Chanakya Niti: కష్టంలో కూడా విజయం సాధించాలంటే చాణుక్యుడు చెప్పిన ఈ విధానాలు అనుసరించి చూడండి..
Surya Kala |
Updated on: May 26, 2023 | 12:41 PM
ఒక వ్యక్తి విజయ మార్గంలో ఎటువంటి అవరోధాలు లేదా అడ్డంకులు లేకపోతే ఆ మార్గం సరైనది కాదని అర్థం చేసుకోండి. తన విధానాలలో చాణక్యుడు అలాంటి కొన్ని విషయాలను తన నీతి శాస్త్రంలో పేర్కొన్నాడు, వాటిని అనుసరించడం ద్వారా అన్ని అడ్డంకులు తొలగిపోతాయి.
May 26, 2023 | 12:41 PM
చాణక్యుడి ప్రకారం, ఏదైనా సంబంధాన్ని కొనసాగించడానికి, గౌరవ భావాన్ని కలిగి ఉండటం చాలా ముఖ్యమైనదిగా పరిగణించబడుతుంది. ఏదైనా బంధానికి మంచి పునాది గౌరవం అని పేర్కొన్నాడు. వివాహ బంధంతో ఒక్కటైన భార్యాభర్తలు ఇద్దరూ ఒకరి అభిప్రాయాలు, భావాలు , ఆకాంక్షలపై మంచి గౌరవాన్ని కలిగి ఉండాలి. పరస్పర గౌరవం నమ్మకం, అవగాహన, మద్దతును పెంపొందిస్తుంది. ఒకరినొకరు గౌరవించుకోవడం దంపతుల మధ్య సంబంధాన్ని ఆరోగ్యంగా ఉంచుతుంది
1 / 5
ఒక్కసారి పరాజయం పొందగానే తన లక్ష్యం నుండి తప్పుకునే వ్యక్తి ఎప్పటికీ విజయాన్ని సాధించలేడు. లక్ష్యం లేకుండా మనిషి కష్టపడి పనిచేసినా ఫలితం ఉండదు. ఏ లక్ష్యం లేకుండా జీవితంలో దిశ లేని విధంగా పయనిస్తూనే ఉంటారు. అలాంటి వారిలో ఎప్పుడూ అసంతృప్తి భావం ఉంటుంది. మరోవైపు ఎవరైతే ముందుగా తమ లక్ష్యాన్ని నిర్దేశించుకుంటారో.. వారు త్వరలోనే విజయం సాధిస్తారు.
2 / 5
సోమరితనం: మనిషికి అతిపెద్ద శత్రువు సోమరితనం. చాణక్యుడు ప్రకారం ఎక్కువ సోమరితనం ఉన్న వ్యక్తులకు.. లేదా జీవితంలో ఆశయం, లక్ష్యం లేని వ్యక్తులకు దూరంగా ఉండండి. ఇటువంటి వారి స్నేహం సోమరితనం మీ అభివృద్ధి, పురోగతికి ఆటంకం కలిగించవచ్చు లేదా మిమ్మల్ని ఉన్న స్థానం నుంచి క్రింది దిగేలా చేయవచ్చు.
3 / 5
సమతుల్యత, అవగాహన: భార్యాభర్తల మధ్య సంబంధంలో సమతుల్యత, అవగాహనను కొనసాగించడం ప్రాముఖ్యతను చాణక్యుడు నొక్కి చెప్పాడు. ప్రతి భాగస్వామి వ్యక్తిగతంగానే కాదు.. జంటగా వారి బాధ్యతలను జాగ్రత్తగా చూసుకోవాలి. ఒకరికొకరు బలాలు, బలహీనతలను అర్థం చేసుకోవడంతో పాటు ఒకరి అవసరాలను పరిగణనలోకి తీసుకోవాలి. సమస్యలు వస్తే.. సామరస్యపూర్వకమైన చర్యలు అనుసరించాలి. అప్పుడు వైవాహిక బంధం సుఖ సంతోషాలతో సాగుతుంది.
4 / 5
ఆచార్య చాణక్యుడు ప్రకారం ఇతరులను ప్రభావితం చేయగల సామర్థ్యం ఉన్నవారి పనులన్నీ పూర్తవుతాయి. అలాంటి వ్యక్తులు ఎవరితోనైనా సంబంధాన్ని ఏర్పరచుకోవడం ద్వారా తమ పనిని పూర్తి చేసుకుంటారు. ఎవరికీ ఎక్కువ పరిచయాలు ఉంటాయో.. వారు జీవితంలో మరిన్ని అవకాశాలను పొందుతారు.
