గుడివాడ నడిబొడ్డున కొడాలి నానిపై చంద్రబాబు ఫైర్

గుడివాడ: కృష్ణా జిల్లా గుడివాడ నియోజకవర్గంలో ఏపీ సీఎం చంద్రబాబు ఫైరయ్యారు. గుడివాడ నడిబొడ్డున నిర్వహించిన రోడ్ షోలో ప్రజలనుద్దేశించి మాట్లాడుతూ సిట్టింగ్ ఎమ్మెల్యే కొడాలి నానిపై విమర్శలు గుప్పించారు. అసలు ఈ నాని ఎక్కడ పుట్టాడు, ఎక్కడ ఎదిగాడు, ఏ పార్టీలో ఎమ్మెల్యే అయ్యాడు? పార్టీకే ద్రోహం చేసిన వ్యక్తి ఈయన అంటూ మండి పడ్డారు.

తిన్నింటి వాసాలు లెక్కపెట్టే వ్యక్తి అని, ఇలాంటి వారిని ఓడించాలని అన్నారు. ఒక్క పని కూడా చేయించలేదని, మామూలు సమయంలో కనిపించడు కానీ ఎలక్షన్ ముందు డబ్బుల మూటలు పట్టుకుని వస్తాడని అన్నారు. మూటలతో ఓట్లు కొని వ్యాపారం చేస్తారని అన్నారు. అదే దేవినేని అవినాష్ అయితే సొంతిల్లు కొనుక్కొని ఇక్కడే స్థిరపడ్డాడని చంద్రబాబు అన్నారు. గుడివాడ నియోజకవర్గంలో వైసీపీ తరుపున సిట్టింగ్ ఎమ్మెల్యే కొడాలి నాని పోటీ చేస్తుండగా, టీడీపీ తరుపున దేవినేని అవినాష్ బరిలో ఉన్నారు.