200+ స్ట్రైక్ రేట్.. 80 దాటిన సగటు.. ఐపీఎల్ 2025లో ఒకే ఒక్క మెంటలోడు.. బాల్ చూస్తే ఈ బాదుడేంది భయ్యా
IPL 2025 Shreyas Iyer Captain Stats ఐపీఎల్ 2025లో శ్రేయాస్ అయ్యర్ అద్భుతమైన ప్రదర్శనతో అందరినీ ఆకట్టుకుంటున్నాడు. ఇతర కెప్టెన్లతో పోలిస్తే అతని స్ట్రైక్ రేట్ అత్యధికంగా ఉంది. 200కి పైగా స్ట్రైక్ రేట్‌తో పరుగులు చేసిన ఏకైక కెప్టెన్ శ్రేయాస్ అయ్యర్. ఈ లిస్ట్‌లో చెత్త రికార్డులో చివరి స్థానంలో ఎవరున్నారో ఇప్పుడు తెలుసుకుందాం..
ఐపీఎల్ 2025లో, పంజాబ్ కింగ్స్ (PBKS) కెప్టెన్ కం తుఫాన్ బ్యాట్స్‌మన్ శ్రేయాస్ అయ్యర్ ఈ సీజన్‌లో ఇప్పటివరకు 200 స్ట్రైక్ రేట్‌తో పరుగులు చేసిన ఏకైక కెప్టెన్‌గా నిలిచాడు. అతని సగటు కూడా 80 పైగానే ఉంది. శ్రేయాస్ అయ్యర్ నాలుగు మ్యాచ్‌లు ఆడి 168 పరుగులు చేశాడు. అతని అత్యధిక స్కోరు 97 పరుగులు. ఇప్పటివరకు, అయ్యర్ బ్యాట్ నుంచి 10 ఫోర్లు, 14 సిక్సర్లు వచ్చాయి. పంజాబ్ కింగ్స్ తరపున అయ్యర్ రెండు ఇన్నింగ్స్‌లలో రెండు అర్ధ సెంచరీలు కూడా చేశాడు. గత రెండు మ్యాచ్‌లలో అతని బ్యాట్ ఫామ్‌లో లేకపోయినా, ఇతర కెప్టెన్లతో పోలిస్తే అతని స్ట్రైక్ రేట్ అత్యధికంగా మారింది.
1 / 7
ముంబై ఇండియన్స్ (MI) కెప్టెన్ హార్దిక్ పాండ్యా 168.75 స్ట్రైక్ రేట్‌తో బ్యాటింగ్ చేశాడు. నాలుగు మ్యాచ్‌లకుగాను మూడు ఇన్నింగ్స్‌లలో పాండ్యా 81 పరుగులు చేశాడు. పాండ్యా బ్యాట్ నుంచి 6 ఫోర్లు, 5 సిక్సర్లు వచ్చాయి.
2 / 7
ఈ సీజన్‌లో ఇప్పటివరకు రాయల్ ఛాలెంజర్స్ బెంగళూరు (RCB) కెప్టెన్ రజత్ పాటిదార్ 161.74 స్ట్రైక్ రేట్‌తో పరుగులు సాధించాడు. పాటిదార్ 5 మ్యాచ్‌లలో 5 ఇన్నింగ్స్‌లలో 186 పరుగులు చేశాడు. 17 ఫోర్లు, 9 సిక్సర్లు బాదాడు. రజత్ బ్యాట్ నుంచి రెండు హాఫ్ సెంచరీలు కూడా వచ్చాయి. అతనికి రెండుసార్లు ప్లేయర్ ఆఫ్ ది మ్యాచ్ అవార్డు కూడా లభించింది.
3 / 7
కోల్‌కతా నైట్ రైడర్స్ కెప్టెన్ అజింక్య రహానే కూడా ఈ జాబితాలో ఉన్నాడు. అతను ఐదు మ్యాచ్‌లలో ఐదు ఇన్నింగ్స్‌లలో 160.00 స్ట్రైక్ రేట్‌తో 184 పరుగులు చేశాడు. రహానే బ్యాట్ నుంచి 17 ఫోర్లు, 12 సిక్సర్లు వచ్చాయి.
4 / 7
రాజస్థాన్ రాయల్స్ కెప్టెన్ సంజు శాంసన్ 5 మ్యాచ్‌ల్లో 5 ఇన్నింగ్స్‌లలో 150.85 స్ట్రైక్ రేట్‌తో 178 పరుగులు చేశాడు. శాంసన్ 20 ఫోర్లు, 7 సిక్సర్లు బాదాడు. అయితే, ప్రారంభ మ్యాచ్‌లలో సంజు కెప్టెన్సీకి అందుబాటులో లేడు. అతని స్థానంలో రియాన్ పరాగ్ కెప్టెన్‌గా వ్యవహరించాడు. కానీ, సంజు మరోసారి జట్టు సారథ్యాన్ని తన చేతుల్లోకి తీసుకున్నాడు.
5 / 7
చెన్నై సూపర్ కింగ్స్ కెప్టెన్ రుతురాజ్ గైక్వాడ్ 5 మ్యాచ్‌లలో 5 ఇన్నింగ్స్‌లలో 150.61 స్ట్రైక్ రేట్‌తో 122 పరుగులు చేశాడు. 14 ఫోర్లు, 4 సిక్సర్లు కొట్టాడు. గైక్వాడ్ రెండు ఇన్నింగ్స్‌లలో చెన్నై తరపున అర్ధ సెంచరీలు కూడా చేశాడు. అయితే, మోచేయి ఎముక విరిగిపోవడం వల్ల అతను ఐపీఎల్ 2025 మిగిలిన మ్యాచ్‌లకు దూరంగా ఉన్నాడు. అతని స్థానంలో, ఎంఎస్ ధోని చెన్నై బాధ్యతలను తీసుకుంటున్నాడు. గుజరాత్ టైటాన్స్ కెప్టెన్ శుభ్‌మాన్ గిల్ 5 మ్యాచ్‌ల్లో ఐదు ఇన్నింగ్స్‌లలో 146.53 స్ట్రైక్ రేట్‌తో 148 పరుగులు చేశాడు. గిల్ 16 ఫోర్లు, 5 సిక్సర్లు బాదాడు.
6 / 7
ఢిల్లీ క్యాపిటల్స్ బౌలింగ్ ఆల్ రౌండర్ కెప్టెన్ అక్షర్ పటేల్ 4 మ్యాచ్‌లలో 3 ఇన్నింగ్స్‌లలో 161.11 స్ట్రైక్ రేట్‌తో బ్యాటింగ్ చేశాడు. అక్షర్ 56 పరుగులు చేశాడు. అక్షర్ బ్యాట్ నుంచి 7 ఫోర్లు, 2 భారీ సిక్సర్లు వచ్చాయి. అదేవిధంగా, సన్‌రైజర్స్ హైదరాబాద్ కెప్టెన్ పాట్ కమ్మిన్స్ కూడా ప్రధానంగా బౌలింగ్ చేస్తాడు. బ్యాటింగ్‌లో, కమ్మిన్స్ 5 మ్యాచ్‌లలో 5 ఇన్నింగ్స్‌లలో 155.55 స్ట్రైక్ రేట్‌తో 56 పరుగులు చేశాడు. అతని బ్యాట్ నుంచి 5 ఫోర్లు, 4 సిక్సర్లు కూడా వచ్చాయి. అట్టడుగున లక్నో సూపర్ జెయింట్స్ కెప్టెన్ రిషబ్ పంత్ ఉన్నాడు. అతను కేవలం 59.37 స్ట్రైక్ రేట్‌తో బ్యాటింగ్ చేశాడు. 5 మ్యాచ్‌ల్లో నాలుగు ఇన్నింగ్స్‌లలో పంత్ కేవలం 19 పరుగులు మాత్రమే చేశాడు. ఈ సీజన్‌లో పంత్ ఒకే ఒక్క సిక్స్ కొట్టాడు.
