Smartphones Under 25k: అనువైన ధర.. అద్భుతమైన ఫీచర్లు.. ఆలస్యం చేస్తే కష్టం..
స్మార్ట్ ఫోన్లు అనేక ఆధునిక ఫీచర్లతో ఆకట్టుకుంటున్నాయి. సామాన్యులకు అందుబాటులో ధరలో లభిస్తున్నాయి. ముఖ్యంగా రీయల్ మీ, వన్ ప్లస్, నథింగ్, పోకో, శామ్సంగ్ తదితర కంపెనీల నుంచి విరివిగా ఫోన్లు మార్కెట్ లోకి విడుదలయ్యాయి. మంచి డిస్ ప్లే, సమర్థవంతమైన ప్రాసెసర్, ఫాస్ట్ చార్జింగ్, మెరుగైన కెమెరా పనితీరు వీటి ప్రత్యేకతలు. మీ పెట్టుబడికి నూరుశాతం ప్రతిఫలాన్ని అందించే, కేవలం రూ.25 వేల లోపు ధరలో లభిస్తున్న వివిధ కంపెనీల ఫోన్ల వివరాలను తెలుసుకుందాం..
రియల్ మీ 12 ప్లస్ 5జీ(Realme 12+5G).. రియల్ మీ 12ప్లస్5జీ స్మార్ట్ ఫోన్ రెండు రకాల వేరియంట్లలో అందుబాటులో ఉంది. 8జీబీ ర్యామ్, 128 జీబీ స్టోరేజీ కలిగిన మోడల్ రూ.20,999, అలాగే 8 జీబీ ర్యామ్, 256 జీబీ స్టోరేజీ వేరియంట్ రూ.21,999 లభిస్తుంది. నేవిగేటర్ బ్ల్యూ, పయనీర్ గ్రీన్ రంగుల్లో ఆకట్టుకుంటుంది. 120హెచ్ జెడ్ రిఫ్రెష్ రేట్, 2000 నిట్స్ పీక్ బ్రైట్ నెస్ కలిగిన 6.67 అంగుళాల అమోలెడ్ డిస్ ప్లే దీని ప్రత్యేకత. టీఎస్ఎంసీ 5ఎన్ఎం ప్రాసెస్ తో కూడిన మీడియాటెక్ డైమెన్సిటీ 7050 చిప్ సెట్, మాలి జీ68 జీపీయూతో పనిచేస్తుంది. కెమెరా విషయానికి వస్తే 50 ఎంపీ సోనీ ఎల్వైటీ 600 ప్రైమరీ సెన్సార్ ఏర్పాటుచేశారు. దీనితో పాటు 8 ఎంపీ ఆల్ట్రా వైడ్ లైన్స్, 2 ఎంపీ పోర్ట్రెయిట్, సెల్ఫీల కోసం 16 ఎంపీ ఫ్రంట్ కెమెరా ఉన్నాయి. 500 ఎంఏహెచ్ బ్యాటరీ ఉంటుంది.
1 / 5
వన్ ప్లస్ నోర్డ్ సీఈ 4 5జీ(Oneplus Nord CE 4 5G).. వన్ ప్లస్ నోర్డ్ సీఈ 4 5జీ ఫోన్ రెండు వేరియంట్లలో లభిస్తుంది. 8జీబీ ర్యామ్, 128 జీబీ స్టోరేజీ మోడల్ 24,999కు, అలాగే 8 జీబీ ర్యామ్, 256 జీబీ స్టోరేజీ మోడల్ రూ.26,999కు అందుబాటులో ఉన్నాయి. 6.7 అంగుళాల పూర్తి హెచ్ డీ అమోలెడ్ డిస్ ప్లే, హెచ్ డీఆర్ 10 ప్లస్ కలర్ సర్టిఫికేషన్, 10 బిట్ కలర్ డెప్త్ కారణంగా చాలా స్పష్టత ఉంటుంది. క్వాల్కమ్ స్నాప్ డ్రాగన్ 7th జనరేషన్ ఎస్వోసీ, అడ్రెనో 720 జీపీయూ ద్వారా పనితీరు చాలా మెరుగుగా ఉంటుంది. 16 ఎంపీ ఫ్రంట్, 50 ఎంపీ ప్రైమరీ సెన్సార్, 8 ఎంపీ అల్ట్రా వైడ్ లెన్స్‌తో డ్యూయల్ కెమెరాలు ఉన్నాయి. 5500 ఎంఏహెచ్ బ్యాటరీ ఫాస్ట్ చార్జింగ్ కు సపోర్టు చేస్తుంది.
2 / 5
నథింగ్ ఫోన్(2ఏ)(Nothing Phone(2a)).. ఈ ఫోన్ మూడు రకాల వేరియంట్లలో వినియోగదారులకు అందుబాటులో ఉంది. 8జీబీ ర్యామ్, 128 జీబీ స్టోరేజీతో రూ.23,999, అలాగే 8 జీబీ ర్యామ్, 256 జీబీ స్టోరేజీతో రూ.25,999, ఇక 12 జీబీ ర్యామ్, 256 జీబీ స్టోరేజీతో రూ.27,999కు లభిస్తుంది. కార్నింగ్ గొరిల్లా గ్లాస్ 5 ప్రొటెక్షన్ గల 6.7 ఫ్లెక్సిబుల్ అమోలెడ్ డిస్ ప్లే తో ఆకట్టుకుంటుంది. మంచి రిజల్యూషన్, 30-120 హెచ్ జెడ్ రిఫ్రెష్ రేట్, 10 బిట్ కలర్ డెప్త్, డ్యూయల్ స్టీరియో స్పీకర్ ఉన్నాయి. ఇక 50 ఎంపీ+50 ఎంపీ కెమెరా సెటప్‌, ముందు 32 ఎంపీ సెల్ఫీ కెమెరాతో ఆకట్టుకుంటుంది.
3 / 5
శామ్సంగ్ గెలాక్సీ ఏ34 5జీ(Samsung Galaxy A34 5G)
సామ్సంగ్ గెలాక్సీ ఏ34 5జీ ఫోన్ లో 120 హెచ్ జెడ్ రిఫ్రెష్ రేట్, మంచి రిజల్యూషన్ కలిగిన 6.60 అంగుళాల టచ్ స్క్రీన్ డిస్ ప్లే ఉంది. 2.6 MHZ ఆక్టా కోర్ ప్రాసెసర్‌తో 6 జీబీ ర్యామ్ లేదా 8 జీబీ ర్యామ్ తో లభిస్తుంది. ఆండ్రాయిడ్ 13, పాస్ట్ చార్జింగ్ కు సపోర్టు చేసే 5000 ఎంఏహెచ్ నాన్ రిమూవబుల్ బ్యాటరీతో పనితీరు బాగుంటుంది. 48 ఎంపీ ప్రైమరీ, 8 ఎంపీ, 5 ఎంపీ కెమెరాలతో ట్రిపుల్ రియర్ సెటప్‌ను ఉంది. సెల్ఫీల కోసం 13 ఎంపీ ఫ్రంట్ కెమెరా ఏర్పాటు చేశారు. ఆండ్రాయిడ్ 13 ఆధారంగా వన్ UL5.0పై పనిచేస్తుంది. ఈ ఫోన్ 24,499 ధరకు వినియోగదారులకు అందుబాటులో ఉంది.
4 / 5
పోకో ఎక్స్5 ప్రో(Poco X5 Pro).. ఈ ఫోన్ రెండు రకాల వేరియంట్లలో ఆకట్టుకుంటుంది. 6జీబీ ర్యామ్, 18 జీబీ స్టోరేజీ ఫోన్ రూ.22,999, అలాగే 8 జీబీ ర్యామ్, 256 బీజీ స్టోరేజీ ఫోన్ రూ.24,999 ధరలో లభిస్తున్నాయి. క్వాల్కమ్ స్నాప్ డ్రాగన్ 778 జీ ప్రాసెసర్, 900 నిట్స్ పీ బ్రైట్‌నెస్, 120Hz రిఫ్రెష్ రేట్‌తో 6.67 అంగుళాల అమోలెడ్ డిస్ ప్లేతో చాాలా స్పష్టత ఉంటుంది. అలాగే కార్నింగ్ గొరిల్లా గ్లాస్ 5 ప్రొటెక్షన్ కూడా ఉంది. దీనిలో 5000 ఎంఏహెచ్ బ్యాటరీ 67వాట్ల ఫాస్ట్ చార్జింగ్ కు, 5వాట్ల రివర్స్ చార్జింగ్ కు మద్దతు ఇస్తుంది.
