చంద్రబాబుపై సోము వీర్రాజు ఫైర్

విజయవాడ: సీఎం చంద్రబాబుపై సోము వీర్రాజు ఫైరయ్యారు. ప్రధాని మోడీని ఓడిస్తానని చాలెంజ్ చేసిన చంద్రబాబు తనకు తానే జీరోగా మారిపోయారని ఎద్దేవా చేశారు. విశాఖలో ఆయన మీడియాతో మాట్లాడుతూ చంద్రబాబు రాజకీయం చూస్తుంటే జాలేస్తోందని, వచ్చే ఎన్నికల్లో ఆయన కచ్చితంగా ఓడిపోతారని జోస్యం చెప్పారు. కొడుకును ముఖ్యమంత్రిని చేయాలన్న ధ్యాస తప్ప ప్రస్తుతం చంద్రబాబుకు వేరే ఆలోచన లేదని మండిపడ్డారు.

విశాఖ జిల్లా మంత్రి గంటా శ్రీనివాసరావు విద్యాశాఖ ద్వారా ఆర్జించిన అవినీతి సొమ్ముతో విశాఖ ఉత్తర నియోజక వర్గంలో బీజేపీ అభ్యర్థి విష్ణుకుమార్‌రాజును ఓడించాలని చూస్తున్నారని ఆరోపించారు. ఏపీలో విద్యాభివృద్ధి జరగకున్నా గంటా అభివృద్ధి చెందారని విమర్శించారు.