ENG vs NZ: చరిత్ర సృష్టించిన ఇంగ్లండ్ ప్లేయర్.. టెస్ట్ క్రికెట్‌లో తొలి ఫాస్ట్ బౌలర్‌గా రికార్డ్.. అదేంటంటే?
ఇంగ్లండ్ ఫాస్ట్ బౌలర్ జేమ్స్ ఆండర్సన్ న్యూజిలాండ్ ఓపెనర్ టామ్ లాథమ్‌ను అవుట్ చేసిన వెంటనే భారీ రికార్డును తన ఖాతాలో వేసుకున్నాడు.
Updated on: Jun 13, 2022 | 5:43 PM
ఇంగ్లండ్ ఫాస్ట్ బౌలర్ జేమ్స్ అండర్సన్(James Anderson) చరిత్ర సృష్టించాడు. న్యూజిలాండ్(ENG vs NZ)తో ట్రెంట్ బ్రిడ్జ్‌లో జరుగుతోన్న రెండో టెస్టులో ఈ లెజెండరీ రైట్ ఆర్మ్ ఫాస్ట్ బౌలర్ టామ్ లాథమ్‌ను ఔట్ చేసిన వెంటనే భారీ రికార్డును తన ఖాతాలో వేసుకున్నాడు. ఈమేరకు అండర్సన్ 650 టెస్టు వికెట్లు పూర్తి చేశాడు. టెస్టుల్లో 650 వికెట్లు తీసిన తొలి ఫాస్ట్ బౌలర్‌గా అండర్సన్ నిలిచాడు. అత్యధిక టెస్టు వికెట్లు తీసిన జాబితాలో జేమ్స్ అండర్సన్ మూడో స్థానంలో ఉన్నాడు. షేన్ వార్న్, ముత్తయ్య మురళీధరన్ మాత్రమే ఆండర్సన్ కంటే ముందున్నారు. టెస్టు క్రికెట్‌లో మురళీధరన్ 800 వికెట్లు, షేన్ వార్న్ 708 వికెట్లు సాధించిన సంగతి తెలిసిందే.
అత్యధిక టెస్టు వికెట్లు తీసిన జాబితాలో జేమ్స్ అండర్సన్ మూడో స్థానంలో ఉన్నాడు. షేన్ వార్న్, ముత్తయ్య మురళీధరన్ మాత్రమే ఆండర్సన్ కంటే ముందున్నారు. టెస్టు క్రికెట్‌లో మురళీధరన్ 800 వికెట్లు, షేన్ వార్న్ 708 వికెట్లు సాధించిన సంగతి తెలిసిందే.
జేమ్స్ ఆండర్సన్ తర్వాత గ్లెన్ మెక్‌గ్రాత్ అత్యధికంగా 563 టెస్ట్ వికెట్లు సాధించాడు. మెక్‌గ్రాత్ రికార్డును ఇంగ్లండ్ ఫాస్ట్ బౌలర్ స్టువర్ట్ బ్రాడ్ (543 వికెట్లు) బద్దలు కొట్టాడు.
అత్యధిక టెస్టు క్రికెట్ ఆడిన బౌలర్‌గా జేమ్స్ అండర్సన్ నిలిచాడు. ఈ ఆటగాడు తన 171వ టెస్టు ఆడుతున్నాడు. అండర్సన్ తన టెస్టు కెరీర్‌లో దాదాపు 37 వేల బంతులు విసిరాడు. ఒక ఇన్నింగ్స్‌లో ఐదు వికెట్లు తీసిన ఫీట్‌ను 31 సార్లు చేశాడు. ఈ మ్యాచ్‌లో 10 వికెట్లు తీసిన ఫీట్‌ను 3 సార్లు సాధించాడు.
ఇంగ్లండ్ తరపున 400, 500, 600, 650 వికెట్లు తీసిన తొలి బౌలర్ జేమ్స్ ఆండర్సన్ నిలిచాడు. ఇటీవల యాషెస్ సిరీస్ తర్వాత అండర్సన్ జట్టు నుంచి తొలగించారు. అయితే స్టోక్స్ టెస్ట్ జట్టు కమాండ్ పొందిన వెంటనే అండర్సన్ ఇంగ్లీష్ జట్టులోకి తిరిగి వచ్చాడు.
James Anderson gets his 650 international Test wicket, as Tom Latham for 4(5).#ENGvsNZ #jamesanderson pic.twitter.com/l9Xl9wNNeI
— Resanth. (@Cric_Resanth) June 13, 2022
