పనస పండు.. దాదాపు అందరికీ తెలుసు.. దాని రుచి, సువాసన మనకు అంత దూరం నుంచే నోరూరించేలా చేస్తుంది. రుచికి మాత్రమే కాదు.. పనస పండు ఆరోగ్యానికి కూడా చాలా మంచి చేస్తుందని పోషకాహార నిపుణులు చెబుతున్నారు. అయితే, చాలా మంది పనస తొనలు తిని.. గింజలు పడేస్తుంటారు. పనస పండులోని పోషకాలతోపాటు.. వాటి గింజల వల్ల కలిగే ఉపయోగాలను కూడా మనం తెలుసుకోవాలి. పనస గింజల్లో బోలెడు పోషకాలుంటాయని, దీని గింజలు కూడా మీ శరీరానికి అద్భుతాలను చేస్తాయని నిపుణులు చెబుతున్నారు. అవేంటో ఇక్కడ తెలుసుకుందాం..
పనస గింజల్లో ప్రొటీన్లు, ఫైబర్, ఆరోగ్యకరమైన కొవ్వులు ఒమేగా3, ఒమేగా 6 వంటి వాటితో పాటు విటమిన్లు A,C,E,B, ఇనుము, మెగ్నీషియం, పొటాషియం, జింక్ వంటి ఖనిజాలు పుష్కలంగా ఉన్నాయి. పనస గింజలలో ఫైబర్ కూడా పుష్కలంగా ఉంటుందని.. ఇది రక్తంలో చక్కెర స్థాయిలను నియంత్రించడంలో సహాయపడుతుందని నిపుణులు చెబుతున్నారు.
1 / 5
పనస గింజలలోని ఫైబర్ జీర్ణక్రియను మెరుగుపరచడంలో కూడా సహాయపడుతుంది. ఇది మలబద్ధకాన్ని నివారించడానికి మేలు చేస్తుంది. పనస గింజలలో యాంటీ ఆక్సిడెంట్లు పుష్కలంగా ఉంటాయని.. ఇవి రోగనిరోధక శక్తిని పెంచడంలో సహాయపడతాయి.
2 / 5
పనస గింజల్లో ఉండే యాంటీ ఆక్సిడెంట్లు ఫ్రీ రాడికల్స్ వల్ల కలిగే నష్టం నుంచి శరీరాన్ని రక్షిస్తాయి. పనస గింజలలో ఉండే మెగ్నీషియం, పొటాషియం గుండె ఆరోగ్యానికి ముఖ్యమైన ఖనిజాలు. పొటాషియం రక్తనాళాలను సడలించి గుండె వ్యవస్థను మెరుగ్గా ఉంచుతుందని వివరిస్తున్నారు. పనస గింజలలోని యాంటీ ఆక్సిడెంట్లు క్యాన్సర్ కణాల పెరుగుదలను నిరోధించేలా చేస్తాయి.
3 / 5
బరువు తగ్గాలనుకునే వారికి పనస గింజలు తీసుకుంటే చక్కటి ఫలితం ఉంటుంది. ఎందుకంటే పనస గింజలలోని ఫైబర్.. ఎక్కువసేపు కడుపు నిండుగా ఉంచుతుంది. తద్వారా అతిగా తినడాన్ని నివారించడంలో, బరువు తగ్గడంలో సహాయపడుతుంది. పనస పండు గింజలలో ఐరన్ పుష్కలంగా ఉంటుంది. ఇది ఎర్రరక్తకణాలను పెంచడంలో సహాయపడుతుంది.
4 / 5
చర్మం, జుట్టు ఆరోగ్యాన్ని మెరుగుపరుస్తుంది: పనస గింజలలోని విటమిన్ సి, యాంటీఆక్సిడెంట్లు చర్మం, జుట్టు ఆరోగ్యాన్ని మెరుగుపరచడంలో సహాయపడతాయని నిపుణులు అంటున్నారు. అవి చర్మం స్థితిస్థాపకతను మెరుగుపరచడంలో, ముడతలను తగ్గించడంలో, జుట్టు రాలడాన్ని నివారించడంలో సాయపడతాయని చెబుతున్నారు.
