చంద్రబాబుపై సినీ రచయిత కోన వెంకట్ తీవ్ర విమర్శలు

సినీ రచయిత కోన వెంకట్ ఏపీ సీఎం చంద్రబాబు నాయుడిపై తీవ్ర విమర్శలు గుప్పించారు. ‘సినిమాల్లో ఎన్నో విలన్‌ పాత్రలు సృష్టించాను. ఒక రచయితగా కామెడీ విలన్లతో పాటు క్రూర విలన్‌ పాత్రలనూ రాసుకున్నాను. కానీ సీఎం చంద్రబాబునాయుడు వంటి విలన్‌ పాత్రను ఇంతవరకు నేను సృష్టించలేకపోయా. బహుశా ఇక సృష్టించలేను కూడా. ఎందుకంటే బాబు రాజకీయం మొత్తం వెన్నుపోట్లమయమే. పిల్లనిచ్చిన మామ ఎన్‌టీఆర్‌ మొదలు… 2014 ఎన్నికల్లో సీనియర్‌ నేత అని నమ్మి ఓట్లేసిన ప్రజలందరికీ ఆయన వెన్నుపోటే పొడిచారు. నమ్మక ద్రోహానికి చంద్రబాబు నిలువెత్తు రూపం. సొంత తమ్ముడు నారా రామ్మూర్తినాయుడు పరిస్థితి ఇప్పుడు ఏమిటి? ఆయన బతికున్నారా లేదా? అని తెలియని పరిస్థితికి తెచ్చాడు. రక్త సంబంధీకులను కూడా మోసం చేసిన చరిత్ర చంద్రబాబుది’ అని కోన వెంకట్ తీవ్రంగా విమర్శించారు.

నేను బ్రాహ్మణ కుటుంబంలో పుట్టాను. కానీ కులాంతర వివాహం చేసుకున్నాను. నా పెద్ద కుమార్తె కూడా బ్రాహ్మణేతరుణ్ని పెళ్లాడింది. రచయితగా నాకు కలం తప్ప కులం లేదు.. కానీ చంద్రబాబు బ్రాహ్మణులను వంచిస్తున్నారు. దీంతో కడుపు మండి మాట్లాడుతున్నా. 2014 ఎన్నికల్లోనూ, ప్రస్తుత ఎన్నికల్లోనూ చంద్రబాబు బ్రాహ్మణులకు ఒక్క టికెట్ కూడా ఇవ్వలేదు. అలాంటప్పుడు ఆయనకు ఓటేందుకు వేయాలి. జంధ్యం ధరించి, గాయత్రీ మంత్రం చదివే ప్రతి బాహ్మణుడూ.. టీడీపీకి ఓటేయొద్దని కోరుతున్నానని కోన వెంకట్ తెలిపారు.