND vs SA: కోహ్లీ పేరిట ఎన్నో స్పెషల్ రికార్డులు.. బ్రేక్ చేయడం అంత ఈజీ కాదు.. అవేంటో తెలుసా?

IND vs SA: కోహ్లీ పేరిట ఎన్నో స్పెషల్ రికార్డులు..!