Upcoming Cars: సెప్టెంబర్లో మార్కెట్లోకి ఎంట్రీ ఇవ్వనున్న టాప్ కార్లు ఇవే.. ఓ లుక్కేయండి..
కారు కొనాలనుకొంటున్న వారికి గుడ్ న్యూస్. సెప్టెంబర్ నెలలో కొత్త కార్లు మార్కెట్లోకి క్యూ కట్టనున్నాయి. వాటిల్లో టాప్ బ్రాండ్లకు చెందిన మోడళ్లు కూడా ఉన్నాయి. హై ఎండ్ ఫీచర్లు, టాప్ రేంజ్ స్పెసిఫికేషన్లు, హై క్లాస్ ఇంటీరియర్ తో కార్లు వినియోగదారులను ఆకర్షిస్తున్నాయి. వాటిల్లో తక్కువ ధరతో పాటు, అధిక రేటు ఉండే కార్లు కూడా ఉన్నాయి. వాటిల్లో టాటా, హోండా, మెర్సిడెస్ బెంజ్, వోల్వో, ఆస్టన్ మార్టిన్ వంటి కార్లు ఉన్నాయి. ఈ నేపథ్యంతో సెప్టెంబర్ కు లాంచింగ్ రెడీగా ఉన్నా టాప్ 5 కార్ల గురించి ఇప్పుడు తెలుసుకుందాం..
హోండా ఎలివేట్.. ఈ కారు సెప్టెంబర్ 4న ఎనిమిది కాంపాక్ట్ ఎస్‌యూవీగా విడుదల కానుంది. ఇది మారుతి గ్రాండ్ విటారా, హ్యుందాయ్ క్రెటా, కియా సెల్టోస్, టయోటా హైర్డర్, ఎంజీ ఆస్టర్, స్కోడా కుషాక్, ఫోక్స్‌వ్యాగన్ టైగన్ వంటి పెద్ద కంపెనీలతో పోటీపడుతుంది. దీనిలో 1.5-లీటర్ ఐ-వీటెక్ పెట్రోల్ ఇంజన్ ఉంది. ఇది 121పీఎస్, 145ఎన్ఎం టార్క్ ను ఉత్పత్తి చేస్తుంది. 6-స్పీడ్ మ్యాన్యువల్ ట్రాన్స్‌మిషన్ ఉంటుంది. దీని ధర రూ. 11 లక్షల నుంచి ప్రారంభమవుతుంది. ఇందులో ఎలక్ట్రిక్ సన్‌రూఫ్, వైర్‌లెస్ ఫోన్ ఛార్జర్, 10.25-అంగుళాల టచ్‌స్క్రీన్ సిస్టమ్, డిజిటల్ డ్రైవర్ డిస్‌ప్లే, ఆరు ఎయిర్‌బ్యాగ్‌లు, అడాస్ (అధునాతన డ్రైవర్ సహాయ వ్యవస్థ) ఉన్నాయి.
1 / 5
టాటా నెక్సాన్ ఫేస్‌లిఫ్ట్.. వినియోగదారులు ఎంతో ఆసక్తిగా ఎదురుచూస్తున్న కారును టాటా సెప్టెంబర్ 14న విడుదల చేస్తోంది. సబ్‌కాంపాక్ట్ ఎస్‌యూవీగా ఇది వస్తోంది. కొత్త 2-స్పోక్ స్టీరింగ్ వీల్, తాజా ఇంటీరియర్ థీమ్, కొత్త సీట్ అప్హోల్స్టరీతో ఇంటీరియర్ కూడా సరికొత్తగా రూపొందించారు. పెద్ద 10.25-అంగుళాల టచ్‌స్క్రీన్ సిస్టమ్, డిజిటల్ డ్రైవర్ డిస్‌ప్లే, 360-డిగ్రీ కెమెరా ఆరు ఎయిర్‌బ్యాగ్‌లను కలిగి ఉంది. 1.5-లీటర్ డీజిల్ ఇంజన్, 1.2-లీటర్ టర్బో-పెట్రోల్ ఇంజిన్ ఉంటుంది. ఈ కొత్త ఇంజిన్ 125పీఎస్, 225ఎన్ఎంటార్క్ ను ఉత్పత్తి చేస్తుంది. ప్రస్తుతం ఉన్న 6-స్పీడ్ మ్యాన్యువల్ ఆప్షన్‌తో పాటు 7-స్పీడ్ డ్యూయల్ క్లచ్ ఆటోమేటిక్ అందుబాటులో ఉంటుందని భావిస్తున్నారు. దీని ధర రూ. 8 లక్షల నుంచి ప్రారంభమవుతుంది.
2 / 5
టాటా నెక్సాన్ ఈవీ ఫేస్‌లిఫ్ట్.. టాటా నుంచే నెక్సాన్ ఈవీ ఫేస్ లిఫ్ట్ కారును ఈవీ వెర్షన్లో కూడా తీసుకురానున్నారు. సెప్టెంబర్ 14 నుంచి అందుబాటులోకి వస్తుంది. ఈవీ ఎక్స్‌క్లూజివ్ ఎలిమెంట్స్‌తో పాటు, విజువల్ మార్పులు ఫేస్‌లిఫ్టెడ్ నెక్సాన్ మాదిరిగానే ఉంటాయి. ఇంటీరియర్ కూడా అదే విధమైన మార్పులను పొందుతుందని భావిస్తున్నారు. ఈ కారులో 10.25-అంగుళాల టచ్‌స్క్రీన్ సిస్టమ్, డిజిటల్ డ్రైవర్ డిస్‌ప్లే, 360-డిగ్రీ కెమెరా, ఆరు ఎయిర్‌బ్యాగ్‌లు ఉండే అవకాశం ఉంది. పవర్ ట్రయిన్ గురించి పూర్తి వివరాలు తెలియాల్సి ఉంది. దీని ధర రూ. 15 లక్షల నుంచి ప్రారంభమవుతుంది.
3 / 5
మెర్సిడెస్ బెంజ్ ఈక్యూఈ ఎస్‌యూవీ.. బెంజ్ కంపెనీ నుంచి మన దేశంలో విడుదలవుతున్ రెండో ఈవీ ఇది. సెప్టెంబర్ 15న రానుంది. అదిఅత్యాధునిక డిజైన్ ను కలిగి ఉంది. మూడు డిస్‌ప్లేలను కలిగి ఉన్న 56-అంగుళాల ఎంబక్స్ శక్తితో కూడిన హైపర్‌స్క్రీన్‌ ఉంటుంది. దీనిలో 89కేడబ్ల్యూహెచ్, 90.6కేడబ్ల్యూహెచ్ బ్యాటరీ ప్యాక్‌లలో అందుబాటులో ఉంది. కనీసం 407 కిలోమీటర్ల పరిధిని కంపెనీ క్లెయిమ్ చేస్తుంది, పెద్ద యూనిట్ 433 కిలోమీటర్ల వరకు వస్తుందని చెబుతోంది. దీని ధర సుమారు రూ. 1 కోటి (ఎక్స్-షోరూమ్) నుంచి ఉంటుందని అంచనా.
4 / 5
వోల్వో సీ40 రీఛార్జ్.. వోల్వో సీ40 రీఛార్జ్ అనేది ఎక్స్ సీ40 రీఛార్జ్ ఎలక్ట్రిక్ ఎస్ యూవీ కూపే వెర్షన్. ఇది సెప్టెంబర్ 4న విడుదల కానుంది. దీని అంచనా ధర రూ. 60 లక్షలతో (ఎక్స్-షోరూమ్), ఇది బీఎండబ్ల్యూ ఐ4, హ్యూందాయ్ ఐయానిక్ 5, కియా ఈవీ6లకు పోటీగా మార్కెట్లోకి వస్తుంది. దీనిలో వర్టికల్ పోర్ట్రెయిట్-స్టైల్ 9-అంగుళాల టచ్‌స్క్రీన్ సిస్టమ్,12.3-అంగుళాల డిజిటల్ డ్రైవర్ డిస్‌ప్లేతో క్యాబిన్ క్లాసీగా కనిపిస్తుంది. వోల్వో అడాస్, 360-డిగ్రీ కెమెరా, బహుళ ఎయిర్‌బ్యాగ్‌లను కలిగి ఉన్న అధునాతన భద్రతా కిట్‌ ఇందులో ఉంటుంది. 78కేడబ్ల్యూ బ్యాటరీ ప్యాక్‌తో వస్తుంది.ఇది 530 కిలోమీటర్ల పరిధిని క్లెయిమ్ చేస్తుంది. ఫాస్ట్ ఛార్జర్ ద్వారా కేవలం 27 నిమిషాల్లో 10 నుంచి 80 శాతం వరకు ఛార్జ్ చేయవచ్చు.
