Bridal Jewelry: మహిళలు ఆభరణాలు ధరించడం వెనుక మతపరమైన, శాస్త్రీయ ప్రయోజనాలు ఏమిటో తెలుసా
భారతీయ సంప్రదాయంలో శతాబ్దాలుగా మహిళలు తమ అందాన్ని పెంచుకోవడానికి వివిధ రకాల ఆభరణాలను ధరిస్తున్నారు. ఇంకా చెప్పాలంటే భారతీయ మహిళలు బంగారు ప్రియులు.. ఈ ఆభరణాల పట్ల మహిళల ఇష్టం ఆధునిక కాలంలో కూడా కొనసాగుతుంది. స్త్రీలు తమ అందాన్ని పెంపొందించుకోవడానికి రకరకాల ఆభరణాలను ధరిస్తారు. ఈ ఆభరణాలు ధార్మికంగా.. శాస్త్రీయంగా గొప్ప ప్రాముఖ్యతను కలిగి ఉంటాయి. స్త్రీలు ధరించే ఆభరణాల పట్ల మతపరమైన, శాస్త్రీయ ప్రాముఖ్యతను తెలుసుకుందాం..
స్త్రీల అలంకరణలో గాజులకు ప్రత్యేక స్థానం ఉంది. కంకణాలు అలంకారంలో చాలా ప్రత్యేకమైనవి. బ్రైడల్ మేకప్ బ్యాంగిల్స్ లేకుండా అసంపూర్ణంగా పరిగణించబడుతుంది. హిందూ సాంప్రదాయ నమ్మకం ప్రకారం గాజులను అదృష్టానికి చిహ్నంగా భావిస్తారు. గాజులు చంద్రునికి సంబంధించినవిగా పరిగణించబడతాయి. శాస్త్రీయ దృక్కోణంలో, బంగారు గాజులు శరీరంలో రక్త ప్రసరణను నియంత్రిస్తాయి. రక్తపోటును నిర్వహించడంలో కూడా సహాయపడతాయి.
1 / 6
ముక్కు పుడక: భారతీయ స్త్రీ అలంకారంలో ముక్కు పుడక కూడా వెరీవెరీ స్పెషల్. దక్షిణ భారత దేశంలో చిన్న తనంలోనే అమ్మాయిలకు ముక్కు కుట్టిస్తారు. ఇక పెళ్లిళ్లు, పండగలు, శుభకార్యాలలో స్త్రీలు ముక్కుకు రకరకాల ముక్కు పుడకలను ధరిస్తారు. వివాహిత స్త్రీలు ముక్కుపుడక పెట్టుకుంటే భర్త ఆరోగ్యం బాగుంటుందని, ఇల్లు సుభిక్షంగా ఉంటుందని నమ్మకం. శాస్త్రీయ దృక్కోణంలో చూస్తే ముక్కు పుడక ధరించడం నేరుగా స్త్రీ గర్భాశయానికి సంబంధించినది. బంగారు ముక్కు పుడక లేదా నోస్ రింగ్ ధరించడం వల్ల గర్భధారణ, డెలివరీ సమయంలో సమస్యలు తగ్గుతాయి.
2 / 6
అమ్మాయి పుట్టగానే మహాలక్ష్మి పుట్టిందని సంతోషపడతారు కుటుంబ సభ్యులు. చిన్న తనంలోనే అమ్మాయిలకు చెవి పోగులు కుట్టిస్తారు. ఇక పెరిగి పెద్ద అయిన తర్వాత మహిళలు అందమైన చెవిపోగులు లేదా చెవి రింగులు ధరిస్తారు. ఇది మహిళల అందాన్ని పెంచుతుంది. వివాహం అయిన స్త్రీలు ఎవరి చెడు మాటలు మాట్లాడకుండా, వినకుండా ఉండాలనే పాఠానికి ప్రతీకగా చెవి పోగులు అని భావిస్తారు. శాస్త్రీయ దృక్కోణంలో చెవి బయటి భాగంలో చాలా ఆక్యుప్రెషర్ పాయింట్లు ఉన్నాయని చెబుతారు. ఈ ఆక్యుప్రెషర్ పాయింట్లపై చెవిపోగుల ఒత్తిడి మూత్రపిండాలు, మూత్రాశయాన్ని ఆరోగ్యంగా ఉంచుతుంది. స్త్రీల పునరుత్పత్తి చక్రం మెరుగుపరచడంలో సహాయపడుతుంది. బంగారు చెవిపోగులు ధరించడం వలన ఉద్దీపనలకు హైపర్‌యాక్టివిటీ, చురుకుదనం కూడా మెరుగుపడుతుంది.
3 / 6
మంగళసూత్రం లేదా నెక్లెస్: మంగళసూత్రం భార్యాభర్తల మధ్య ప్రేమకు, స్త్రీ అదృష్టానికి చిహ్నంగా పరిగణించబడుతుంది. మంగళ సూత్రం లేదా నెక్లెస్ సానుకూల శక్తిని తన వైపుకు ఆకర్షిస్తుంది. మనస్సు, హృదయాన్ని ప్రశాంతంగా ఉంచుతుందని నమ్ముతారు. శాస్త్రీయ దృక్కోణంలో మెడ చుట్టూ అనేక నరాలు ఉన్నాయని నమ్ముతారు. ఇవి బంగారు నగలు లేదా మంగళ సూత్రం ధరించడం వలన రాపిడి కారణంగా శరీరంలో రక్త ప్రసరణను నియంత్రించడంలో సహాయపడతాయి.
4 / 6
మెట్టెలు: చాలా మంది వివాహిత స్త్రీలు కాలి వేళ్లల్లో బ్రొటన వేలు పక్కన వేలికి మెట్టెలను ధరిస్తారు. కాలికి మెట్టెలను ధరించడం వల్ల స్త్రీల ఆరోగ్యంగా ఉంటారు. ఇంట్లో సుఖ సంపదలు ఉంటాయని నమ్మకం. శాస్త్రీయ దృక్కోణంలో కాలి రెండవ వేలులో ఉన్న సిరలు గర్భాశయం నుండి గుండెకు వెళ్తాయి. మెట్టెలు లేదా చుట్టులు ధరించడం వల్ల పునరుత్పత్తి చక్రం మెరుగుపడుతుంది. మహిళల రక్తపోటు నియంత్రణలో ఉంటుంది.
5 / 6
నుదిటి మీద సింధూరం: పెళ్లి అయిన తర్వత స్త్రీ తన నుదిటి మీద సింధూరం ధరిస్తారు. తద్వారా వివాహం తర్వాత ఆమె ఎల్లప్పుడూ తన జీవితంలో సరైన, సరళమైన మార్గాన్ని అనుసరిస్తుంది. ఎటువంటి పక్షపాతం లేకుండా సరైన నిర్ణయాలు తీసుకోడానికి చిహ్నం ఈ నుదిటి సింధూరం. శాస్త్రీయ దృక్కోణంలో నుదుటిపై సింధూరం ధరించడం వల్ల మనస్సు ప్రశాంతంగా ఉంటుంది. అంతేకాదు ఏకాగ్రతతో పాటు శరీర ఉష్ణోగ్రతను నియంత్రించడంలో సహాయపడుతుంది.
