Team India: ఆస్ట్రేలియా సిరీస్ తర్వాత టీమిండియా ఫుల్ బిజీ.. 6 జట్లతో 18 వన్డే‌లు.. షెడ్యూల్ ఇదే..

India Schedule: భారత జట్టు ప్రస్తుతం మూడు వన్డేల సిరీస్ కోసం ఆస్ట్రేలియాలో పర్యటిస్తోంది. ఈ పర్యటనలో భారత్ మూడు వన్డేలు, ఐదు టీ20లు ఆడనుంది. ఆ తర్వాత, భారత్ సొంతగడ్డపై దక్షిణాఫ్రికాతో సిరీస్ ఆడనుంది. ఆస్ట్రేలియాతో సిరీస్ తర్వాత, భారత జట్టు 6 జట్లతో 18 వన్డేలు ఆడనుంది. షెడ్యూల్, తేదీలను ప్రకటించారు. టీమిండియా ఏ జట్లతో వన్డేలు ఆడుతుందో ఇప్పుడు తెలుసుకుందాం..

ఆస్ట్రేలియా తర్వాత ఈ జట్లతో వన్డే సిరీస్..

భారత్, ఆస్ట్రేలియా ప్రస్తుతం మూడు మ్యాచ్‌ల వన్డే సిరీస్‌లో పాల్గొంటున్నాయి. పెర్త్‌లో ఇప్పటికే మొదటి వన్డే జరిగింది. అక్కడ భారత జట్టు ఓడిపోయింది. ఈ పర్యటన ముగిసిన తర్వాత, భారత జట్టు సొంతగడ్డపై దక్షిణాఫ్రికాతో సిరీస్ ఆడనుంది.

ఆస్ట్రేలియా తర్వాత, ఈ ఆరు జట్లతో భారత జట్టు మొత్తం 18 వన్డేలు ఆడనుంది. వీటికి సంబంధించిన తేదీలు, షెడ్యూల్‌ను బీసీసీఐ ప్రకటించింది. ఈ సిరీస్ ఎప్పుడు ఆడుతుందో వివరంగా పరిశీలిద్దాం..

ఇవి కూడా చదవండి

18 పరుగులకే 5 వికెట్లు.. ఖాతా తెరవని నలుగురు.. కట్‌చేస్తే

14 ఫోర్లు, 7 సిక్సర్లు.. ఫాస్టెస్ట్ టీ20 సెంచరీ..

జట్టులో దిగ్గజ ప్లేయర్లు.. 140 పరుగుల టార్గెట్‌.. కట్‌చేస్తే

10 పరుగులకే ఆలౌట్.. 5 బంతుల్లోనే మ్యాచ్ రిజల్ట్

నవంబర్-డిసెంబర్ నెలల్లో దక్షిణాఫ్రికాతో..

భారత్, దక్షిణాఫ్రికా మధ్య మూడు మ్యాచ్‌ల వన్డే సిరీస్ నవంబర్‌లో ప్రారంభమవుతుంది. మొదటి వన్డే నవంబర్ 30న జరుగుతుంది. రెండవ వన్డే డిసెంబర్ 3న, మూడవ వన్డే డిసెంబర్ 6న జరుగుతుంది. ఈ సిరీస్‌లో మొత్తం మూడు వన్డే మ్యాచ్‌లు జరుగుతాయి. ఈ వన్డే సిరీస్ భారత సొంతగడ్డపై జరుగుతుంది.

జనవరి 2026లో న్యూజిలాండ్‌తో..

దక్షిణాఫ్రికాతో వన్డే సిరీస్ ముగిసిన తర్వాత, టీం ఇండియా 2026 ప్రారంభంలో స్వదేశంలో న్యూజిలాండ్‌తో మూడు మ్యాచ్‌ల వన్డే సిరీస్ ఆడనుంది. ఈ సిరీస్‌లో తొలి వన్డే జనవరి 11న వడోదర స్టేడియంలో జరుగుతుంది. రెండో వన్డే జనవరి 14న రాజ్‌కోట్‌లో, మూడో వన్డే జనవరి 18న ఇండోర్ స్టేడియంలో జరుగుతుంది.

జూన్‌లో ఆఫ్ఘనిస్తాన్‌తో వన్డే సిరీస్..

ఆ తర్వాత, టీమిండియా జూన్ 2026లో స్వదేశంలో ఆఫ్ఘనిస్తాన్‌తో మూడు మ్యాచ్‌ల వన్డే సిరీస్ ఆడనుంది. అయితే, వన్డే మ్యాచ్‌లు ఎప్పుడు, ఎక్కడ, ఏ తేదీల్లో జరుగుతాయో బీసీసీఐ అధికారికంగా ప్రకటించలేదు.

జులై 2026లో ఇంగ్లాండ్‌తో మూడు వన్డేలు..

2026లో ఇంగ్లాండ్‌తో టీం ఇండియా మూడు మ్యాచ్‌ల వన్డే సిరీస్ ఆడనుంది. ఇది జులై 14న బర్మింగ్‌హామ్ మైదానంలో ప్రారంభమవుతుంది. రెండవ వన్డే జులై 16న కార్డిఫ్‌లోని సోఫియా గార్డెన్స్‌లో జరుగుతుంది. మూడవ వన్డే జులై 19న లార్డ్స్‌లో జరుగుతుంది.

సెప్టెంబర్-అక్టోబర్ నెలల్లో వెస్టిండీస్‌తో..

ఇంగ్లాండ్‌తో సిరీస్ తర్వాత, భారత జట్టు సొంతగడ్డపై వెస్టిండీస్‌తో మూడు మ్యాచ్‌ల వన్డే సిరీస్ ఆడనుంది. అయితే, ఈ సిరీస్ తేదీలు, షెడ్యూల్ ఇంకా ప్రకటించలేదు.

డిసెంబర్‌లో శ్రీలంకతో..

భారత జట్టు 2026 చివరిలో శ్రీలంకతో మూడు మ్యాచ్‌ల వన్డే సిరీస్ ఆడనుంది. ఈ సిరీస్ తేదీలు ఇంకా ప్రకటించలేదు.