Lakshmi Devi Puja: లక్ష్మీదేవి అనుగ్రహం కోసం.. శుక్రవారం సాయంత్రం ఎలా పూజించాలి? ఏ పనులు చేయవద్దంటే..

ఈ రోజు శుక్రవారం లక్ష్మీదేవి స్వరూపాన్ని పూజిస్తారు. లక్ష్మీదేవి ప్రసన్నురాలైతే ఆ వ్యక్తికి సంపద, ఆహార ధాన్యాల కొరత ఎప్పటికీ ఎదురుకాదని నమ్ముతారు. మీరు లక్ష్మీ దేవిని ప్రసన్నం చేసుకుంటే సంపద, శ్రేయస్సుకు అన్ని ద్వారాలు తెరుచుకుంటాయి. అయితే శుక్రవారం లక్ష్మీదేవిని ఎలా పూజించాలి? ప్రాముఖ్యత శుక్రవారం ఏ పనులు చేయకూడదో తెలుసుకుందాం..

అమ్మవారిని ఎలా పూజించాలి?

లక్ష్మీ దేవిని సాయంత్రం పూజిస్తారు కనుక మీరు శుక్రవారం స్నానం చేసిన తర్వాత లక్ష్మీ దేవిని పూజించండి. పూజకు ముందు లక్ష్మీదేవిని పూజించే ప్రదేశాన్ని శుభ్రం చేసి శుద్ధి చేసుకోండి. తర్వాత పూజ ప్రారంభించండి. పూజ సమయంలో అమ్మవారికి గులాబీ పువ్వులు సమర్పించడం శుభప్రదంగా భావిస్తారు. దీనితో పాటు పెర్ఫ్యూమ్ కూడా అందించండి.

ఈ మూడు పనులు చేయకుండా ఉండండి

క్రెడిట్ లావాదేవీలు: శుక్రవారాల్లో క్రెడిట్ లావాదేవీలకు దూరంగా ఉండాలి. ఎవరికీ అప్పు ఇవ్వకండి లేదా ఎవరి దగ్గర అప్పు తీసుకోకండి. ఈ రోజున డబ్బులకు సంబధించిన లావాదేవీల వల్ల లక్ష్మీదేవి కోపంగా ఉంటుందని చెబుతారు.

ఇవి కూడా చదవండి

అక్కడ హనుమంతుడే ఆర్థోపెడిక్.. మూలికతో ఎముకల వ్యాధి నయం..

రావణుడికి పూజలు.. ఏపీ సహా మనదేశంలో ఎక్కడ ఆలయాలున్నాయంటే..

గబ్బిలాలు, బల్లులు, పాములుగా జన్మను పొందే స్త్రీ పురుషులు కర్మలు

పాండవులకు పాప విముక్తి నిచ్చిన క్షేత్రం.. రుద్రనాథ్ ప్రాముఖ్యత..

ఎవరికీ చక్కెర ఇవ్వకండి: పొరుగువారు తరచుగా మన ఇంటికి ఏదో ఒకటి అడగడానికి వస్తారు, అలాంటి పరిస్థితిలో, శుక్రవారం ఎవరైనా చక్కెర అడగడానికి వస్తే అస్సలు చక్కెర ఇవ్వకండి. ఇలా చేయడం వల్ల శుక్ర గ్రహం బలహీనపడుతుంది. మన జీవితంలో ఆనందం, శ్రేయస్సు ఈ గ్రహం ప్రభావం వల్లనే లభిస్తాయని నమ్ముతారు.

ఎవరిని అవమానించవద్దు: నిజానికి.. ప్రతి ఒక్కరినీ గౌరవించాలి. అయితే శుక్రవారం రోజున ఏ స్త్రీని, అమ్మాయిని లేదా ట్రాన్స్‌జెండర్‌ను తెలిసి లేదా తెలియక అవమానించవద్దు. ఎటువంటి దుర్భాషను ఉపయోగించవద్దు. దీని వలన లక్ష్మీదేవి కోపగించుకుంటుందని .. సంపద కోల్పోతుందని నమ్ముతారు.

ఇంట్లో గందరగోళం చేయవద్దు: పరిశుభ్రత ఉన్న చోట మాత్రమే లక్ష్మీ దేవి నివసిస్తుందని అంటారు. అందుకే దీపావళి రోజున లక్ష్మీదేవిని పూజించే ముందు ఇళ్లను పూర్తిగా శుభ్రం చేస్తారు, తద్వారా లక్ష్మీదేవి సంతోషంగా ఉండి ఇంట్లో నివసిస్తుంది. ఆమె ఆశీస్సులు శాశ్వతంగా ఉంటాయి.

శుక్రవారం లక్ష్మీ పూజకు ప్రత్యేక ప్రాముఖ్యత..

ఈ రోజున లక్ష్మీదేవిని పూజించడం వల్ల సంపద వస్తుంది. కనుక లక్ష్మీదేవి ఇంట్లో నివసించేందుకు శుక్రవారం లక్ష్మీదేవిని పూజించండి. ఈ రోజు ఉపవాసం ఉండండి. లక్ష్మీదేవిని సంపదకు దేవత అని పిలుస్తారు, అందుకే ప్రజలు ఆమెను పూజిస్తారు. అటువంటి పరిస్థితిలో లక్ష్మీ దేవిని ప్రసన్నం చేసుకోవడానికి అనేక నివారణలు, ప్రార్థనలు, పూజలు, మంత్ర జపాలు ఉన్నాయి.

శుక్రవారం రోజున చేయాల్సిన పరిహారాలు..

శుక్రవారం లక్ష్మీ దేవిని పూజించడానికి చాలా ప్రత్యేకమైన రోజుగా పరిగణించబడుతుంది. మీరు శుక్రవారం నాడు ఉపవాసం ఉండి ఉంటే.. ఉదయాన్నే నిద్రలేచి, స్నానం చేసి ధ్యానం చేసిన తర్వాత, క్రీమ్ రంగు దుస్తులు ధరించండి. దీని తరువాత శ్రీయంత్ర పూజ చేయండి. ఈ రోజున శ్రీ సూక్త పారాయణం చేయడం కూడా చాలా శుభప్రదమని నమ్ముతారు.

శుక్రవారం నాడు లక్ష్మీ దేవిని ప్రసన్నం చేసుకోవడానికి, ఆలయానికి వెళ్లి ఆమెకు ఇష్టమైన తామర పువ్వు, శంఖం, ఎరుపు లేదా గులాబీ రంగు వస్త్రం వంటి వాటిని సమర్పించండి. దీనివల్ల ఆర్థిక ఇబ్బందులు తొలగిపోతాయి.

పరిశుభ్రత ఉన్న ప్రదేశంలో లక్ష్మీ దేవి నివసిస్తుందని అంటారు. లక్ష్మీ దేవి మురికి ప్రదేశాలకు దూరంగా ఉంటుంది. అటువంటి పరిస్థితిలో ఇల్లు , కార్యాలయాన్ని ఎల్లప్పుడూ శుభ్రంగా ఉంచుకోండి. ముఖ్యంగా శుక్రవారాల్లో ఆఫీసుని శుభ్రం చేసుకోండి. దీనివల్ల ఆర్థిక లాభం కలుగుతుంది.

ఇంట్లో సంపదకు దేవత అయిన లక్ష్మీ దేవి శాశ్వత నివాసం కావాలంటే.. ఈశాన్య మూలలో పూజా స్థలాన్ని ఏర్పాటు చేసుకుని తూర్పు ముఖంగా కూర్చుని లక్ష్మీ దేవిని పూజించండి. పూజా స్థలం దగ్గర వంటగది లేదా టాయిలెట్ ఉండకూడదు.

లక్ష్మీ దేవిని ప్రసన్నం చేసుకోవడానికి శుక్రవారం రోజున ఆమెకు చక్కెర మిఠాయి, ఖీర్ నైవేద్యం పెట్టాలి. దీనితో పాటు స్ఫటిక లేదా తామర గింజల జపమాల ఉపయోగించి లక్ష్మీ దేవి మంత్రాలను జపించండి. ఇది చాలా ప్రభావవంతంగా పరిగణించబడుతుంది. ఈ పరిహారాన్ని చేయడం వలన అమ్మవారి ఆశీస్సులు లభిస్తాయి. చివరగా అమ్మవారికి హారతి ఇవ్వండి.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు