Hardik Pandya: సొంతూరికి ప్రపంచకప్ హీరో.. హార్దిక్ పాండ్యాకు గ్రాండ్ వెల్‌కమ్ చెప్పిన ఫ్యాన్స్.. వీడియో

టీ20 ప్రపంచకప్ ముగిసి 15 రోజులు గడిచాయి. అయినప్పటికీ భారత్‌లో టీ20 ప్రపంచకప్ ఫీవర్ తగ్గలేదు. ఈలోగా టీ20 ప్రపంచకప్ జట్టులో భాగమైన ఆటగాళ్లు స్వగ్రామాలకు చేరుకోవడంతో వారికి స్వాగతం పలికేందుకు భారీగా జనం తరలివస్తున్నారు

Hardik Pandya

Basha Shek |
Updated on: Jul 16, 2024 | 7:54 AM

టీ20 ప్రపంచకప్ ముగిసి 15 రోజులు గడిచాయి. అయినప్పటికీ భారత్‌లో టీ20 ప్రపంచకప్ ఫీవర్ తగ్గలేదు. ఈలోగా టీ20 ప్రపంచకప్ జట్టులో భాగమైన ఆటగాళ్లు స్వగ్రామాలకు చేరుకోవడంతో వారికి స్వాగతం పలికేందుకు భారీగా జనం తరలివస్తున్నారు. తాజాగా టీ20 ప్రపంచకప్‌లో వైస్ కెప్టెన్‌గా జట్టును విజయతీరాలకు చేర్చిన హార్దిక్ పాండ్యా కూడా చాలా రోజుల తర్వాత తన స్వస్థలం వడోదరకు చేరుకున్నాడు. దీంతో ప్రపంచకప్ హీరోకు స్వాగతం పలికేందుకు వడోదరా ప్రజలు భారీగా తరలివచ్చారు. T20 ప్రపంచ కప్ పరేడ్ జరిగిన ముంబైలోని మెరైన్ డ్రైవ్‌లో చాలా మంది అభిమానులు గుమిగూడారు, అదేవిధంగా హార్దిక్ పాండ్యాకు స్వాగతం పలికేందుకు రహదారి మొత్తం అభిమానులతో నిండిపోయింది. ఓపెన్ బస్ లో కూర్చున్న హార్దిక్ పాండ్యా అభిమానులకు అభివాదం చేస్తూ ముందుకు కదిలాడు.

భారత జట్టు జూలై 4న ఢిల్లీకి చేరుకుంది. దీని తర్వాత, అదే రోజు సాయంత్రం ముంబైలో టీమ్ ఇండియా ఓపెన్ బస్ పరేడ్ జరిగింది. అంతకుముందు ఢిల్లీలో ప్రధాని మోదీతో కలిసి ఆటగాళ్లంతా అల్పాహార విందు చేశారు. కాగా, వాంఖడే స్టేడియంలో బీసీసీఐ రాత్రి ఓ కార్యక్రమాన్ని నిర్వహించింది. దీని తర్వాత, మిగిలిన ఆటగాళ్లు తమ తమ ఇళ్లకు వెళ్లిపోయారు. అయితే హార్దిక్ పాండ్యా కొన్ని కార్యక్రమాల్లో పాల్గొనేందుకు ముంబైలోనే ఉండిపోయాడు.

ఇవి కూడా చదవండి

VIDEO | Cricketer Hardik Pandya (@hardikpandya7) attends a roadshow in Vadodara to celebrate Team India’s T20 World Cup victory. pic.twitter.com/Qp4rFg3Mxl

— Press Trust of India (@PTI_News) July 15, 2024

ఇది కాకుండా ముకేష్ అంబానీ తనయుడు అనంత్ అంబానీ పెళ్లికి కూడా హార్దిక్ పాండ్యా హాజరయ్యాడు. ఈ కారణంగా, అతను ఇప్పటివరకు ముంబైలో ఉన్నాడు. తాజాగా వడోదర చేరుకున్న పాండ్యాకు ఘన స్వాగతం లభించింది. హార్దిక్ పాండ్యా స్వయంగా తన ఇన్‌స్టాగ్రామ్‌లో ఈ వీడియోను షేర్ చేశాడు. కాగా మహ్మద్ సిరాజ్, కుల్దీప్ యాదవ్‌లతో సహా అనేక ఇతర క్రికెటర్లకు వారి నగరాల్లో గ్రాండ్ వెల్కమ్ లభించింది. ఇక హార్దిక్ పాండ్యా విషయానికి వస్తే.. T20 ప్రపంచ కప్ 2024 ఫైనల్‌లో దక్షిణాఫ్రికాపై అద్భుతంగా బౌలింగ్ చేశాడీ స్టార్ ఆల్ రౌండర్. చివరి ఓవర్ లో కీలకమైన డేవిడ్ మిల్లర్‌ను అవుట్ చేసి టీమ్ ఇండియాను విజయతీరాలకు చేర్చాడు.