గురువారం జరిగిన ఐపీఎల్ మ్యాచ్‌లో పంజాబ్ కింగ్స్‌పై 6 వికెట్ల తేడాతో గుజరాత్ టైటాన్స్ విజయం సాధించింది. అయితే ఈ మ్యాచ్‌లో పంజాబ్ తరఫున ఆడిన కసిగో రబడ ఐపీఎల్‌లో సరికొత్త చరిత్ర సృష్టించాడు.
ఐపీఎల్ 2023: మొహాలీ వేదికగా గురువారం జరిగిన ఐపీఎల్ మ్యాచ్‌లో పంజాబ్ కింగ్స్‌పై 6 వికెట్ల తేడాతో గుజరాత్ టైటాన్స్ విజయం సాధించింది. అయితే ఈ మ్యాచ్‌లో పంజాబ్ తరఫున ఆడిన కసిగో రబడ ఐపీఎల్‌లో సరికొత్త చరిత్ర సృష్టించాడు. అంతేకాక చెన్నై మాజీ ప్లేయన్ డ్వేన్ బ్రావో పేరిట ఉన్న రికార్డును తన సొంతం చేసుకున్నాడు.
1 / 8
అవును, ఈ మ్యాచ్‌లో గుజరాత్ టైటాన్స్ ఓపెనర్ వృద్ధిమాన్ సాహా వికెట్ తీసి కగిసో రబడ ఐపీఎల్‌లో 100 వికెట్లు సాధించాడు. ఇంకా 100 ఐపీఎల్ వికెట్లు తీసుకున్నవారి కంటే రబాడా వేగవంతంగా(తక్కువ బంతులలో) ఈ ఘనతను సాధించడం గమనార్హం.
2 / 8
గురువారం జరిగిన GT vs PBKS మ్యాచ్‌కు ముందు తక్కువ బంతులలో 100 వికెట్లు తీసిన రికార్డు చెన్నై మాజీ క్రికెటర్ డ్వేన్ బ్రావో పేరిట ఉండేది. కానీ ఇప్పుడు ఆ రికార్డును రబాడా తన సొంతం చేసుకున్నాడు. బ్రావో 1619 బంతుల్లోనే ఈ ఘనత సాధించగా.. రబాడా 1438 బంతుల్లోనే 100 వికెట్లు తీసి సరికొత్త చరిత్ర సృష్టించాడు.
3 / 8
అయితే ఐపీఎల్ చరిత్రలో అత్యల్ప బంతుల్లో 100 వికెట్లు తీసిన టాప్ 4 బౌలర్లు ఎవరో ఇప్పుడు చూద్దాం..
4 / 8
1. కగిసో రబాడా: ఐపీఎల్‌లో ఢిల్లీ క్యాపిటల్స్, పంజాబ్ కింగ్స్ తరఫున బౌలింగ్ చేసిన కగిసో రబాడా 1438 బంతుల్లో 100 వికెట్లు పడగొట్టాడు. ఫలితంగా రిచ్ టోర్నీలో అత్యల్ప బంతుల్లోనే 100 వికెట్లు తీసుకున్న ఆటగాడిగా అవతరించాడు. మరోవైపు రబాడా 64 మ్యాచ్‌లలోనే ఈ ఘనతను సాధించాడు.
5 / 8
2. డ్వేన్ బ్రావో: ముంబై ఇండియన్స్, గుజరాత్ లయన్స్, చెన్నై సూపర్ కింగ్స్ తరపున ఆడిన డ్వేన్ బ్రావో 1619 బంతుల్లో 100 వికెట్లు పడగొట్టాడు. ఐపీఎల్ టోర్నీలో రబాడా కంటే ముందు అత్యల్ప బంతుల్లోనే 100 వికెట్లు తీసుకున్న రెండో ఆటగాడిగా కొనసాగుతున్నాడు.
6 / 8
3. లసిత్ మలింగ: ముంబై ఇండియన్స్ మాజీ పేసర్ లసిత్ మలింగ 70 మ్యాచ్‌లలో 1622 బంతులు వేసి 100 వికెట్లు పడగొట్టాడు. బ్రావో తర్వాత అత్యల్ప బంతుల్లోనే 100 వికెట్లు తీసుకున్న ఆటగాడిగా మలింగ ఉన్నాడు.
7 / 8
4. హర్షల్ పటేల్: ఈ లిస్టు నాలుగో స్థానంలో భారత్‌కు చెందిన హర్షల్ పటేల్ కూడా ఉన్నాడు. ఢిల్లీ క్యాపిటల్స్, రాయల్ చాలెంజర్స్ బెంగళూరు తరఫున బౌలింగ్ చేసిన హర్షల్1647 బంతుల్లో 100 వికెట్లు పడగొట్టాడు.
