England vs Ireland: పసికూనపై రికార్డ్ స్కోర్.. 31 ఓవర్లలోనే దంచి కొట్టి ఇంగ్లండ్ ప్లేయర్లు.. ఎంతంటే?
England vs Ireland, 3rd ODI: కెప్టెన్ జాక్ క్రాలీ, బెన్ డకెట్ మూడో వికెట్కు 101 పరుగులు జోడించి జట్టు స్కోరును 200 దాటించారు. క్రాలీ 42 బంతుల్లో 51 పరుగులు చేసి ఇన్నింగ్స్ ఆడాడు. డకెట్ ఒక ఎండ్ నుంచి తుఫాన్ శైలిలో పరుగులు చేయడం కొనసాగించాడు. 72 బంతుల్లో తన తొలి వన్డే సెంచరీని పూర్తి చేశాడు. అతను 78 బంతుల్లో 12 ఫోర్లు, రెండు సిక్సర్ల సాయంతో 107 పరుగులు చేసి నాటౌట్గా నిలిచాడు. సామ్ హైన్ కూడా 17 పరుగులతో అజేయంగా ఇన్నింగ్స్ ఆడాడు. వీరిద్దరి మధ్య 75 పరుగుల అజేయ భాగస్వామ్యం ఉంది.
England vs Ireland, 3rd ODI: బ్రిస్టల్లో ఇంగ్లాండ్ వర్సెస్ ఐర్లాండ్ (ENG vs IRE) మధ్య జరిగిన మూడవ మ్యాచ్ వర్షం కారణంగా రద్దు చేశారు. ఆతిథ్య జట్టు 1-0తో 3 మ్యాచ్ల సిరీస్ను గెలుచుకుంది. ఇంగ్లండ్కు మొదట బ్యాటింగ్ చేసే అవకాశం లభించింది. ఇంగ్లీష్ బ్యాట్స్మెన్ల దూకుడు ఇన్నింగ్స్ సహాయంతో ఆ జట్టు 31 ఓవర్లలో కేవలం 4 వికెట్లు కోల్పోయి 280ల భారీ స్కోరు సాధించింది. అయితే వర్షం రావడంతో తదుపరి ఆట సాధ్యం కాలేదు.
తొలుత టాస్ గెలిచిన ఐర్లాండ్ బౌలింగ్ నిర్ణయాన్ని పూర్తిగా తప్పు పట్టడంతో ఇంగ్లండ్ శుభారంభం చేసింది. ఫిల్ సాల్ట్, విల్ జాక్వెస్ జోడీ కేవలం 3.3 ఓవర్లలో 50 పరుగులు పూర్తి చేసింది. సాల్ట్ 22 బంతుల్లో అర్ధ సెంచరీ పూర్తి చేసుకున్నాడు. అతను ఏడో ఓవర్లో ఔట్ కావడానికి ముందు జాక్వెస్తో కలిసి 87 పరుగులు జోడించాడు. 28 బంతుల్లో 61 పరుగులతో తుఫాను ఇన్నింగ్స్ను సాధించాడు. అతని ఇన్నింగ్స్లో ఏడు ఫోర్లు, నాలుగు సిక్సర్లు ఉన్నాయి. ఇంగ్లండ్ కేవలం 8 ఓవర్లలో 100 పరుగులు పూర్తి చేసి వన్డేల్లో ఫాస్టెస్ట్ సెంచరీని నమోదు చేసింది. 21 బంతుల్లో మూడు ఫోర్లు, మూడు సిక్సర్ల సాయంతో 39 పరుగులు చేసిన తర్వాత తొమ్మిదో ఓవర్లో జాక్వెస్ స్కోరు 104 వద్ద పెవిలియన్కు చేరుకున్నాడు.
ఇక్కడి నుంచి కెప్టెన్ జాక్ క్రాలీ, బెన్ డకెట్ మూడో వికెట్కు 101 పరుగులు జోడించి జట్టు స్కోరును 200 దాటించారు. క్రాలీ 42 బంతుల్లో 51 పరుగులు చేసి ఇన్నింగ్స్ ఆడాడు. డకెట్ ఒక ఎండ్ నుంచి తుఫాన్ శైలిలో పరుగులు చేయడం కొనసాగించాడు. 72 బంతుల్లో తన తొలి వన్డే సెంచరీని పూర్తి చేశాడు. అతను 78 బంతుల్లో 12 ఫోర్లు, రెండు సిక్సర్ల సాయంతో 107 పరుగులు చేసి నాటౌట్గా నిలిచాడు. సామ్ హైన్ కూడా 17 పరుగులతో అజేయంగా ఇన్నింగ్స్ ఆడాడు. వీరిద్దరి మధ్య 75 పరుగుల అజేయ భాగస్వామ్యం ఉంది. ఆ తర్వాత వర్షం కురవడంతో మ్యాచ్ రద్దయింది. ఐర్లాండ్ తరపున క్రెయిగ్ యంగ్ అత్యధికంగా మూడు వికెట్లు పడగొట్టాడు.
ఈ సిరీస్లోని మొదటి మ్యాచ్ కూడా వర్షం కారణంగా రద్దు అయింది. టాస్ కూడా సాధ్యం కాలేదు. రెండో మ్యాచ్లో ఇంగ్లండ్ 48 పరుగుల తేడాతో విజయం సాధించి సిరీస్లో 1-0 ఆధిక్యంలో నిలిచింది. ఈ కారణంగా మూడో మ్యాచ్ రద్దయినా సిరీస్ ఇంగ్లండ్ పేరిటే మిగిలిపోయింది.
ఇరు జట్లు:
ఐర్లాండ్ (ప్లేయింగ్ XI): పాల్ స్టిర్లింగ్(సి), ఆండ్రూ బల్బిర్నీ, కర్టిస్ కాంఫర్, హ్యారీ టెక్టర్, లోర్కాన్ టక్కర్(w), జార్జ్ డాక్రెల్, మార్క్ అడైర్, థియో వాన్ వోర్కోమ్, బారీ మెక్కార్తీ, క్రెయిగ్ యంగ్, జాషువా లిటిల్.
ఇంగ్లాండ్ (ప్లేయింగ్ XI): ఫిలిప్ సాల్ట్, విల్ జాక్స్, జాక్ క్రాలీ(సి), బెన్ డకెట్, సామ్ హైన్, జామీ స్మిత్(w), బ్రైడన్ కార్సే, రెహాన్ అహ్మద్, టామ్ హార్ట్లీ, ల్యూక్ వుడ్, మాథ్యూ పాట్స్.
మరిన్ని క్రీడా వార్తల కోసం ఇక్కడ క్లిక్ చేయండి..