Video: సహనం కోల్పోయిన పాక్ సారథి.. అభిమానిపై చిందులు వేసిన బాబర్.. ఎందుకంటే?
India vs Pakistan, Asia Cup 2023: ఆసియా కప్‌లో భాగంగా జరుగుతున్న సూపర్-4 మ్యాచ్‌లో పాకిస్థాన్‌కు భారత్ 357 పరుగుల లక్ష్యాన్ని నిర్దేశించింది. రిజర్వ్ డేలో భారత జట్టు 50 ఓవర్లలో 2 వికెట్లకు 356 పరుగులు చేసింది. ఈ టోర్నీలో పాకిస్థాన్‌పై భారత్‌కు ఇదే అతిపెద్ద స్కోరు కావడం గమనార్హం.
Updated on: Sep 11, 2023 | 7:14 PM
Babar Azam: ఆసియా కప్-2023 మ్యాచ్ భారత్, పాకిస్థాన్ మధ్య జరుగుతోంది. కొలంబోలోని ఆర్ ప్రేమదాస స్టేడియంలో జరుగుతున్న ఈ మ్యాచ్‌కు వర్షం చాలా ఇబ్బంది కలిగించింది. అందుకే రిజర్వ్ డే రోజున మ్యాచ్ జరుగుతోంది. కానీ, వర్షం ఇక్కడ కూడా సమస్యలను సృష్టించింది. ఇంతలో పాకిస్థాన్ కెప్టెన్ బాబర్ ఆజం ఓ అభిమానిపై ఆగ్రహం వ్యక్తం చేశాడు. అతని ఈ వీడియో ప్రస్తుతం సోషల్ మీడియాలో వైరల్ అవుతోంది. ఇందులో పాక్ కెప్టెన్ కోపంగా ఉన్నాడు.
వర్షం కారణంగా తొలిరోజు ఆట పూర్తి కాలేదు. భారత ఇన్నింగ్స్‌లో కేవలం 24.1 ఓవర్లు మాత్రమే గడిచిన సమయంలో వర్షం రావడంతో మళ్లీ మ్యాచ్ ఆడలేదు. దీంతో అంపైర్లు రిజర్వ్ డేను ఉపయోగించుకోవాలని నిర్ణయించారు.
సెల్ఫీ అడిగిన ఓ అభిమాని..
First time ever i have seen this guy loosing his cool. #AsiaCup2023 pic.twitter.com/hE2emxmZqK
— Nibraz Ramzan (@nibraz88cricket) September 10, 2023
మొదటి రోజు, అంటే సెప్టెంబర్ 10 న, వర్షం మ్యాచ్‌ని ఇబ్బంది పెట్టింది. దీని కారణంగా మ్యాచ్ ప్రారంభంలో ఆలస్యం జరిగింది. మ్యాచ్ ప్రారంభం కావడానికి ముందు, ఒక అభిమాని బాబర్ వద్దకు వచ్చి సెల్ఫీ అడగడం ప్రారంభించాడు. బాబర్ అంగీకరించి సెల్ఫీని క్లిక్ మనిపించాడు. కానీ, అభిమాని మళ్లీ బాబర్‌ను అనుసరించి, అతనితో పాటు నడుస్తూ సెల్ఫీలు అడగడం ప్రారంభించాడు. అది చూసిన బాబర్‌కి కోపం వచ్చింది. వీడియో చూస్తుంటే బాబర్ అభిమానిపై కోపంగా ఉన్నట్లు చూడొచ్చు. నాతోపాటు లోపలికి వస్తావా? అంటూ ఫైర్ అయ్యాడు.
ఆసియా కప్-2023 లో ఇరు జట్ల మధ్య ఇది రెండో మ్యాచ్ . అంతకుముందు సెప్టెంబర్ 2న ఇరు జట్లు తలపడగా వర్షం కారణంగా ఈ మ్యాచ్ రద్దయింది. ఇప్పుడు ఇరు జట్లు రెండోసారి ఢీకొనడంతో ఈ మ్యాచ్‌లో విజయం సాధించాలని ఇరు జట్లూ భావిస్తున్నాయి. సూపర్-4లో భారత్‌కు ఇదే తొలి మ్యాచ్. కాగా, పాకిస్థాన్ ఒక మ్యాచ్ ఆడి బంగ్లాదేశ్‌ను ఓడించింది.
పాకిస్తాన్ ముందు భారీ టార్గెట్..
ఆసియా కప్‌లో భాగంగా సూపర్-4 మ్యాచ్‌లో బాబర్ సేన ముందు 357 పరుగుల టార్గెట్ ని రోహిత్ సేన డిసైడ్ చేసింది. రిజర్వ్ డేలో టీమిండియా 50 ఓవర్లలో కేవలం 2 వికెట్లు మాత్రమే కోల్పోయి 356 పరుగులు సాధించింది. విరాట్ తన కెరీర్‌లో 47వ వన్డే సెంచరీతో కళ్లు చెదిరే ఇన్నింగ్స్ ఆడాడు. కేవలం 94 బంతుల్లో 122 పరుగులు బాదేశాడు. మరో ప్లేయర్ కేఎల్ రాహుల్ తన కెరీర్‌లో ఆరో వన్డే సెంచరీతో ఆకట్టుకున్నాడు. 106 బంతుల్లో 111 పరుగులతో అద్భుత ఇన్నింగ్స్ ఆడాడు.
మరిన్ని క్రీడా వార్తల కోసం ఇక్కడ క్లిక్ చేయండి..
