Big Bash League: 4 బంతుల్లో 4 వికెట్లు .. గింగిరాలు తిరిగే బంతులతో ప్రత్యర్థులకు చుక్కలు చూపించిన ఆసీస్ స్పిన్నర్ ..

టీ- 20 లంటే బ్యాటర్లదే హవా అనుకుంటారు చాలామంది. అందుకే తగ్గట్లే ఈ పొట్టి క్రికెట్ లో బ్యాటింగ్ పరంగా ఎన్నో రికార్డులు నమోదవుతుంటాయి. అయితే కచ్చితత్వంతో బంతులు వేస్తే బౌలర్లు కూడా

Basha Shek | Edited By: Ravi Kiran|
Updated on: Jan 20, 2022 | 7:01 AM

టీ- 20 లంటే బ్యాటర్లదే హవా అనుకుంటారు చాలామంది. అందుకే తగ్గట్లే ఈ పొట్టి క్రికెట్ లో బ్యాటింగ్ పరంగా ఎన్నో రికార్డులు నమోదవుతుంటాయి. అయితే కచ్చితత్వంతో బంతులు వేస్తే బౌలర్లు కూడా టీ- 20లో సత్తాచాటవచ్చని ఆస్ట్రేలియా స్పిన్నర్ క్యామెరూన్ బాయ్స్ మరోసారి నిరూపించాడు. ఆస్ట్రేలియా వేదికగా జరుగుతున్న బిగ్ బాష్ లీగ్ లో మెల్ బోర్న్ రెనిగెడ్స్ కు ప్రాతినిథ్యం వహిస్తోన్న ఈ ఆటగాడు బుధవారం అరుదైన ఫీట్ అందుకున్నాడు. సిడ్నీతో జరిగిన మ్యాచ్ లో వరుసగా 4 బంతుల్లో 4 వికెట్లు పడగొట్టి డబుల్ హ్యాట్రిక్ నమోదు చేశాడు. క్రికెట్ లో వరుసగా మూడు బంతుల్లో మూడు వికెట్లు తీస్తే హ్యాట్రిక్ అని, అదేవిధంగా వరుసగా 4 బంతుల్లో 4 వికెట్లు నేల కూల్చితే డబుల్ హ్యాట్రిక్ గా పరిగణిస్తారు. అలా క్యామెరూన్ బాయ్స్ తాజా మ్యాచ్ లో డబుల్ హ్యాట్రిక్ తో సహా మొత్తం 5 వికెట్లు పడగొట్టాడు.

కాగా గతేడాది యూఏఈలో జరిగిన టీ- 20 ప్రపంచకప్ లో ఐర్లాండ్ బౌలర్ కర్టిస్ క్యాంపర్ 4 బంతుల్లో 4 వికెట్లు పడగొట్టాడు. అంతకుమందు శ్రీలంక స్పీడ్ స్టర్ లసిత్ మలింగ కూడా డబుల్ హ్యాట్రిక్ నమోదు చేశాడు. తాజాగా క్యామెరూన్ బాయ్స్ కూడా ఈ ఫీట్ ను అందుకున్నాడు. తద్వారా టీ -20 క్రికెట్ లో ఈ ఘనత సాధించిన మూడో బౌలర్ గా రికార్డుల కెక్కాడు. అతను వరుస బంతుల్లో అలెక్స్ హేల్స్, జేసన్ సంఘా, అలెక్స్ రాస్, డేనియల్ సామ్స్ ను ఔట్ చేశాడు. అయితే క్యామెరూన్ మొత్తం 5 వికెట్లు పడగొట్టినా సిడ్నీ జట్టు చేతిలో మెల్ బోర్న్ రెనిగెడ్స్ కు ఓటమి తప్పలేదు. మొదట బ్యాటింగ్ చేసిన సిడ్నీ థండర్స్ నిర్ణీత 20 ఓవర్లలో 8 వికెట్ల నష్టానికి 170 పరుగులు సాధించింది. లక్ష్య ఛేదనలో మెల్ బోర్న్ రెనిగెడ్స్ 169 పరుగులకే మాత్రమే పరిమితమైంది. దీంతో ఒక్క పరుగు తేడాతో పరాజయం పాలైంది.

We still can’t believe this happened!! A double hattie from Cameron Boyce!! #BBL11 pic.twitter.com/fQWsFakSnx

— KFC Big Bash League (@BBL) January 19, 2022