Vegetable Prices: సామాన్యులకు గుడ్ న్యూస్.. పడిపోయిన కూరగాయల ధరలు.. ఇప్పుడు ఎంత ఉన్నాయంటే..?

సామాన్యులకు ధరల భారం తగ్గింది. రోజువారీ ఇంట్లో ఉపయోగించే కూరగాయల ధరలు తగ్గాయి. వంటింట్లో ప్రతీ కూరలో ఉపయోగించే టమాటా ధరలు పడిపోగా.. వంకాయ ధరలు కూడా స్వల్పంగా తగ్గుముఖం పట్టాయి. ఇక బీరకాయ, పచ్చిమిర్చి ధరలు కాస్త పెరిగాయి. టమాటా ధరలు గతంలో కిలో రూ.30 వరకు పలకగా.. ఇప్పుడు రూ.10కే రైతు బజార్లలో లభిస్తున్నాయి. తెలుగు రాష్ట్రాల్లోని వివిధ నగరాల్లో కూరగాయల ధరలు ఎలా ఉన్నాయనేది చూద్దాం.

హైదరాబాద్‌లో ధరలు

హైదరాబాద్‌లోని కూకట్ పల్లి రైతు మార్కెట్లో కిలో టామాటా రూ.10, వంకాయ రూ.18, బెండకాయ రూ.28, పచ్చిమిర్చి రూ.50, బజ్జి మిర్చి రూ.33, కాకరకాయ రూ.31, బీరకాయ రూ.35, క్యాబేజీ రూ.13, బీన్స్ రూ.35, క్యారెట్ రూ.20, గోబిపువ్వు రూ.25, దొండకాయ రూ.35, చిక్కుడుకాయ రూ.35, గోరుచిక్కుడు రూ.30, బీట్ రూట్ రూ.18, క్యాప్చికం రూ.40కే దొరుకుతున్నాయి. ఇక బంగాళదుంప రూ.18, కీర రూ.20, దోసకాయ రూ.16, సోరకాయ రూ.15, పొట్లకాయ రూ.20, ఉల్లిగడ్డ రూ.20, చామగడ్డ రూ.25, చిలకడదుంప రూ.28కి విక్రయిస్తున్నారు. ఇక ఎండుమిర్చి కేజీ రూ.240, అల్లం రూ.100, వెల్లుల్లి రూ.140, చింతపండు రూ.180, పండుమిర్చి రూ.80, పల్లికాయ రూ.60కి లభిస్తున్నాయి.

గుంటూరులో ఇలా..

గుంటూరులోని ఎన్టీఆర్ రైతు బజార్‌లో కిలో టమాటా రూ. 10, వంగ రూ.17, బెండకాయ రూ.17, పచ్చిమిర్చి రూ.34, కాకరకాయ రూ.35, క్యారెట్ రూ.24, క్యాబేజీ రూ.18, బీరకాయ రూ.36, దొండకాయ రూ.27, బంగాళదుంప రూ.19, ఉల్లిగడ్డ రూ.20, గోరుచిక్కుడు రూ.22, దోసకాయ రూ.24, బీట్ రూట్ రూ.22, కీరదోస రూ.29, క్యాప్సికం రూ.50, చామ రూ.24, పొట్లకాయ రూ.25, సొరకాయ రూ.10కి విక్రయిస్తున్నారు.

విజయవాడలో..

ఇక విజయవాడలోని రైతు బజార్లలో కిలో టమాట రూ.10, వంగ రూ.14, బెండకాయ రూ.19, ఉల్లిపాయలు రూ.22, బంగాళదుంప రూ.23, దోస రూ.20, సొరకాయ రూ.7, చిక్కుళ్లు రూ.26, కీరదోస రూ.32, బీన్స్ రూ.50, బీట్ రూట్ రూ.22, కంద రూ.40, క్యాప్సికం రూ.56, చిలకడదుంప రూ.26, అలసందలు రూ.22, కాకరకాయ రూ.24, క్యాబేజీ రూ.16, క్యారెట్ రూ.26, దొండకాయ రూ.23, గోరుచిక్కుడు రూ.20 పలుకుతున్నాయి.