Akshaya Tritiya 2023: నేడు అక్షయ తృతీయ.. పూజ సమయం, విధానం.. బంగారం కొనేందుకు ముహర్తం ఏమిటంటే
ఈ రోజు అక్షయ తృతీయ పర్వదినాన్ని ఘనంగా జరుపుకుంటున్నారు. మత విశ్వాసాల ప్రకారం.. అక్షయ తృతీయ రోజున పవిత్ర నదిలో స్నానం చేసే సంప్రదాయం ఉంది. అంతే కాదు ఈరోజు చేసే దానధర్మాలు, దక్షిణలు అత్యంత శ్రేయస్కరం. ఈ రోజు పూజా సమయం, పూజ విధానం ఏమిటో తెలుసుకుందాం.
Updated on: Apr 22, 2023 | 7:49 AM
హిందూ మతపరమైన దృక్కోణంలో అక్షయ తృతీయ చాలా పవిత్రమైన పండగ. ఈ రోజు చాలా ప్రయోజనకరమైనదిగా పరిగణించబడుతుంది. వైశాఖ మాసంలోని శుక్ల పక్షం మూడవ రోజు అక్షయ తృతీయగా జరుపుకుంటారు. దీనిని అఖా తీజ్ అని కూడా అంటారు. ఈ రోజున కూడా లక్ష్మీదేవిని, విష్ణువును పూజించిన వారు సుఖ సంతోషాలను పొందుతారని నమ్ముతారు. ఈ రోజు పూజలు చేయడమే కాకుండా బంగారం కొనే సాంప్రదాయం కూడా ఉంది. ఇలా చేయడం వలన సంతోషం, అదృష్టం కూడా లభిస్తాయని నమ్ముతారు.
ఈ రోజు అక్షయ తృతీయ పర్వదినాన్ని ఘనంగా జరుపుకుంటున్నారు. మత విశ్వాసాల ప్రకారం.. అక్షయ తృతీయ రోజున పవిత్ర నదిలో స్నానం చేసే సంప్రదాయం ఉంది. అంతే కాదు ఈరోజు చేసే దానధర్మాలు, దక్షిణలు అత్యంత శ్రేయస్కరం. ఈ రోజు పూజా సమయం, పూజ విధానం ఏమిటో తెలుసుకుందాం.
అక్షయ తృతీయ శుభ సమయం నియమ, నిబంధనల ప్రకారం అక్షయ తృతీయ రోజున పూజించడం శుభప్రదంగా పరిగణించబడుతుంది. ఈ రోజు చేసే పూజలో కలశం ప్రతిష్టించే ఆచారం ఉందని ప్రతీతి. అటువంటి పరిస్థితిలో పంచాంగం ప్రకారం, కలశ స్థాపనకు అనుకూలమైన సమయం ఏప్రిల్ 22, 2023 ఉదయం 07:49 నుండి ప్రారంభమవుతుంది.. మధ్యాహ్నం 12:20 గంటలకు ముగుస్తుంది. మత విశ్వాసాల ప్రకారం, ఈ రోజున బంగారం కొనాలనే సంప్రదాయం కూడా ఉంది. బంగారం కొనడానికి శుభ ముహూర్తం ఈ రోజు ఉదయం 07.49 ని.
- అక్షయ తృతీయ పూజా విధానం ఈరోజు ఉదయాన్నే లేచి స్నానం చేయండి. స్నానం చేసే ముందు నీటిలో గంగాజలం వేసుకోండి. లేదా నది స్నానం ఉత్తమం. అనంతరం శుభ్రమైన బట్టలు ధరించండి. పసుపు రంగు బట్టలు ఉంటే, ఈరోజే వాటిని ధరించండి.
- పూజించే ముందు, కొంత వస్త్రం లేదా ఆసనం ఏర్పాటు చేయండి. అనంతరం పూజను చేయండి. ఆసనం లేకుండా పూజిస్తే సాధకుడికి ఫలం దక్కదని నమ్మకం.
- పూజ కోసం ఒక ఆసనం ఏర్పాటు చేసి.. వస్త్రంతో అలంకరించండి. ఆపై ఆసనంపై విష్ణువు విగ్రహం లేదా చిత్రాన్ని ఏర్పాటు చేసుకోండి. ఆ తర్వాత గంగాజలంతో విగ్రహాన్ని శుద్ధి చేయండి.
- పూజ చేసే సమయంలో తులసి ఆకులు, పండ్లు, పువ్వులు మొదలైన వాటిని దేవునికి సమర్పించండి. వీలైతే, పసుపు పువ్వులను మాత్రమే సమర్పించండి. ఇలా చేయడం వల్ల విష్ణువు అత్యంత సంతృత్తి చెందుతాడని విశ్వాసం.
- పూజ ముగిసిన అనంతరం విష్ణువు , లక్ష్మీ దేవిలకు ఆరతినిచ్చి.. నైవేద్యం సమర్పించండి. మిఠాయిలు వంటి వాటిని స్వామికి నైవేద్యంగా పెట్టండి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)
