IND vs SA: భారత్ 266 పరుగులకు ఆలౌట్‌.. సౌతాఫ్రికా లక్ష్యం 240 పరుగులు

IND vs SA: భారత్ సెకండ్‌ ఇన్నింగ్స్‌లో 266 పరుగులకు ఆలౌట్‌ అయింది. సౌతాఫ్రికాకి 240 పరుగుల లక్ష్యాన్ని నిర్దేశించింది. మూడో రోజు ఓవర్‌ నైట్‌ స్కోరు 85/2 పరుగులతో ఆట ప్రారంభించగా.. క్రీజులో నిలిచిన చటేశ్వార పూజారా, అజింకా రహానె ఆచితూచి ఆడారు. మూడో వికెట్‌కి 100 పరుగుల భాగస్వామ్యం నెలకొల్పి భారత్‌ని గట్టెక్కించారు. ఈ క్రమంలో ఇద్దరు హాఫ్ సెంచరీలు సాధించారు. పూజారా 86 బంతుల్లో 10 ఫోర్ల సాయంతో 53 పరుగులు, రహానె 78 బంతుల్లో 8 ఫోర్లు 1 సిక్స్‌తో 58 పరుగులు చేశారు.

అనంతరం ఇద్దరు వెంటవెంటనే ఔట్‌ అయ్యారు. దీంతో మిగతావారెవ్వరు క్రీజులో నిలదొక్కుకోలేకపోయారు. హనుమ విహారి ఒక్కడే చివరి వరకు నాటౌట్‌గా ఉండి 40 పరుగులు (84 బంతుల్లో 6 ఫోర్లు) చేశాడు. శార్దుల్‌ ఠాగూర్‌ 28 పరుగులు పర్వాలేదనిపించాడు. దీంతో భారత్ 266 పరుగులకు ఆలౌట్‌ అయింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 3 వికెట్లు, ఎంగిడి 3 వికెట్‌ సాధించారు. కాగా భారత్ తొలి ఇన్నింగ్స్‌లో 202 పరుగులకు ఆలౌట్‌ కాగా దక్షిణాఫ్రికాను 229 పరుగులకు ఆలౌట్ అయిన సంగతి తెలిసిందే.

FASTag: ఫాస్టాగ్‌ అకౌంట్ మూసివేయాలంటే ఎలా..? మొత్తం ప్రక్రియ తెలుసుకోండి..

Covid Guidelines: దేశవ్యాప్తంగా కరోనా కేసులు పెరుగుతున్న నేపథ్యంలో కేంద్ర ప్రభుత్వం కొత్తగా మార్గదర్శకాలు జారీ

Coronavirus: అమితాబ్‌ ఇంట్లో మళ్లీ కరోనా టెన్షన్‌.. వైరస్‌ బారిన పడిన ..