Telugu News Photo Gallery Cricket photos Virat Kohli And Rohit Sharma Retirement From T20I Cricket After T20I World Cup 2024 Final Match Winning against south africa
Virat Kohli – Rohit Sharma: టీమిండియాలో ముగిసిన మరో శకం.. ట్రోఫీని ముద్దాడుతూ కన్నీటితో ‘రో-కో’ వీడ్కోలు
Virat Kohli – Rohit Sharma: 17 ఏళ్ల తర్వాత టీ20 ప్రపంచకప్‌ను టీమిండియా కైవసం చేసుకుంది. ప్రపంచకప్ ఫైనల్ మ్యాచ్‌లో దక్షిణాఫ్రికాపై 7 పరుగుల తేడాతో ఉత్కంఠ విజయం సాధించింది. ఈ ప్రపంచకప్ విజయం తర్వాత, టీ20 అంతర్జాతీయ కెరీర్‌కు టీమ్ ఇండియాలోని ఇద్దరు ప్రముఖులు ఒకేసారి వీడ్కోలు పలికి, ష్యాన్స్‌కు బిగ్ షాక్ ఇచ్చారు.
Virat Kohli – Rohit Sharma: టీ20 ప్రపంచకప్ గెలిచిన తర్వాత టీ20 అంతర్జాతీయ క్రికెట్‌కు టీమిండియా కెప్టెన్ రోహిత్ శర్మ, విరాట్ కోహ్లీ వీడ్కోలు పలికారు. ఒకే వేదికపై ఇద్దరూ ఫ్యాన్స్‌కు షాకింగ్ న్యూస్ చెప్పారు. దీంతో ఇద్దరు భారత దిగ్గజాల టీ20 కెరీర్ ముగిసినట్లైంది.
1 / 6
టీ20 ప్రపంచకప్ ఫైనల్‌లో అర్ధశతకం బాదిన విరాట్ కోహ్లికి మ్యాన్ ఆఫ్ ద మ్యాచ్ అవార్డు లభించింది. ఈ అవార్డు అందుకున్న అనంతరం కింగ్ కోహ్లీ మాట్లాడుతూ.. ఇదే నా చివరి టీ20 ప్రపంచకప్ టోర్నీ అని అన్నాడు. ఈ విజయంతో తన టీ20 అంతర్జాతీయ కెరీర్‌కు స్వస్తి చెప్పాలనుకుంటున్నట్లు తెలిపాడు.
2 / 6
ప్రపంచకప్ తర్వాత మీడియా సమావేశంలో పాల్గొన్న రోహిత్ శర్మ మాట్లాడుతూ.. టీ20 మ్యాచ్‌తో భారత్‌ తరపున కెరీర్ ప్రారంభించాను. టీ20 అంతర్జాతీయ కెరీర్‌కు వీడ్కోలు పలికేందుకు ఇప్పటికంటే మంచి సమయం లేదు. అందుకే, ఈ తరహా క్రికెట్‌కు వీడ్కోలు పలుకుతున్నట్లు రోహిత్ శర్మ తెలిపాడు.
3 / 6
టీమిండియా తరుపున 125 టీ20 మ్యాచ్‌లు ఆడిన విరాట్ కోహ్లీ మొత్తం 117 ఇన్నింగ్స్‌లు ఆడాడు. ఈసారి 3056 బంతులు ఎదుర్కొని 4188 పరుగులు సాధించాడు. ఈ క్రమంలో 38 అర్ధసెంచరీలు, 1 సెంచరీ సాధించాడు.
4 / 6
రోహిత్ శర్మ టీమిండియా తరపున మొత్తం 159 టీ20 మ్యాచ్‌లు ఆడాడు. 151 ఇన్నింగ్స్‌లలో బ్యాటింగ్ చేశాడు. ఈ క్రమంలో 3003 బంతులు ఎదుర్కొన్న హిట్‌మ్యాన్ 4231 పరుగులు చేశాడు. 5 సెంచరీలు, 32 అర్ధ సెంచరీలు కూడా చేశాడు.
5 / 6
ఇప్పుడు ప్రపంచకప్ విజయంతో ఇద్దరు దిగ్గజాలు కలిసి తమ టీ20 అంతర్జాతీయ కెరీర్‌ను ముగించారు. అందువల్ల రానున్న రోజుల్లో భారత టీ20 జట్టులో రోహిత్ శర్మ, విరాట్ కోహ్లీ కనిపించరు.
