Eating Direction: ఏ దిశగా కూర్చుని భోజనం చేస్తే మంచిదో తెలుసా.. ఈ నియమాలు పాటించండి..

ఒక వ్యక్తికి ప్రాణం పోసుకోవడానికి గాలి, దాహాన్ని తీర్చడానికి నీరు అవసరం. అదేవిధంగా, ఆహారం కూడా చాలా ముఖ్యమైన స్థానాన్ని కలిగి ఉంది. ఆహారం లేకుంటే మనిషి ఎక్కువ కాలం జీవించడం కష్టం. వాస్తు శాస్త్రం గురించి చెప్పాలంటే.. దాని ప్రకారం, తినడానికి సరైన దిశను కలిగి ఉండటం చాలా ముఖ్యం. తప్పుడు దిశలో కూర్చొని తినడం వల్ల శరీరంలో అనేక ఇతర సమస్యలు వస్తాయి. భోజనం ప్రతి మనిషికి నిత్య అవసరం. అయితే ఆహారంలో మనం వేసే పదార్ధాలు రుచిని కలిగిస్తాయి. అదే భోజనాన్ని ప్లేట్‌లు, విస్తరి ఆకుల్లో కాకుండా అరటి ఆకుల్లో చేయడం వల్ల ఆరోగ్య పరంగా ఎన్నో ప్రయోజనాలు కలుగుతాయి. నిజమా అని ఆశ్చర్యపోకండి. దీంతోపాటు ఏ దిక్కుగా భోజనం చేయాలో కూడా తెలుసుకోండి..

తూర్పు దిశ

వాస్తు శాస్త్రం ప్రకారం, తూర్పు దిక్కుగా కూర్చుని ఆహారం తీసుకోవడం శుభప్రదంగా చెప్పబడింది. తూర్పు లేదా ఈశాన్య దిక్కున ఉన్న ఆహారాన్ని తినడం వల్ల వ్యాధులు, మానసిక రుగ్మతల నుంచి ఉపశమనం లభిస్తుంది. ఇది ఆరోగ్యాన్ని మెరుగ్గా ఉంచుతుంది. వయస్సును కూడా పెంచుతుంది.

పశ్చిమ దిశ

ఉద్యోగస్తులు, వ్యాపారస్తులు పడమర దిక్కున కూర్చుని భోజనం చేయాలి. దీని వల్ల వృత్తిలో వేగవంతమైన పురోగతి.. వ్యాపారంలో కూడా లాభాలు వస్తాయి. ఈ దిశ కెరీర్‌కు చాలా శుభప్రదంగా పరిగణించబడుతుంది.

ఉత్తర దిశ

విద్యార్థి జీవనం సాగించే వారు ఉత్తరం దిక్కు ముఖంగా ఆహారం తీసుకోవాలి. దీని వల్ల విద్యార్థుల్లో ఏకాగ్రత పెరిగి చదువులో మనసు మళ్లుతుంది. అటువంటి పరిస్థితిలో, విద్యార్థులు తమ కెరీర్‌లో ఉత్తమ ఫలితాలను పొందాలనుకుంటే.. చదువు, ఆహారం రెండూ ఉత్తర దిశలో మాత్రమే చేయాలి.

దక్షిణ దిశ

వాస్తు శాస్త్రం ప్రకారం, ఆహారం విషయంలో దక్షిణ దిశను అశుభకరమైనదిగా భావిస్తారు. ఈ దిక్కున కూర్చొని తినడం వల్ల జీవితంలో అనేక సమస్యలు వస్తాయి. వయస్సు కూడా తగ్గుతుంది. కానీ మీరు సమూహంగా కూర్చొని భోజనం చేస్తే.. మీరు ఈ దిశలో చేయవచ్చు. కుటుంబం అంతా కలిసి కూర్చుని భోజనం చేస్తున్నప్పుడు ఏ దిశగా కూర్చున్న మంచిదే.

Note: (ఇక్కడ ఇచ్చినవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)

మరిన్ని ఆధ్యాత్మిక వార్తల కోసం