Redmi Note 13R: రూ. 15 వేల బడ్జెట్‌లో కళ్లు చెదిరే ఫీచర్స్‌.. రెడ్‌మీ నుంచి కొత్త ఫోన్
బడ్జెట్ మార్కెట్‌ను టార్గెట్‌ చేసుకొని కంపెనీలు పెద్ద ఎత్తున స్మార్ట్ ఫోన్‌లను విడుదల చేస్తూ వస్తున్నాయి. ముఖ్యంగా రూ. 15వేల బడ్జెట్‌లో అదిరిపోయే ఫీచర్లతో ఫోన్‌లను తీసుకొస్తున్నారు. ఈ క్రమంలోనే చైనాకు చెందిన స్మార్ట్ ఫోన్ దిగ్గజ సంస్థ రెడ్‌మీ మార్కెట్లోకి కొత్త ఫోన్‌ను తీసుకొచ్చింది. రెడ్‌మీ నోట్13 ఆర్ పేరుతో చైనాలో లాంచ్‌ చేసిన ఈ ఫోన్‌కు సంబంధించిన పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం రెడ్‌మీ మార్కెట్లోకి కొత్త ఫోన్‌ను తీసుకొచ్చింది. రెడ్‌మీ నోట్ 13ఆర్ పేరుతో ఈ ఫోన్‌ను చైనాలో లాంచ్‌ చేయగా. త్వరలోనే భారత మార్కెట్లోకి తీసుకొచ్చేందుకు సన్నాహాలు చేస్తున్నారు.
1 / 5
రెడ్‌మీ నోట్ 13 ఆర్ స్మార్ట్ ఫోన్ ఫీచర్ల విషయానికొస్తే ఇందులో 6.79 ఇంచెస్‌తో కూడిన డిస్‌ప్లేను అందించారు. అలాగే ఈ ఫోన్ క్వాల్ కామ్ స్నాప్ డ్రాగన్ 4 జెన్ 2 ఎస్వోసీ ప్రాసెసర్‌తో పని చేస్తుంది. ఈ స్మార్ట్ ఫోన్‌ను మొత్తం ఐదు వేరియంట్లలో తీసుకొస్తున్నారు.
2 / 5
ధర విషయానికొస్తే రెడ్‌మీ నోట్ 13ఆర్ ఫోన్ 6జీబీ ర్యామ్ విత్ 128 జీబీ స్టోరేజీ వేరియంట్ మన కరెన్సీలో రూ. 16 వేలు, 8జీబీ ర్యామ్ విత్ 128 జీబీ స్టోరేజీ వేరియంట్ సుమారు రూ.19 వేలు, 8జీబీ ర్యామ్ విత్ 256 జీబీ స్టోరేజీ వేరియంట్ సుమారు రూ.21 వేలు, 12 జీబీ ర్యామ్ విత్ 256 జీబీ స్టోరేజీ వేరియంట్ సుమారు రూ.23 వేలు అలాగే.. 12 జీబీ ర్యామ్ విత్ 512 జీబీ స్టోరేజీ వేరియంట్ దాదాపు రూ.25 వేలు ఉండొచ్చని అంచనా.
3 / 5
ఇక ఈ ఫోన్‌లో 33 వాట్స్‌ ఫాస్ట్ ఛార్జింగ్‌కు సపోర్ట్‌ చేస 5030 ఎంఏహెచ్‌ కెసాపిటీ బ్యాటరీని అందించారు. కెమెరా విషయానికొస్తే ఇందులో 50 మెగాపిక్సెల్స్‌తో కూడిన రెయిర్‌ కెమెరాను ఇచ్చారు. అలాగే సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్ కెమెరాను అందించారు.
4 / 5
కనెక్టివిటీ విషయానికొస్తే ఈ స్మార్ట్ ఫోన్‌లో బ్లూటూత్, గ్లోనాస్, గెలిలియో, జీపీఎస్ లేదా ఏజీపీఎస్, ఎన్ఎఫ్‌సీ, యూఎస్బీ టైప్ సీ పోర్ట్, వై-ఫై వంటి ఫీచర్లను అందించారు. బయో మెట్రిక్ అథంటికేషన్ కోసం సైడ్ మౌంటెడ్ ఫింగర్ ప్రింట్ సెన్సర్‌ను ఇచ్చారు
