IPL 2025: కేవలం ఫోర్లు, సిక్సర్లతోనే సెంచరీ చేసిన క్రికెటర్లు! లిస్ట్‌లో ఎంత మంది ఉన్నారంటే..?
ఐపీఎల్ చరిత్రలో కేవలం 8 మంది బ్యాట్స్‌మెన్ మాత్రమే సిక్సర్లు, ఫోర్లతో సెంచరీలు సాధించారు. ఈ ఘనత సాధించిన బ్యాట్స్‌మెన్లలో క్రిస్ గేల్, బ్రెండన్ మెకల్లమ్, అభిషేక్ శర్మ, ఏబీ డివిలియర్స్, యశస్వి జైస్వాల్, సనత్ జయసూర్య వంటి ప్రముఖ ఆటగాళ్ళు ఉన్నారు.
ఐపీఎల్‌లో చాలా మంది బ్యాట్స్‌మెన్ సెంచరీలు చేయడం మీరు చూసి ఉంటారు. కానీ, తమ ఇన్నింగ్స్‌లో సిక్సర్లు, ఫోర్లతోనే సెంచరీ మార్క్ పూర్తి చేసిన బ్యాట్స్‌మెన్ కేవలం 8 మంది మాత్రమే ఉన్నారు. అంటే కేవలం ఫోర్లు సిక్సర్లు అనే కాదు.. ఆ ఇన్నింగ్స్‌లో వాళ్లు కొట్టిన సిక్సులు, ఫోర్లు కలిపితే.. సెంచరీ మార్క్ దాటిందని. ఐపీఎల్ 2008 నుంచి ఇప్పటి వరకు కేవలం 8 మంది బ్యాట్స్‌మెన్ మాత్రమే ఈ ఘనతను సాధించగలిగారు. మరి ఆ 8 మంది బ్యాట్స్‌మెన్‌లను ఒకసారి చూద్దాం.
1 / 5
క్రిస్ గేల్.. సిక్సర్లు, ఫోర్ల ద్వారా అత్యధిక పరుగులు చేసిన రికార్డు క్రిస్ గేల్ పేరు మీద ఉంది. IPL 2013లో ఆడిన 175 పరుగుల ఇన్నింగ్స్‌లో సిక్సర్లు, ఫోర్ల ద్వారా 156 పరుగులు చేశాడు. ఆ ఇన్నింగ్స్‌లో మొత్తం 13 ఫోర్లు, 17 సిక్సర్లు బాదాడు. క్రిస్ గేల్ అంతకు ముందు IPL 2012లో తన 128 పరుగుల ఇన్నింగ్స్‌లో బౌండరీల ద్వారా 106 పరుగులు చేశాడు. అందులో 7 ఫోర్లు, 13 సిక్సర్లు ఉన్నాయి. అలాగే ఐపీఎల్ 2015 లో 115 పరుగులు చేసిన తన ఇన్నింగ్స్‌లో కూడా బౌండరీల ద్వారా 100 పరుగులు చేశాడు. అతను 7 ఫోర్లు, 12 సిక్సర్లు కొట్టాడు. బ్రెండన్ మెక్కల్లమ్.. ఈ జాబితాలో బ్రెండన్ మెకల్లమ్ రెండవ స్థానంలో ఉన్నాడు. అతను 2008 ఐపీఎల్‌లో తన 158 పరుగుల ఇన్నింగ్స్‌లో బౌండరీలు అంటే సిక్సర్లు, ఫోర్ల ద్వారా 118 పరుగులు చేశాడు. KKR తరపున ఆడుతున్న మెకల్లమ్ RCBతో జరిగిన ఆ ఇన్నింగ్స్‌లో 10 ఫోర్లు, 13 సిక్సర్లు కొట్టాడు.
2 / 5
అభిషేక్ శర్మ.. IPL 2025లో పంజాబ్ కింగ్స్‌పై తుఫాను ఇన్నింగ్స్ ఆడిన అభిషేక్ శర్మ, సిక్సర్లు, ఫోర్ల ద్వారా అత్యధిక పరుగులు చేసిన వారిలో మూడవ స్థానంలో ఉన్నాడు. అతని 141 పరుగుల ఇన్నింగ్స్‌లో బౌండరీల ద్వారా 116 పరుగులు చేశాడు. అభిషేక్ శర్మ 14 ఫోర్లు, 10 సిక్సర్లు కొట్టాడు. ఏబీ డివిలియర్స్ 2016 ఐపీఎల్‌లో డివిలియర్స్ 129 పరుగుల ఇన్నింగ్స్‌లో 10 ఫోర్లు, 12 సిక్సర్లు బాదాడు. అలా బౌండరీలతో 112 పరుగులు సాధించాడు. 2015 ఐపీఎల్‌లో 133 పరుగుల ఇన్నింగ్స్‌లో బౌండరీల ద్వారా 100 పరుగులు చేశాడు. ఆ ఇన్నింగ్స్‌లో అతను 19 ఫోర్లు, 4 సిక్సర్లు బాదాడు.
3 / 5
యశస్వి జైస్వాల్.. బౌండరీల ద్వారా 112 పరుగులు చేశాడు. 2023 ఐపీఎల్‌లో జైస్వాల్ 124 పరుగుల ఇన్నింగ్స్‌లో 16 ఫోర్లు, 8 సిక్సర్లు బాదాడు.
సనత్ జయసూర్య.. 2008 ఐపీఎల్‌లో సనత్ జయసూర్య 114 పరుగులు చేసినప్పుడు, అతను బౌండరీల ద్వారా 102 పరుగులు చేశాడు. ఆ ఇన్నింగ్స్‌లో సనత్ జయసూర్య 9 ఫోర్లు, 11 సిక్సర్లు కొట్టాడు.
4 / 5
రిషబ్ పంత్.. ఐపీఎల్ 2018లో సన్‌రైజర్స్‌పై రిషబ్ పంత్ 128 పరుగులు చేసినప్పుడు, ఆ ఇన్నింగ్స్‌లో పంత్ 15 ఫోర్లు, 7 సిక్సర్లు బాదాడు.
క్వింటన్ డి కాక్.. ఐపీఎల్ 2022లో డి కాక్ తన 140 పరుగుల ఇన్నింగ్స్‌లో బౌండరీల ద్వారా 100 పరుగులు చేశాడు. అతను తన ఇన్నింగ్స్‌లో 10 సిక్సర్లు, 10 ఫోర్లు కొట్టాడు.
