AUS vs SL, ICC World Cup 2023: తొలి విజయం ఎవరికి దక్కేనో.. లక్నోలో శ్రీలంకతో ఆస్ట్రేలియా కీలక పోరు..
Australia vs Sri Lanka, ICC World Cup 2023: ఎకానా క్రికెట్ స్టేడియం బౌలర్లకు, ముఖ్యంగా స్పిన్నర్లకు మరింత అనుకూలంగా ఉంటుంది. స్లో పిచ్ కావడంతో బ్యాటర్లు కష్టపడక తప్పలేదు. మ్యాచ్ సాగుతున్న కొద్దీ పేసర్లు లాభపడతారు. చిన్న ఫీల్డ్ పరిమాణం పెద్ద స్కోర్కు దారి తీస్తుంది. ఇక్కడ మొత్తం ఐదు వన్డేలు జరిగాయి. ఈ మ్యాచ్ల్లో సగటు తొలి ఇన్నింగ్స్ స్కోరు 220గా నిలిచింది. మొదట బ్యాటింగ్ చేసిన జట్టు మూడుసార్లు గెలుపొందగా, ఛేజింగ్ చేసిన జట్టు రెండుసార్లు గెలిచింది.
Updated on: Oct 16, 2023 | 8:59 AM
AUS vs SL, ICC World Cup 2023: ఐసీసీ వన్డే వరల్డ్ కప్ 2023 14వ మ్యాచ్లో పాట్ కమిన్స్ నేతృత్వంలోని ఆస్ట్రేలియా వర్సెస్ కుసల్ మెండిస్ నేతృత్వంలోని శ్రీలంక (Australia vs Sri Lanka) నేడు తలపడనున్నాయి. లక్నోలోని భారతరత్న శ్రీ అటల్ బిహారీ వాజ్పేయి ఏకనా క్రికెట్ స్టేడియంలో ఈ మ్యాచ్ జరగనుంది. ఇరుజట్లు ఆడిన రెండు మ్యాచ్ల్లో ఓడిపోయాయి. కాబట్టి, ఈ రెండు జట్టు తొలి విజయం కోసం తహతహలాడుతున్నాయి.
లంకకు షాక్..
వరుస పరాజయాలతో సతమతమవుతున్న శ్రీలంక జట్టుకు మరో షాక్ తగిలింది. అక్టోబర్ 10న పాకిస్థాన్తో జరిగిన మ్యాచ్లో గాయపడిన శ్రీలంక కెప్టెన్ దసున్ షనక ఇప్పుడు ప్రపంచకప్కు దూరమయ్యాడు. గాయపడిన షనక స్థానంలో బౌలింగ్ ఆల్ రౌండర్ చమిక కరుణరత్న మళ్లీ జట్టులోకి ఎంపికయ్యాడు. కెప్టెన్ స్వయంగా జట్టుకు దూరమవడం పెద్ద ఎదురుదెబ్బ. కుశాల్ మెండిస్ సారథ్యంలో లంక ఎలాంటి ప్రదర్శన చేస్తుందో చూడాలి.
విజయాల బాట పట్టేనా..
వార్మప్ మ్యాచ్ల్లో సంచలనం సృష్టించిన ఆస్ట్రేలియా.. భారత్, దక్షిణాఫ్రికాపై ఘోర పరాజయాలను చవిచూసింది. జట్టులో చాలా మంది స్టార్ ప్లేయర్లు ఉన్నప్పటికీ అదృష్టం మాత్రం దక్కడం లేదు. మిచెల్ మార్ష్, వార్నర్లు శుభారంభం అందించాల్సి ఉంటుంది. స్టీవ్ స్మిత్, లాబుషాగ్నే, మాక్స్వెల్ మిడిల్ ఆర్డర్కు మద్దతు ఇవ్వాలి. అలెక్స్ కారీ కూడా సహాయం చేయాల్సి ఉంటుంది. స్టోయినిస్ పునరాగమనం ఇంకా ప్రకాశించలేదు. స్టార్క్, కమిన్స్, హేజిల్వుడ్, జంపా కూడా బౌలింగ్లో ఆకట్టుకోవాల్సి ఉంటుంది.
View this post on Instagram
ఎకానా స్టేడియం రికార్డులు..
ఎకానా క్రికెట్ స్టేడియం బౌలర్లకు, ముఖ్యంగా స్పిన్నర్లకు మరింత అనుకూలంగా ఉంటుంది. స్లో పిచ్ కావడంతో బ్యాటర్లు కష్టపడక తప్పలేదు. మ్యాచ్ సాగుతున్న కొద్దీ పేసర్లు లాభపడతారు. చిన్న ఫీల్డ్ పరిమాణం పెద్ద స్కోర్కు దారి తీస్తుంది. ఇక్కడ మొత్తం ఐదు వన్డేలు జరిగాయి. ఈ మ్యాచ్ల్లో సగటు తొలి ఇన్నింగ్స్ స్కోరు 220గా నిలిచింది. మొదట బ్యాటింగ్ చేసిన జట్టు మూడుసార్లు గెలుపొందగా, ఛేజింగ్ చేసిన జట్టు రెండుసార్లు గెలిచింది.
ఆస్ట్రేలియా జట్టు: పాట్ కమ్మిన్స్ (కెప్టెన్), స్టీవ్ స్మిత్, అలెక్స్ కారీ, జోష్ ఇంగ్లిస్, సీన్ అబాట్, కామెరాన్ గ్రీన్, జోష్ హేజిల్వుడ్, ట్రావిస్ హెడ్, మార్నస్ లాబుషాగ్నే, మిచ్ మార్ష్, గ్లెన్ మాక్స్వెల్, మార్కస్ స్టోయినిస్, డేవిడ్ వార్నర్, ఆడమ్ జాంపా, మిచెల్ స్టార్క్.
శ్రీలంక జట్టు: శ్రీలంక జట్టు: పాతుమ్ నిస్సాంక, దిముత్ కరుణరత్నే, కుసల్ మెండిస్ (కెప్టెన్), సదీర సమరవిక్రమ, చరిత్ అసలంక, కుసల్ పెరీరా, ధనంజయ డి సిల్వా, చమిక కరుణరత్న, కసున్ రజిత, లహిరు కుమార పతిరన్, మహేశ్ తీక్షణ్.
మరిన్ని క్రీడా వార్తల కోసం ఇక్కడ క్లిక్ చేయండి..
