Telugu News Photo Gallery Bad Breath Reason: Be Alert, Bad Breath Is A Sign Of These 5 Dangerous Diseases
Bad Breath Reason: బ్రష్ చేసినా నోటి దుర్వాసన వీడట్లేదా? లైట్‌ తీసుకోకండి.. ఇది కారణం కావచ్చు
చాలా మందికి ఉదయం, రాత్రి క్రమం తప్పకుండా బ్రష్ చేసే అలవాటు ఉంటుంది. అయితే కొందరు దంతాలను క్రమం తప్పకుండా బ్రష్ చేసినప్పటికీ నోటి దుర్వాసన వేధిస్తుంటుంది. ఇలాంటి వారు చాలా జాగ్రత్తగా ఉండాలని హెచ్చరిస్తున్నారు నిపుణులు. ఎందుకంటే బ్రష్ చేసిన తర్వాత తరచుగా నోటి వాసన వస్తుంటే అది అనేక వ్యాధుల సంకేతమట..
చాలా మందికి ఉదయం, రాత్రి క్రమం తప్పకుండా బ్రష్ చేసే అలవాటు ఉంటుంది. అయితే కొందరు దంతాలను క్రమం తప్పకుండా బ్రష్ చేసినప్పటికీ నోటి దుర్వాసన వేధిస్తుంటుంది. ఇలాంటి వారు చాలా జాగ్రత్తగా ఉండాలని హెచ్చరిస్తున్నారు నిపుణులు. ఎందుకంటే బ్రష్ చేసిన తర్వాత తరచుగా నోటి వాసన వస్తుంటే అది అనేక వ్యాధుల సంకేతమట.
1 / 5
బ్రషింగ్ తర్వాత నోరు దుర్వాసన రావడం ఆ వ్యక్తి ఆహారం, నోటి పరిశుభ్రతపై ప్రభావం చూపుతుంది. వైద్యులు సాధారణంగా రోజుకు రెండుసార్లు బ్రష్ చేయాలని సిఫార్సు చేస్తుంటారు. అందుకే ప్రతి భోజనం తర్వాత బ్రష్ చేసుకోవాలని సిఫార్సు చేస్తుంటారు. కానీ ఎంత శ్రద్ధ తీసుకున్న నోటి నుంచి చెడు శ్వాస బయటకు వస్తే, అది శరీరంలో తీవ్రమైన వ్యాధిని అభివృద్ధి చేసే సంకేతంగా భావించాలని చెబుతున్నారు నిపుణులు. హాప్కిన్స్ మెడిసిన్ ప్రకారం.. దుర్వాసన ప్రమాదకరమైన వ్యాధుల ప్రారంభ లక్షణంగా పేర్కొంది. నోటి దుర్వాసనకు ఐదు కారణాలు ఉన్నాయి. అవేంటంటే..
2 / 5
సైనసైటిస్, బ్రాంకైటిస్, న్యుమోనియా వంటి శ్వాసకోశ ఇన్ఫెక్షన్ల కారణంగా, శరీరంలో సల్ఫర్ సమ్మేళనాల స్థాయి పెరుగుతుంది. దానివల్ల నోటి దుర్వాసన సంభవిస్తుంది. ఈ ఇన్ఫెక్షన్లు శ్వాసకోశంలో బ్యాక్టీరియా పెరుగుదలకు కారణమవుతాయట. దుర్వాసన కలిగించే పదార్థాలు పేరుకుపోవడం వల్ల ఇలా జరుగుతుందని నిపుణులు చెబుతున్నారు.
3 / 5
నోటి దుర్వాసన అనేది యాసిడ్ రిఫ్లక్స్, గ్యాస్ట్రోఎసోఫాగియల్ రిఫ్లక్స్ డిసీజ్ (GERD), కడుపు పూతల వంటి జీర్ణ రుగ్మతలతో సంబంధం కలిగి ఉంటుంది. కడుపులోని ఆమ్లం అన్నవాహికలోకి తిరిగి ప్రవహించినప్పుడు యాసిడ్ రిఫ్లక్స్ సంభవిస్తుంది. దీని వల్ల నోటి నుంచి పుల్లని వాసన వస్తుంది. అలాగేకిడ్నీ సమస్యలు వచ్చినప్పుడు వ్యర్థాల‌ను తొల‌గించే శ‌రీర స‌మ‌ర్థ్యం త‌గ్గిపోతుంది. తత్ఫలితంగా రక్తంలో టాక్సిన్స్ స్థాయి పెరుగుతుంది. ఫలితంగా నోటిలో అమ్మోనియా వాసన వస్తుంది. దీనినే యురేమిక్ శ్వాస అని కూడా అంటారు.
4 / 5
మధుమేహం ఉన్న వారిలో కూడా నోటి నుంచి దుర్వాసన వస్తుంది. ఇలాంటి లక్షణాలు మీలో కూడా కన్పిస్తే వెంటనే వైద్యుడిని సంప్రదించాలి. సిర్రోసిస్ లేదా ఫ్యాటీ లివర్ డిసీజ్ వంటి కాలేయ సమస్యలు కూడా శరీరంలో ఆహారాన్ని సరిగ్గా జీర్ణం చేయకపోవడానికి కారణమవుతాయి. అందుకే కాలేయ సమస్యలు వచ్చినప్పుడు నోటి నుంచి దుర్వాసన రావడం ప్రారంభమవుతుంది. అందుకే బ్రష్ చేసిన తర్వాత కూడా నోటి దుర్వాసన వస్తుంటే వెంటనే వైద్యుడిని సంప్రదించాలి.
