Mahabhagya Yoga: ఆరు రాశుల వారికి మహా భాగ్యయోగం! అందులో మీరున్నారా.. చెక్ చేసుకోండి
ప్రస్తుతం మేష రాశిలో సంచరిస్తున్న గురు గ్రహం ఈ నెల 5వ తేదీ (మంగళవారం) నుంచి వక్రించనుంది. డిసెంబర్ 31వ తేదీ వరకు ఈ వక్రగతి కొనసాగుతుంది. గురు గ్రహం వక్రించడం వల్ల శుభ ఫలితాలు ఎక్కువగా ఇవ్వడం జరుగుతుంది. శుభ ఫలితాలను ఇవ్వడంలో వేగం పెరుగుతుంది. జ్యోతిషశాస్త్రంలో దీన్ని చేష్టాబలం అంటారు.
ప్రస్తుతం మేష రాశిలో సంచరిస్తున్న గురు గ్రహం ఈ నెల 5వ తేదీ(మంగళవారం) నుంచి వక్రించనుంది. డిసెంబర్ 31వ తేదీ వరకు ఈ వక్రగతి కొనసాగుతుంది. గురు గ్రహం వక్రించడం వల్ల శుభ ఫలితాలు ఎక్కువగా ఇవ్వడం జరుగుతుంది. శుభ ఫలితాలను ఇవ్వడంలో వేగం పెరుగుతుంది. జ్యోతిషశాస్త్రంలో దీన్ని చేష్టాబలం అంటారు. గురువు వక్రించడం, అందులోనూ మిత్రక్షేత్రమైన మేష రాశిలో వక్రించడం, రాహువు ప్రభావం నుంచి చాలావరకు బయటపడడం వల్ల ఆరు రాశులవారికి మహా భాగ్య యోగాన్ని పట్టించడం జరుగుతుంది. ఆ ఆరు రాశులు మేషం, మిథునం, సింహం, తుల, ధనుస్సు, మీనం. ఏ విధంగా యోగాన్ని పట్టించబోతున్నాడో పరిశీలిద్దాం.
1 / 7
మేషం: ఈ రాశిలో సంచరిస్తున్న గురువు వక్రించడం వల్ల ఈ రాశివారిలో వేగం పెరుగుతుంది. క్రియా శీలంగా వ్యవహరించడం ప్రారంభిస్తారు. యాక్టివిటీ కూడా బాగా పెరుగుతుంది. ఫలితంగా ముఖ్య మైన వ్యవహారాలు, ముఖ్యమైన పనులు పూర్తయి, ఆర్థిక లాభాలు కలగడం జరుగుతుంది. ఉద్యోగాల్లో ఉన్నవారు కూడా వ్యాపారాల్లో ప్రవేశించే అవకాశం ఉంటుంది. వృత్తుల్లో ఉన్నవారు తమ వృత్తిని వ్యాపారం స్థాయికి తీసుకు వెళ్లడం జరుగుతుంది. వీటన్నిటి కారణంగా సంపద బాగా పెరిగి, కోటీశ్వరులుగా మారే అవకాశం ఉంటుంది.
2 / 7
మిథునం: ఈ రాశికి 11వ స్థానంలో అంటే లాభ స్థానంలో ఉన్న గురు గ్రహానికి కొత్తగా బలం పెరగడం వల్ల ఏ ప్రయత్నం తలపెట్టినా విజయవంతం అవుతుంది. ముఖ్యంగా ఆర్థిక ప్రయత్నాలు అంచనా లకు మించిన ఫలితాలను ఇస్తాయి. ఉన్నత స్థాయి వ్యక్తులతో పరిచయాలు ఏర్పడి లాభదాయకంగా మారుతాయి. వృత్తి, వ్యాపారాలలో మీ సరికొత్త ఆలోచనలు, వ్యూహాలు లాభాలను తీసుకు వస్తాయి. ఉద్యోగంలో అధికార యోగానికి అవకాశం ఉంది. దాదాపు ప్రతి విషయంలోనూ యోగం పడుతుంది. ఆస్తి విలువ బాగా పెరుగుతుంది. ఆస్తి కలిసి వస్తుంది.
3 / 7
సింహం: భాగ్య స్థానంలో ఉన్న గురువు వక్రించడం వల్ల తప్పకుండా ఆకస్మిక ధన లాభానికి అవకాశం ఉంటుంది. ఎటువంటి ఆర్థిక ప్రయత్నమైనా సఫలం అవుతుంది. లక్ష్మీదేవి కరుణా కటాక్షాలు పూర్తి స్థాయిలో అందుతాయి. కుటుంబంలో దాదాపు ప్రతి వ్యక్తికీ ఆదాయం పెరుగుతుంది. వృత్తి, ఉద్యోగ, వ్యాపారాల్లో ప్రతి ప్రయత్నమూ, ప్రతి ఆకాంక్షా నెరవేరే సూచనలున్నాయి. విదేశాల్లో ఉన్న పిల్లల
సంపాదన కూడా పెరుగుతుంది. తండ్రి వైపు నుంచి ఆస్తి కలిసి వస్తుంది. ఆరోగ్య భాగ్యం కూడా కలుగుతుంది. కొత్త ఆలోచనలకు, కొత్త నిర్ణయాలకు ఇది అనుకూల సమయం.
4 / 7
తుల: సప్తమ స్థానంలో ఉన్న గురువు వక్రించడం వల్ల ఒక్క క్షణం కూడా తీరిక ఉండని పరిస్థితి ఏర్పడుతుంది. సంపాదన పెంచుకోవడానికి చేసే ప్రయత్నాలన్నీ ఫలిస్తాయి. కొత్త కార్యక్రమాలు, కొత్త ప్రాజెక్టుల కారణంగా ఇబ్బడిముబ్బడిగా ఆర్థిక ప్రయోజనాలు కలుగుతాయి. వృత్తి, వ్యాపా రాల్లో ఉన్నవారు అపర కుబేరులు కావడానికి కూడా అవకాశం ఉంది. ఉద్యోగంలో ఉన్నవారికి భారీ జీతభత్యాలతో కొత్త ఆఫర్లు రావడం జరుగుతుంది. జీవిత భాగస్వామికి వృత్తి, ఉద్యోగాల పరంగా ఆదాయం బాగా పెరుగుతుంది. దృష్టంతా సంపాదన పెంచుకోవడం మీద కేంద్రీకృతమవుతుంది.
5 / 7
ధనుస్సు : ఈ రాశినాథుడైన గురువు పంచమ స్థానంలో వక్రించడం వల్ల ఆర్థిక లావాదేవీలు, స్పెక్యులేషన్, షేర్లు వంటివి ఇబ్బడిముబ్బడిగా లాభాలు తెచ్చిపెడతాయి. ఆర్థిక వ్యవహారాల్లో శుభ పరిణా మాలు చోటు చేసుకుంటాయి. సంపాదన లేదా ఆదాయానికి సంబంధించి కొత్త కొత్త ఆలోచనలు ప్రవేశించడం, కొత్త ప్రయత్నాలు చేపట్టడం జరుగుతుంది. కుటుంబ సభ్యుల సహాయ సహకారా లతో రాబడి బాగా పెరిగే
అవకాశం ఉంది. ఆస్తి కలిసి రావడం, ఆస్తి వివాదం సానుకూలంగా పరిష్కారం కావడం, ఆస్తి విలువ పెరగడం, ఆస్తి కొనడం వంటివి తప్పకుండా జరుగుతాయి.
6 / 7
మీనం: ఈ రాశికి అధిపతి అయిన గురువు ధన స్థానంలో వక్రగతి పట్టడం వల్ల ఆదాయం బాగా పెరిగి, ఆర్థిక సమస్యలు పరిష్కారం అవుతాయి. ఆస్తి లేదా ఆర్థిక విషయానికి సంబంధించిన ఏ అంశ మైనా కలిసి వస్తుంది. కుటుంబపరంగా కూడా ఆదాయం బాగా
పెరుగుతుంది. ఆర్థిక స్థిరత్వం ఏర్పడుతుంది. వృత్తి, వ్యాపారాల్లో లాభాలు, ఉద్యోగంలో జీతభత్యాలు బాగా పెరిగే సూచనలు న్నాయి. జీవిత
భాగస్వామి వైపు నుంచి కూడా సంపద కలిసి వస్తుంది. సంపాదనకు సంబంధించి ఎంత ప్రయత్నిస్తే అంత మంచిది. మంచి ఉద్యోగావకాశాలు అందివస్తాయి.
