Tirumala: శ్రీవారి భక్తులకు గుడ్ న్యూస్.. వచ్చే ఏడాది జనవరి నెల ఆర్జిత సేవా టికెట్స్ రిలీజ్.. పూర్తి వివరాల్లోకి వెళ్తే..

తిరుమల శ్రీవారి ఆర్జిత సేవ టికెట్లను టీటీడీ ఆన్లైన్ లో విడుదలకు తేదీలను ఖరారు చేసింది. 2025 కొత్త సంవత్సరం జనవరి నెల ఆర్జిత సేవా టికెట్ల కోటా విడుదలపై స్పష్టత ఇచ్చింది. అక్టోబరు 19న శ్రీ‌వారి ఆర్జితసేవా ఆన్లైన్ టికెట్ల జనవరి కోటా విడుదల చేస్తున్నట్లు ప్రకటన విడుదల చేసింది. https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, ద‌ర్శ‌నం టికెట్లు బుక్ చేసుకోవాల‌ని టీటీడీ భక్తులను కోరుతోంది.

తిరుమ‌ల శ్రీ‌వారి ఆర్జిత సేవా టికెట్లకు సంబంధించిన 2025 జనవరి నెల కోటాను అక్టోబరు 19న ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది. ఈ సేవాటికెట్ల ఎలక్ట్రానిక్ డిప్ కోసం అక్టోబరు 21వ తేదీ ఉదయం 10 గంటల వరకు ఆన్‌లైన్‌లో భక్తులు నమోదు చేసుకునే అవకాశం టిటిడి కనిపించింది. టికెట్లు పొందిన భక్తులు అక్టోబరు 21 నుండి 23వ తేదీ మధ్యాహ్నం 12 గంటల లోపు సొమ్ము చెల్లించిన వారికి లక్కీడిప్‌లో టికెట్లు కూడా మంజూరవుతాయి.

అక్టోబర్ 22న ఆర్జిత సేవా టికెట్ల విడుదల

ఇవి కూడా చదవండి

తిరుపతి యాత్ర చిరస్మరణీయంగా మారాలంటే ఈ ప్రదేశాలపై ఓ లుక్ వేయండి..

ఎడమచేతి వాటం గల వ్యక్తులపై పరిశోధన.. షాకింగ్ విషయాలు వెల్లడి

ఈ నెల 20వ తేదీన అరుదైన యోగాలు ఈ 5 రాశులవారు పట్టిందల్లా బంగారమే

భక్తులతో స్వయంగా మాట్లాడే అమ్మవారు.. విదేశీయులు సైతం క్యూ

ఇక కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను అక్టోబరు 22న ఉదయం 10 గంటలకు టీటీ విడుదల చేయనుంది.

22న వర్చువల్ సేవల కోటాను టిటిడి విడుదల చేయనుంది. వర్చువల్ సేవలు, వాటి దర్శన స్లాట్లకు సంబంధించిన జనవరి నెల కోటాను అక్టోబరు 22న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది.

అక్టోబరు 23న‌ అంగప్రదక్షిణం టోకెన్స్ విడుదల

జనవరి నెల‌కు సంబంధించిన అంగప్రదక్షిణం టోకెన్ల కోటాను అక్టోబరు 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

శ్రీవాణి టికెట్ల ఆన్ లైన్ కోటా విడుదల

శ్రీవాణి ట్రస్టు టికెట్లకు సంబంధించిన జనవరి నెల ఆన్ లైన్ కోటాను అక్టోబరు 23వ తేదీ ఉదయం 11 గంటలకు టీటీడీ విడుదల చేయనుంది.

వృద్ధులు, దివ్యాంగుల దర్శన కోటా కూడా విడుదల

వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీ‌వారిని ద‌ర్శించుకునేందుకు వీలుగా జనవరి నెల ఉచిత‌ ప్ర‌త్యేక ద‌ర్శ‌నం టోకెన్ల కోటాను అక్టోబరు 23న మధ్యాహ్నం 3 గంట‌ల‌కు టీటీడీ ఆన్‌లైన్‌లో విడుద‌ల చేయ‌నుంది.

అక్టోబరు 24న ప్రత్యేక ప్రవేశ దర్శన టికెట్ల కోటా విడుదల

జనవరి నెల‌కు సంబంధించిన ప్రత్యేక ప్రవేశ దర్శన టికెట్ల కోటాను అక్టోబరు 24న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

తిరుమ‌ల‌, తిరుప‌తిల‌లో గదుల కోటా విడుద‌ల‌పై కూడా క్లారిటీ

తిరుమల, తిరుపతిల‌లో జనవరి నెల గదుల కోటాను అక్టోబరు 24న మధ్యాహ్నం 3 గంటలకు ఆన్‌లైన్‌లో విడుదల చేయనున్న టిటిడి అధికారిక వెబ్ సైట్ ను భక్తులకు అందుబాటులో ఉంచింది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..