Bigg Boss Soniya: మా ఇంటి మహాలక్ష్మి ఇదిగో.. ఎట్టకేలకు కూతురు ఫేస్ రివీల్ చేసిన బిగ్ బాస్ సోనియా.. వీడియో

బిగ్ బాస్ తెలుగు ఫేమ్, ప్రముఖ నటి సోనియా ఆకుల గతేడాది అమ్మగా ప్రమోషన్ పొందిన సంగతి తెలిసిందే. ఓ పండంటి ఆడబిడ్డను ప్రసవించిన శిఖ వీరగోని అని పేరు పెట్టుకుంది. తాజాగా తన కూతురిని అందరికీ పరిచయం చేసిందీ అందాల తార.

Bigg Boss Soniya Akula

Basha Shek |
Updated on: Mar 05, 2026 | 9:35 PM

బిగ్ బాస్ తెలుగు రియాలిటీ షోతో మంచి గుర్తింపు తెచ్చుకున్న వారిలో సోనియా ఆకుల కూడా ఒకరు. ఎనిమిదో సీజన్ లో కంటెస్టెంట్ గా పాల్గొన్న ఆమె తన ఆట, మాట తీరుతో బాగానే ఫేమస్ అయ్యింది. అంతకు ముందు జార్జ్‌రెడ్డి, కరోనా వైరస్‌, ఆశ ఎన్‌కౌంటర్‌ తదితర సినిమాల్లో నటించింది సోనియా. అయితే పెద్దగా గుర్తింపు తెచ్చుకోలేకపోయింది. ఎప్పుడైతే బిగ్‌బాస్‌ తెలుగు ఎనిమిదో సీజన్‌లో కంటెస్టెంట్ గా అడుగు పెట్టిందో ఈ ముద్దుగుమ్మ పేరు తెగ మార్మోగిపోయింది. అందుకు తగ్గట్టే హౌస్ లోనూ తన మాటలతో బుల్లితెర ఆడియెన్స్ ను కట్టి పడేసింది. అయితే ఎక్కువ రోజులు హౌస్ లో ఉండలేకపోయింది సోనియా. బిగ్ బాస్ నుంచి బయటకు వచ్చిన తర్వాత కొన్ని టీవీ షోల్లో పార్టిసిపేట్ చేసిన సోనియా ఆ తర్వాత తన పర్సనల్ లైఫ్ తోనే బిజీ బిజీగా ఉంటోంది. 2024 డిసెంబర్‌లో యష్‌ వీరగోని అనే వ్యాపార వేత్తను ప్రేమించి పెళ్లి చేసుకుంది సోనియా. తమ పండంటి బంధానికి ప్రతీకగా గతేడాది వీరు తల్లిదండ్రులుగా ప్రమోషన్ పొందారు. డిసెంబర్‌ 8న పండంటి ఆడబిడ్డకు జన్మనిచ్చిన సోనియా తన కూతురికి శిఖా వీరగోణి అని పేరు పెట్టుకుంది.

ఇక చాలా మంది సెలబ్రిటీల్లాగే సోనియా దంపతులు ఇప్పటివరకు తమ కూతురి ఫేస్ ను చూపించలేదు. తమ పాపకు సంబంధించిన ఫొటోలు, వీడియోలు సోషల్ మీడియాలో షేర్ చేస్తున్నప్పటికీ అందులో తన కూతురు కనిపించకుండా ఎమోజీలతో కవర్ చేస్తోంది సోనియా. అయితే తాజాగా సోనియా యష్ తమ కుమార్తె శిఖ ఫేస్ రివీల్ చేస్తూ ఒక వీడియోని విడుదల చేశారు.’ కలర్ ఫెస్టివల్ అయిన హోలీ పండుగ రోజు తమ జీవితాన్ని మరింత రంగులమయం చేసిన తన కుమార్తె శిఖ వీరగోని ‘అంటూ ఈ వీడియోకు క్రేజీ క్యాప్షన్ ఇచ్చారు సోనియా దంపతులు. ప్రస్తుతం ఈ వీడియో సామాజిక మాధ్యమాల్లో వైరల్ గా మారింది. దీనిని చూసిన నెటిజన్లు క్రేజీ కామెంట్స్ చేస్తున్నారు. శిఖ అచ్చం సోనియాలాగే ఉంది అంటూ కాంప్లిమెంట్స్ ఇస్తున్నారు. అలాగే పాప చాలా క్యూట్ గా ఉందంటూ కామెంట్స్ చేస్తున్నారు.

ఇవి కూడా చదవండి