Festivals in February 2024: రథ సప్తమి, భీష్మ ఏకాదశి సహా ఈ నెలలో ఎన్నో విశిష్టమైన పండగలు, పర్వదినాలు.. పూర్తి వివరాల్లోకి వెళ్తే..

ఆంగ్ల క్యాలెండర్ ప్రకారం ఫిబ్రవరి నెల సంవత్సరంలో రెండవ నెల. చలికాలానికి ప్రజలు వీడ్కోలు పలికి వేసవి కాలానికి స్వాగతం పలికే నెల ఇది. హిందూ క్యాలెండర్ ప్రకారం ఈ మాసంలో పుష్యమాసం పూర్తి అయ్యి.. మాఘమాసంలో అడుగు పెడుతోంది. అయితే మాఘమాసం ప్రవేశించిన వెంటనే హిందువులకు పూజలకు, శుభకార్యాలకు శుభ సమయం.. రథ సప్తమి, భీష్మాష్టమి వంటి అనేక పవిత్రమైన పండగలు మాఘమాసంలోనే వస్తాయి. అయితే ఈ సంవత్సరం లీప్ ఇయర్.. కనుక ఫిబ్రవరి 29 రోజులు ఉంటాయి. ఫిబ్రవరి నెలలో వచ్చే పండుగలు గురించి ఈ రోజు తెలుసుకుందాం..

1. ఫిబ్రవరి6వ తేదీ 2024 మంగళవారం ఏకాదశి తిథి.. దీనిని షట్టిల ఏకాదశిగా జరుపుకుంటారు. మహా విష్ణువుకి పూజలను నిర్వహిస్తారు.
2. ఫిబ్రవరి  9వ తేదీన శుక్రవారం పుష్య మాసంలో చివరి రోజు అమావాస్య తిధి.. ఈ అమావాస్యకు ఎంతో ప్రత్యేకత ఉంది. ఈ అమావాస్యను మౌని అమావాస్య, చొల్లంగి అమావాస్య అంటారు. ఏపీలోని ప్రజలు సముద్ర స్నానమాచరిస్తారు.
3. ఫిబ్రవరి 14వ తేదీ 2024 బుధవారం: మాఘమాసంలో వచ్చే మొదటి పండగ.. వసంత పంచమి. ఈ రోజున చదువుల తల్లి సరస్వతీ దేవిని పూజిస్తారు.
4. ఫిబ్రవరి 16వ తేదీ 2024 శుక్రవారం: మాఘమాసం శుద్ధ సప్తమి. ఈ రోజుని ప్రత్యక్ష భగవానుడైన సూర్యనారాయణుడు జన్మదినంగా రథ సప్తమిని జరుపుకుంటారు.
ఇవి కూడా చదవండి



గంగా జలాన్ని ఇంట్లో పెట్టుకోవడానికి కొన్ని నియమాలున్నాయని తెలుసా



జాతకంలో గ్రహ దోషమా.. నివారణ కోసం దుర్గాదేవిని పూజించండి



కాకా హోటల్‌లో సామాన్యుల్లా తింటున్న ప్రముఖులు.. ఫోటోలు వైరల్..



ఒకే రోజు ఏడు వాహనాల్లో విహరించనున్న శ్రీవారు.. మినీ బ్రహ్మోత్సవం

5. ఫిబ్రవరి 20వ తేదీ 2024  మం మంగళవారం కౌరవ పితామహుడు భీష్ముడు విష్ణులోకానికి చేరుకున్న రోజు. ఈ రోజున ఆంధ్రప్రదేశ్ లో అంతర్వేది లక్ష్మీనరసింహ స్వామి కల్యాణాని ఘనంగా జరుపుతారు.
6. ఫిబ్రవరి 24వ తేదీ 2024 శనివారం పౌర్ణమి తిధి.. దీనిని మాఘ పౌర్ణమిగా హిందువులు అత్యంత ఘనంగా జరుపుకుంటారు. ముఖ్యంగా నది స్నానానికి ప్రత్యేక స్థానం ఉంది.
7. ఈ నెలలో జరుపుకునే మరికొన్ని ముఖ్యమైన పండగలు .. ఫిబ్రవరి8వ తేదీ 2024  గురువారం మాస శివరాత్రి , 12 వ తేదీ సోమవారం శ్రీ మార్కండేయ జయంతిలు కూడా ఉన్నాయి.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు