Bangladesh: బంగ్లాదేశ్‌కు దిమ్మతిరిగే బొమ్మ చూపించనున్న ఐసీసీ.. ఏకంగా ఎన్ని కోట్లు నష్టపోనుందంటే..?

T20 World Cup 2026: టీ20 ప్రపంచ కప్‌ 2026లో బంగ్లాదేశ్ పాల్గొనకూడదని నిర్ణయించుకుంది. భద్రతా కారణాల దృష్ట్యా జట్టును భారతదేశానికి పంపడానికి బీసీబీ (బంగ్లాదేశ్ క్రికెట్ బోర్డు) నిరాకరించింది. భారతదేశంలో భద్రతా పరిస్థితి మారలేదని, నిర్ణయం ప్రభుత్వానిదేనని యువజన, క్రీడా సలహాదారు ఆసిఫ్ నజ్రుల్ విలేకరుల సమావేశంలో పేర్కొన్నారు. గ్లోబల్ క్రికెట్ బోర్డు తమ డిమాండ్లను విస్మరించిందని చెబుతూ, ఐసీసీ అన్యాయం చేసిందని కూడా ఆయన ఆరోపించారు.

బీసీబీ ఎన్ని కోట్లు నష్టపోతుంది..?

ఈ టోర్నమెంట్‌ను భారత్, శ్రీలంక సంయుక్తంగా నిర్వహిస్తున్నందున, బంగ్లాదేశ్ గ్రూప్ మ్యాచ్‌లను శ్రీలంకకు మార్చాలని బీసీబీ ఐసీసీని అభ్యర్థించింది. అయితే, ఐసీసీ బోర్డు సమావేశం ఈ ప్రతిపాదనను తిరస్కరించింది. భారతదేశంలో భద్రతా ముప్పు లేదని పేర్కొంది. బీసీబీ భారతదేశానికి వెళ్లకపోతే, ఆ స్థానంలో మరొక జట్టును చేర్చుకుంటామని ఐసీసీ బీసీబీకి అల్టిమేటం జారీ చేసింది. అయినప్పటికీ, బంగ్లాదేశ్ మొండిపట్టుదలతో ప్రపంచ కప్‌లో ఆడాలని కోరుకుంటున్నామని, కానీ భారతదేశంలో కాదని పేర్కొంది. దీంతో టోర్నమెంట్ నుంచి వైదొలగాలని నిర్ణయించుకుంది.

ఈ నిర్ణయం వల్ల బంగ్లాదేశ్ క్రికెట్ బోర్డు భారీ మూల్యం చెల్లించుకోవలసి రావొచ్చు. ఐసీసీ నుంచి దాని వార్షిక ఆదాయ వాటా నుంచి దాదాపు 3.25 బిలియన్ బంగ్లాదేశ్ టాకా (సుమారు US$27 మిలియన్లు లేదా రూ. 240 కోట్లు) కోల్పోవచ్చని నివేదికలు సూచిస్తున్నాయి. ఇంకా, ప్రస్తుత ఆర్థిక సంవత్సరంలో ప్రసార హక్కులు, స్పాన్సర్‌షిప్‌లు, ఇతర ఆదాయాల నుంచి వచ్చే మొత్తం ఆర్థిక నష్టం 60 శాతం లేదా అంతకంటే ఎక్కువ ఉండవచ్చు. ఆటగాళ్లకు మ్యాచ్ ఫీజులు, బోనస్‌లు, బహుమతి డబ్బు కూడా అందకుండా పోతుంది.

ఇవి కూడా చదవండి

వైభవ్ జుజుబీ.! 18 ఫోర్లు, 8 సిక్సర్లతో ప్రభంజనం.. ఎవరంటే.?

దిగ్గజాలకే దిమ్మతిరిగే షాక్.. ప్రపంచ రికార్డ్‌తో అభి 'షేక్'

అభిషేక్ శర్మ ఓపెనింగ్ భాగస్వామి ఫిక్స్.. రంగంలోకి తుఫాన్ ప్లేయర్

సూర్య, బుమ్రా కాదు.. టీ20 ప్రపంచ కప్‌లో టీమిండియా ట్రంప్ కార్డ్?

భారత్ – బంగ్లాదేశ్ సిరీస్‌పై కూడా ప్రభావం..

ఈ వివాదం ద్వైపాక్షిక క్రికెట్‌పై కూడా ప్రభావం చూపవచ్చు. ఆగస్టు-సెప్టెంబర్‌లో జరిగే బంగ్లాదేశ్ పర్యటనను భారత్ రద్దు చేసుకోవచ్చు. ఎందుకంటే, ఈ సిరీస్ టీవీ ప్రసార హక్కుల పరంగా మిగిలిన 10 ద్వైపాక్షిక మ్యాచ్‌ల మాదిరిగానే ముఖ్యమైనదిగా మారింది. దీని ఫలితంగా బంగ్లాదేశ్ క్రికెట్ బోర్డుకు మరిన్ని నష్టాలు సంభవించవచ్చు. టీమిండియా పర్యటన 2025లో జరగాల్సి ఉంది. కానీ, బీసీసీఐ దానిని వాయిదా వేసింది. అయితే, ఈ నెల ప్రారంభంలో, బంగ్లాదేశ్ క్రికెట్ బోర్డు టూర్ షెడ్యూల్‌ను విడుదల చేసింది. ఇది ఇప్పుడు ఇబ్బందుల్లో ఉన్నట్లు కనిపిస్తోంది.