IPL 2024: ఢిల్లీ క్యాపిటల్స్‌ వద్దంది.. కట్‌చేస్తే.. 13 బంతుల్లో 70 పరుగులు.. తుఫాన్ సెంచరీతో బౌలర్లపై ఊచకోత..

Philip Salt: ఇండియన్ ప్రీమియర్ లీగ్ తదుపరి సీజన్ కోసం రంగం సిద్ధమైంది. IPL 2024 కోసం వేలం డిసెంబర్ 19 మంగళవారం దుబాయ్‌లో జరగనుంది. గత నెలలో, మొత్తం 10 జట్లు తమ రిలీజైన, రిటైన్ చేసిన ఆటగాళ్ల జాబితాను విడుదల చేశాయి. ఢిల్లీ క్యాపిటల్స్ కూడా చాలా మంది ఆటగాళ్లను విడుదల చేసింది. ఢిల్లీ నుంచి విడుదలైన ఆటగాళ్ల జాబితాలో ఒకరి పేరు ఉండడం అందరినీ ఆశ్చర్యపరిచింది. అదే ఆటగాడు తుఫాన్ బ్యాటింగ్‌తో సంచలనం సృష్టించాడు.

ఇంగ్లండ్‌కు చెందిన ఈ తుఫాను ఓపెనర్, వికెట్ కీపర్ బ్యాట్స్‌మన్‌ను ఢిల్లీ క్యాపిటల్స్ విడుదల చేసింది. అయితే, ఇప్పుడు ఈ ఆటగాడు IPL 2024 వేలంలో భారీ మొత్తాన్ని పొందవచ్చని తెలుస్తోంది. కోల్‌కతా నైట్ రైడర్స్, గుజరాత్ టైటాన్స్, పంజాబ్ కింగ్స్, ఢిల్లీ క్యాపిటల్స్, సన్‌రైజర్స్ హైదరాబాద్ వంటి జట్లు ఈ ఆటగాడిపై భారీగా బిడ్‌ వేసే అవకాశం ఉంది.

వేలానికి ముందు తుఫాను సెంచరీ..

IPL 2024 వేలానికి ముందు, ఇంగ్లండ్‌కు చెందిన ఫిల్ సాల్ట్ తన తుఫాన్ బ్యాటింగ్‌తో ప్రకంపనలు సృష్టించాడు. శనివారం రాత్రి సాల్ట్ వెస్టిండీస్ బౌలర్లపై బీభత్సం చేశాడు. కేవలం 51 బంతుల్లోనే మ్యాచ్ విన్నింగ్ సెంచరీ సాధించాడు. సాల్ట్ తన సెంచరీ ఇన్నింగ్స్‌లో 9 సిక్సర్లు, 4 ఫోర్లు కొట్టాడు. బౌండరీ బంతులను మాత్రమే లెక్కిస్తే సాల్ట్ కేవలం 13 బంతుల్లో 70 పరుగులు చేశాడు.

టీ20 స్పెషలిస్ట్‌గా ఫిలిప్ సాల్ట్..

ఇంగ్లండ్ వికెట్ కీపర్ బ్యాట్స్‌మెన్ ఫిలిప్ సాల్ట్ T20 ఫార్మాట్‌లో స్పెషలిస్ట్ బ్యాట్స్‌మన్‌గా పేరుగాంచాడు. ఫాస్ట్ బౌలర్లతో పాటు స్పిన్నర్లపై కూడా భారీ షాట్లు ఆడడంలో పిన్ సాల్ట్ నిపుణుడు. ఐపీఎల్ 2023లో ఢిల్లీకి ఆడుతున్నప్పుడు కూడా అతను ఈ విషయాన్ని చూపించాడు. సాల్ట్ ఇంగ్లండ్ తరపున ఇప్పటి వరకు 19 టీ20 ఇంటర్నేషనల్స్ ఆడాడు. ఈ సమయంలో, అతని బ్యాట్ నుంచి 157.52 స్ట్రైక్ రేట్‌తో 482 పరుగులు వచ్చాయి. ఇప్పటి వరకు 22 సిక్సర్లు, 47 ఫోర్లు కొట్టాడు. IPL 9 మ్యాచ్‌లలో, సాల్ట్ 164 స్ట్రైక్ రేట్‌తో 218 పరుగులు చేశాడు.

మరిన్ని క్రీడా వార్తల కోసం ఇక్కడ క్లిక్ చేయండి..