CWC 2023: వన్డే చరిత్రలో ఫాస్టెస్ట్ డబుల్ సెంచరీలు ఇవే.. లిస్టులో ఎవరున్నారంటే?
అఫ్ఘానిస్థాన్‌ నిర్దేశించిన 292 పరుగుల లక్ష్యాన్ని ఛేదించే క్రమంలో ఒకానొక సమయంలో ఆస్ట్రేలియా స్కోరు 7 వికెట్ల నష్టానికి 91 పరుగులుగా నిలిచింది. ఓటమి ఖాయం అనిపించినా గ్లెన్ మాక్స్వెల్ ఒంటిచేత్తో విజయాన్ని ఖాయం చేయడం గమనార్హం. కెప్టెన్ పాట్ కమిన్స్ (68 బంతుల్లో, 12*)తో కలిసి ఎనిమిదో వికెట్‌కు 202 పరుగుల రికార్డు అజేయ భాగస్వామ్యం నెలకొల్పాడు. ఆస్ట్రేలియా 46.5 ఓవర్లలో మూడు వికెట్లు మిగిలి ఉండగానే లక్ష్యాన్ని సాధించింది. తద్వారా సెమీఫైనల్‌కు చేరిన మూడో జట్టుగా ఆస్ట్రేలియా నిలిచింది.
Updated on: Nov 08, 2023 | 1:40 PM
ICC World Cup 2023: నవంబర్ 7న, ICC ODI ప్రపంచ కప్ 2023 (CWC 2023)లో 39వ మ్యాచ్‌లో, అభిమానులు ఆస్ట్రేలియా ఆల్ రౌండర్ గ్లెన్ మాక్స్వెల్ (Glenn Maxwell) బ్యాట్ నుంచి ఒక అద్భుతమైన ఇన్నింగ్స్‌ను చూడగలిగారు. ఇది చిరకాలం గుర్తుండిపోయే ఇన్నింగ్స్ అనడంలో ఎలాంటి సందేహం లేదు. ముంబైలోని వాంఖడే స్టేడియంలో ఆఫ్ఘనిస్తాన్ జట్టు ఐదో విజయాన్ని నమోదు చేసి ఆస్ట్రేలియాకు షాకిస్తుందని అంతా అనుకున్నారు. కానీ, మాక్స్వెల్ వారి ముందు నిలబడి డబుల్ సెంచరీతో సత్తా చాటి, తన జట్టును విజయపథంలో నడిపించాడు.
వన్డే క్రికెట్ చరిత్రలో ఇది 11వ డబుల్ సెంచరీ. అతని ఇన్నింగ్స్‌తో, గ్లెన్ మాక్స్వెల్ వన్డే క్రికెట్‌లో అత్యధిక డబుల్ సెంచరీలు సాధించిన ఘనతను కూడా సాధించాడు. కేవలం 128 బంతుల్లో 21 ఫోర్లు, 10 సిక్సర్ల సాయంతో 201 పరుగులు చేసి అజేయంగా నిలిచాడు. 2015 ప్రపంచకప్‌లో కాన్‌బెర్రాలో జింబాబ్వేపై 138 బంతుల్లో డబుల్ సెంచరీ సాధించిన వెస్టిండీస్ దిగ్గజం క్రిస్ గేల్ రికార్డును ఆస్ట్రేలియా ఆల్ రౌండర్ బద్దలు కొట్టాడు. ఇప్పుడు అతని ఇన్నింగ్స్ మూడో స్థానానికి చేరుకుంది.
ఈ జాబితాలో వేగవంతమైన డబుల్ సెంచరీ సాధించిన బ్యాట్స్‌మెన్స్ గురించి మాట్లాడితే, 2022 బంగ్లాదేశ్ పర్యటనలో కేవలం 126 బంతుల్లో డబుల్ సెంచరీ చేసిన భారత యువ వికెట్ కీపర్-బ్యాట్స్‌మెన్ ఇషాన్ కిషన్ పేరు అగ్రస్థానంలో ఉంది.
నాన్ ఓపెనర్‌గా డబుల్ సెంచరీ సాధించిన తొలి బ్యాట్స్‌మెన్..
వన్డే క్రికెట్‌లో ఇప్పటివరకు సాధించిన డబుల్ సెంచరీలన్నీ ఓపెనింగ్ బ్యాట్స్‌మెన్స్ నుంచి వచ్చినవే. సచిన్ టెండూల్కర్ అయినా, మార్టిన్ గప్టిల్ అయినా ఇలా అంతా ఓపెనర్లుగా బరిలోకి దిగి ఈ ఘనతను సాధించారు. అయితే మంగళవారం మ్యాక్స్‌వెల్ విభిన్నమైన ఫీట్ చేసి ఓపెనింగ్ చేయనప్పటికీ డబుల్ సెంచరీ సాధించిన తొలి బ్యాట్స్‌మెన్‌గా నిలిచాడు.
అఫ్ఘానిస్థాన్‌ నిర్దేశించిన 292 పరుగుల లక్ష్యాన్ని ఛేదించే క్రమంలో ఒకానొక సమయంలో ఆస్ట్రేలియా స్కోరు 7 వికెట్ల నష్టానికి 91 పరుగులుగా నిలిచింది. ఓటమి ఖాయం అనిపించినా గ్లెన్ మాక్స్వెల్ ఒంటిచేత్తో విజయాన్ని ఖాయం చేయడం గమనార్హం. కెప్టెన్ పాట్ కమిన్స్ (68 బంతుల్లో, 12*)తో కలిసి ఎనిమిదో వికెట్‌కు 202 పరుగుల రికార్డు అజేయ భాగస్వామ్యం నెలకొల్పాడు. ఆస్ట్రేలియా 46.5 ఓవర్లలో మూడు వికెట్లు మిగిలి ఉండగానే లక్ష్యాన్ని సాధించింది. తద్వారా సెమీఫైనల్‌కు చేరిన మూడో జట్టుగా ఆస్ట్రేలియా నిలిచింది.
ఇరుజట్లు..
View this post on Instagram
ఆస్ట్రేలియా: పాట్ కమిన్స్ (కెప్టెన్) , ట్రావిస్ హెడ్, డేవిడ్ వార్నర్, మార్నస్ లాబుస్‌చాగ్నే, మిచెల్ మార్ష్, జోష్ ఇంగ్లిస్ (వికెట్ కీపర్), మార్కస్ స్టోయినిస్, గ్లెన్ మాక్స్వెల్, ఆడమ్ జంపా, మిచెల్ స్టార్క్, జోష్ హేజిల్‌వుడ్.
ఆఫ్ఘనిస్తాన్: హష్మతుల్లా షాహిదీ (కెప్టెన్) , రహ్మానుల్లా గుర్బాజ్, ఇబ్రహీం జద్రాన్, రహ్మత్ షా, మహ్మద్ నబీ, అజ్మతుల్లా ఒమర్జాయ్, ఇక్రమ్ అలీఖిల్ (వికెట్), రషీద్ ఖాన్, ముజీబ్ ఉర్ రహ్మాన్, నూర్ అహ్మద్, నవీన్ ఉల్ హక్.
మరిన్ని క్రీడా వార్తల కోసం ఇక్కడ క్లిక్ చేయండి..
