Match Fixing: మరోసారి మ్యాచ్ ఫిక్సింగ్ కలకలం… ఆ ఆటగాడిపై 14 ఏళ్ల నిషేధం విధించిన ఐసీసీ
ICC: జింబాబ్వే, యూఏఈ మధ్య జరిగిన అంతర్జాతీయ మ్యాచ్‌తో పాటు కెనడా జీటీ 20 లీగ్‌లో జరిగిన మ్యాచ్‌లో మెహర్‌దీప్ ఫిక్సింగ్ ఆరోపణలు ఎదుర్కొన్నాడు.
Updated on: Oct 12, 2022 | 3:26 PM
టీ20 ప్రపంచకప్ 2022కు సమయం ఆసన్నమైంది. ఈ మేరకు అన్ని జట్లు సన్నాహాలను ప్రారంభించాయి. కానీ, అంతకు ముందు ఒక క్రికెటర్‌కి మాత్రం చేదు వార్త వచ్చింది. ఈ ఆటగాడికి T20 ప్రపంచ కప్ 2022 తో ఎలాంటి సంబంధం లేదు. ఈ ఆటగాడి జట్టు అక్కడ క్వాలిఫైయర్స్ ఆడుతుంది. ఈ జట్టులో ఆయన మాత్రం భాగం కాలేదు. 3 ఏళ్ల క్రితం క్రికెట్ మైదానంలో పెద్ద తప్పు చేసి శిక్ష అనుభవించిన యూఏఈ క్రికెటర్ మెహర్‌దీప్ చావ్కర్ గురించి ప్రస్తుతం మనం మాట్లాడుతున్నాం. ఆ శిక్ష ఫలితంగా ప్రస్తుతం 14 ఏళ్ల పాటు క్రికెట్ ఆడలేకపోతున్నాడు.
3 సంవత్సరాల క్రితం, అంటే 2019 సంవత్సరంలో, మెహర్‌దీప్‌పై మ్యాచ్‌లు ఫిక్సింగ్ ఆరోపణలు వచ్చాయి. జింబాబ్వే, UAE మధ్య జరిగిన అంతర్జాతీయ మ్యాచ్‌తో పాటు కెనడా GT20 లీగ్‌లో ఒక మ్యాచ్‌లో అతను ఫిక్సింగ్ చేసినట్లు ఆరోపణలు వచ్చాయి. మెహర్‌దీప్‌పై మొత్తం 7 అభియోగాలు నమోదయ్యాయి. ఆ తర్వాత ICC అతనిని దోషిగా నిర్ధారించి 14 సంవత్సరాల నిషేధం విధించింది.
యూఏఈ ఆటగాడిపై ఐసీసీ 14 ఏళ్ల నిషేధం..
మెహర్‌దీప్‌పై అవినీతి నిరోధక విభాగం నిషేధం విధించినట్లు ఐసీసీ బుధవారం తెలిపింది. గతంలో యూఏఈ జాతీయ జట్టులోని ఇద్దరు ఆటగాళ్లపై నిషేధం విధించారు. ఛావ్కర్‌కు సంబంధించిన ఆఫర్‌కు సంబంధించి అవినీతి నిరోధక కోడ్‌ను ఉల్లంఘించినట్లు అతను అంగీకరించాడు.
చావ్కర్ వికెట్ కీపర్ కం బ్యాట్స్‌మెన్..
మెహర్‌దీప్ చావ్కర్ యూఏఈ క్రికెట్‌లో వికెట్ కీపర్ బ్యాట్స్‌మెన్. అతను UAE టాప్ లీగ్‌లో నిరంతరం ఆడుతున్నాడు. 2012లో అండర్-19 ఏషియన్ క్లబ్ టోర్నమెంట్‌లో కూడా ఆడాడు. ఐసీసీ శిక్షను స్వీకరించిన తర్వాత, అతను తనపై వచ్చిన ఆరోపణలను ఖండించాడు. అది నిరాధారమని పేర్కొన్నాడు. అతను ఉద్దేశపూర్వకంగా ఇలా చేయడంతో సహా రెండు కౌంట్లలో దోషిగా తేలాడు. మెహర్‌దీప్ చావ్కర్‌పై ఫిక్సింగ్ మాత్రమే కాకుండా విచారణకు సహకరించలేదన్న ఆరోపణలున్నాయి. దీంతో అతడికి ఐసీసీ కఠిన శిక్ష విధించింది.
