Samsung Galaxy S24: సామ్సంగ్ ఫోన్‌పై ఊహకందని డిస్కౌంట్.. ఏకంగా రూ. 40 వేల వరకు
ఫెస్టివల్ సీజన్‌లో భాగంగా కంపెనీలు ఆఫర్ల వర్షం కురిపిస్తోంది. ఇప్పటికే ప్రముఖ ఈ కామర్స్‌ సంస్థలు అమెజాన్‌తో పాటు, ఫ్లిప్‌ కార్ట్‌ ఏడాదిలో భారీ సేల్స్‌కు సిద్ధమవుతున్న విషయం తెలిసిందే. అయితే అంతకు ముందే ప్రముఖ ఎలక్ట్రానిక్‌ దిగ్గజం సామ్సంగ్ తన స్మార్ట్ ఫోన్‌పై ఊహకందని డిస్కౌంట్‌ను అందిస్తోంది. ప్రమోషనల్ ప్రైస్ కింద ధర తగ్గిస్తోంది. ఇందుకు సంబంధించిన పూర్తి వివరాలు ఇప్పుడు తెలుసుకుందాం..
దక్షిణ కొరియాకు చెందిన ఎలక్ట్రానిక్‌ దిగ్గజం సామ్సంగ్ తన లేటెస్ట్ మోడల్‌ గ్యాలక్సీ ఎస్24పై భారీ డిస్కౌంట్‌ను అందిస్తోంది. అన్ని రకాల ఆఫర్లు కలుపుకొని ఈ ఫోన్‌పై ఏకంగా రూ. 40 వేల వరకు డిస్కౌంట్ లభిస్తుండడం విశేషం.
1 / 5
ఫెస్టివల్ సీజన్ సందర్భంగా ప్రమోషనల్ ప్రైస్ కింద ధర తగ్గిస్తున్నట్లు సామ్సంగ్ శుక్రవారం తెలిపింది. సామ్సంగ్ వెబ్‌సైట్‌తో పాటు ఆఫ్ లైన్ రిటైల్ స్టోర్లలో రూ.60 వేల లోపు ధరకే శాంసంగ్ గెలాక్సీ ఎస్ సిరీస్ ఫోన్లు సొంతం చేసుకునే అవకాశం కల్పించింది. అమెజాన్ గ్రేట్ ఇండియన్ ఫెస్టివల్ సేల్ లో ఈ డిస్కౌంట్ అందిస్తోంది.
2 / 5
ఈ స్మార్ట్ ఫోన్ 8 జీబీ ర్యామ్‌, 128 జీబీ స్టోరేజ వేరియంట్‌ ధర లాంచింగ్ సమయంలో రూ. 74,999గా ఉండేది. అయితే ఈ స్మార్ట్ ఫోన్‌లోపై ఇన్‌స్టాంట్ క్యాష్‌ బ్యాక్‌ కింద రూ. 12,000 డిస్కౌంట్ అందిస్తోంది. దీంతో పాటు అదనంగా రూ. 3000 అప్‌గ్రేడ్‌ బోనస్‌ అందిస్తున్నారు.
3 / 5
వీటితో పాటు ఈ ఫోన్‌ను ఎక్స్ఛేంజ్‌ చేసుకోవడం ద్వారా రూ. 40 వేల వరకు డిస్కౌంట్‌ను పొందొచ్చు. మీ పాత ఫోన్ కండిషన్‌ ఆధారంగా ఈ ఎక్స్ఛేంజ్‌ ఆఫర్‌ ఉంటుంది. ఇక ఫీచర్ల విషయానికొస్తే ఈ ఫోన్‌లో 6.2 ఇంచెస్‌తో కూడిన ఫుల్ హెచ్డీ+ డైనమిక్ అమోలెడ్ 2ఎక్స్ స్క్రీన్‌ను అందించారు.
4 / 5
కెమెరా విషయానికొస్తే ఈ ఫోన్‌లో 50 మెగాపిక్సెల్స్‌తో కూడిన రెయిర్ కెమెరాను ఇచ్చారు. అలాగే సెల్ఫీలూ, వీడియో కాల్స్ కోసం ఇందులో 12 మెగా పిక్సెల్స్‌తో కూడిన ఫ్రంట్‌ కెమెరాను అందించారు. ఇక ఈ ఫోన్‌లో 25వాట్ల చార్జింగ్, ఫాస్ట్ వైర్ లెస్ చార్జింగ్ 2.0, వైర్ లెస్ పవర్ షేర్ మద్దతుతో 4000 ఎంఏహెచ్ కెపాసిటీ గల బ్యాటరీని అందించారు.
