కోలీవుడ్ పరిస్థితి ఇప్పుడు అస్సలే బాగా లేదు. అక్కడ స్టార్ హీరోల సినిమాలన్నీ ప్లాప్ అవుతూ వస్తున్నాయి. రజినీకాంత్ లాల్ సలామ్, వేట్టయన్ , సూర్య కంగువా సినిమాలు బాక్సాఫీస్ వద్ద ఘోర పరాజయం అందుకున్నాయి. దీంతో కోలీవుడ్ విఫలం అవుతుంది అంటున్నారు కొందరు.
మూలిగే నక్కపై తాటిపండు పడటం అంటారు కదా..! ఇక్కడ ఒక్క తాటిపండు కాదు.. మూడు నాలుగు వరసగా పడ్డాయి. ఎవరి మీద అనేగా మీ అనుమానం.. ఇంకెవరి మీద మన పక్కనే ఉన్న తమిళ ఇండస్ట్రీపైనే..!
1 / 6
పాపం ఓ దెబ్బ నుంచి కోలుకునే లోపే మరో దెబ్బ పడుతుంది. అసలు కోలీవుడ్‌కు ఈ పరిస్థితి ఎందుకొచ్చింది..? ఆ ఇండస్ట్రీని కాపాడేదెవరు..? ఏదో ఒక సినిమా మిస్ ఫైర్ అయిందంటే ఏమో అనుకోవచ్చు.. కానీ వరసగా వచ్చిన భారీ సినిమాలన్నీ మిస్ ఫైర్ అవుతున్నాయంటే అసలు సమస్య ఎక్కడుందో కనుక్కోవడంలో కోలీవుడ్ దారుణంగా విఫలమవుతుందనే విమర్శలు చాలా రోజులుగా వినిపిస్తూనే ఉన్నాయి.
2 / 6
గతేడాది తమిళ ఇండస్ట్రీతో బ్యాడ్ టైమ్ బంతాటడేసింది.వరస విజయాలు అందుకుంటున్న విజయ్ ఏమో రిటైర్మెంట్ తీసుకున్నారు.. రాజకీయాల కోసం సినిమాలు వదిలేస్తున్నారు దళపతి. ఇంకొక్క సినిమా మాత్రమే చేస్తున్నారాయన.
3 / 6
మరోవైపు రజినీకాంత్ జైలర్ తర్వాత మళ్లీ ఫామ్ కోల్పోయారు. లాల్ సలామ్, వేట్టయన్ దారుణంగా బెడిసికొట్టాయి. విక్రమ్‌తో కమ్ బ్యాక్ ఇచ్చిన కమల్.. ఇండియన్ 2తో గో బ్యాక్ అయిపోయారు.
4 / 6
తమిళ ఇండస్ట్రీ బాహుబలి అంటూ కంగువాను రెండేళ్లుగా భుజాన మోసింది కోలీవుడ్. సూర్య హీరోగా వచ్చిన ఈ సినిమాకు శివ దర్శకుడు. భారీ అంచనాలతో వచ్చిన కంగువా.. దాదాపు 130 కోట్లకు పైగా నష్టాలతో ఇండియాస్ బిగ్గెస్ట్ డిజాస్టర్‌గా నిలిచింది. దాంతో తమిళ ఇండస్ట్రీ కష్టాలు డబుల్ అయ్యాయి. విక్రమ్ తంగలాన్ సైతం ఆడియన్స్‌ను నిరాశ పరిచింది.
5 / 6
ఈ మధ్య కాలంలో కోలీవుడ్‌కు ఊరటనిచ్చిన సినిమా అమరన్ మాత్రమే. శివకార్తికేయన్ హీరోగా వచ్చిన ఈ చిత్రం 300 కోట్లకు పైగా వసూలు చేసి బ్లాక్‌బస్టర్‌గా నిలిచింది. పొంగల్‌కు వస్తుందనుకున్న విడాముయర్చి కూడా పోస్ట్ పోన్ అయింది. దాంతో ఆశలన్నీ ఆ తర్వాత రానున్న థగ్ లైఫ్, కూలీపైనే ఉన్నాయి. ఇవన్నీ ఆడితేనే కోలీవుడ్‌కు మళ్లీ మంచి రోజులొస్తాయి.
