డిసెంబర్ 4న రింకూ సింగ్, ప్రియా సరోజ్ పెళ్లి.. అతిథుల జాబితా చూశారా..?
క్రికెటర్ రింకూ సింగ్, ఎంపీ ప్రియా సరోజ్ వివాహం డిసెంబర్ 4న లక్నోలో జరగనుంది. బాలీవుడ్ నటుడు షారుఖ్ ఖాన్, రాహుల్ గాంధీ వంటి ప్రముఖులు ఈ వేడుకకు హాజరుకానున్నారు. 2025లో నిశ్చితార్థం చేసుకున్న ఈ జంట ప్రేమకథ ఆసక్తికరంగా ఉంది. ఇరు కుటుంబాలు అంగరంగ వైభవంగా పెళ్లి ఏర్పాట్లు చేస్తున్నాయి.
Updated on: Oct 13, 2026 | 2:34 PM
Rinku Singh Priya Saroj: క్రికెటర్ రింకూ సింగ్, ఎంపీ ప్రియా సరోజ్ 2026 డిసెంబర్ 4న లక్నోలోని రమాడా హోటల్‌లో వివాహం చేసుకోనున్నారు. ఈ వేడుకకు బాలీవుడ్ నటుడు షారుఖ్ ఖాన్, రాహుల్ గాంధీ సహా పలువురు ప్రముఖులు హాజరయ్యే అవకాశం ఉంది. కాగా, ఇరు కుటుంబాలు ఇప్పటికే పెళ్లి ఏర్పాట్లను ప్రారంభించాయి. అతిథుల జాబితా కూడా దాదాపు ఖరారైనట్లు సమాచారం. బాలీవుడ్ నటుడు షారుఖ్ ఖాన్‌తో పాటు రాజకీయ, పరిపాలనా, క్రికెట్ రంగాలకు చెందిన పలువురు ప్రముఖులు ఈ వేడుకకు హాజరయ్యే అవకాశం ఉన్నట్లు తెలుస్తోంది.
అయితే, పెళ్లికి హాజరయ్యే అతిథుల పూర్తి అధికారిక జాబితా ఇంకా వెలువడలేదు. క్రీడా, రాజకీయ రంగాలకు చెందిన పలువురు ప్రముఖులకు ఆహ్వానాలు అందే అవకాశం ఉందని సమాచారం.
డిసెంబర్ 4న రింకూ, ప్రియా పెళ్లి..
క్రికెటర్ రింకూ సింగ్, ఎంపీ ప్రియా సరోజ్ వివాహం డిసెంబర్ 4న లక్నోలోని రమాడా హోటల్‌లో జరగనుంది. ప్రియా సరోజ్ కుటుంబం తరఫున రాజకీయ రంగానికి చెందిన ప్రముఖులను ఆహ్వానించనున్నట్లు తెలుస్తోంది. ఇందుకు సంబంధించిన జాబితాను కూడా కుటుంబ సభ్యులు సిద్ధం చేసినట్లు సమాచారం.
సమాజ్‌వాదీ పార్టీకి చెందిన ఎంపీలు, ఎమ్మెల్యేలతో పాటు ప్రతిపక్ష నేత రాహుల్ గాంధీ, ప్రియాంక గాంధీ, సుప్రియా సూలే, పలువురు కేంద్ర మంత్రులను కూడా ఈ వివాహానికి ఆహ్వానించనున్నట్లు సమాచారం.
రింకూ సింగ్ కుటుంబం తరపున బాలీవుడ్ నటుడు షారుఖ్ ఖాన్‌తో పాటు పలువురు భారత క్రికెటర్లను కూడా వివాహ వేడుకకు ఆహ్వానించే అవకాశం ఉంది. లక్నోలోని రమాడా హోటల్‌తో పాటు వీఐపీల కోసం హోటల్ తాజ్‌లోనూ గదులు బుక్ చేసినట్లు సమాచారం.
2025లోనే రింకూ-ప్రియా నిశ్చితార్థం..
ప్రియా సరోజ్, రింకూ సింగ్‌ల నిశ్చితార్థం 2025 జూన్‌లో జరిగింది. అప్పటి నుంచి వీరిద్దరి గురించి తరచూ వార్తలు వస్తున్నాయి. వివాహ వేడుకను సంప్రదాయబద్ధంగా, అన్ని ఆచారాలతో నిర్వహించేందుకు కుటుంబ సభ్యులు ఏర్పాట్లు చేస్తున్నారు.
రింకూ సింగ్, ప్రియా సరోజ్ లవ్ స్టోరీ..
క్రికెటర్ రింకూ సింగ్, మచిలీషహర్ ఎంపీ ప్రియా సరోజ్ ప్రేమకథ కూడా ఆసక్తికరంగానే ఉంది. వీరి పరిచయం, ప్రేమకు సంబంధించిన పలు విషయాలను రింకూ సింగ్ గతంలో ఓ ఇంటర్వ్యూలో స్వయంగా వెల్లడించారు. తొలిసారి ప్రియా సరోజ్ తనను కలవడానికి వచ్చినప్పుడు ఆమె ఒక్కరే రాలేదని, తన స్నేహితులు, పరిచయస్తులతో కలిసి పెద్ద బృందంతో వచ్చారని రింకూ సింగ్ చెప్పుకొచ్చాడు.
మరిన్ని క్రీడా వార్తల కోసం ఇక్కడ క్లిక్ చేయండి..
