స్విస్ బ్యాంక్‌లో డబ్బు దాచుకుంటే వడ్డీ వస్తుందా? ఒక వేళ వస్తే ఎంత వస్తుందంటే..?

స్విస్ బ్యాంక్ పేరు వినగానే నల్లధనం గుర్తుకు వస్తుంది. ప్రపంచ వ్యాప్తంగా ఉన్న ధనవంతులు, రాజకీయ నేతలు లెక్కల్లో చూపని కోట్లాది రూపాయలను స్విస్‌ బ్యాంకులో దాచుకుంటారని చాలా మంది అనుకుంటారు. ఈ బ్యాంక్ గుర్తుకు రాగానే, కోట్ల విలువైన డిపాజిట్లు, భద్రత, గోప్యత అనే అంశాలు ఎక్కువగా చర్చకు వస్తాయి. అయితే స్విస్‌ బ్యాంక్‌లో డబ్బు దాచుకుంటే దానిపై వడ్డీ వస్తుందా? అనే చాలా మందిలో ఉంటుంది. ఇప్పుడు దాని గురించి తెలుసుకునే ప్రయత్నం చేద్దాం..

స్విస్ బ్యాంకు దశాబ్దాలుగా ప్రపంచవ్యాప్తంగా వాటి బలమైన బ్యాంకింగ్ వ్యవస్థ, కఠినమైన నిబంధనలు, ప్రైవసీకి ప్రసిద్ధి చెందాయి. ప్రపంచవ్యాప్తంగా చాలా మంది ధనవంతులు ఇక్కడ అనేక బ్యాంకులలో ఖాతాలను కలిగి ఉన్నారు. ప్రపంచవ్యాప్తంగా ఉన్న నాయకులు తమ డబ్బును ఇక్కడ దాచిపెడతారని నమ్ముతారు. ఇక్కడి బ్యాంకులలో డబ్బు సురక్షితంగా ఉంటుందని నమ్ముతారు. ఇక్కడి ఆర్థిక వ్యవస్థ రిస్క్ కంటే స్థిరత్వానికి ప్రాధాన్యత ఇస్తుంది. అందుకే స్విస్ బ్యాంకుల్లో మీ డబ్బుపై మీకు ఎక్కువ రాబడి రాదు. ఎందుకంటే ఇక్కడ డబ్బు వృద్ధి కోసం కాదు, భద్రత కోసం జమ చేస్తారు. అందుకే ఇక్కడ డబ్బు పెరగదు.

స్విస్ బ్యాంకులు రిటైల్ బ్యాంక్ సేవింగ్స్ ఖాతాలపై దాదాపు 0 శాతం లేదా కొన్నిసార్లు అంతకంటే ఎక్కువ వడ్డీ రేట్లను అందిస్తాయి. కాబట్టి ఇక్కడి బ్యాంకులో డబ్బు జమ చేసినప్పుడు, అది పెద్దగా వడ్డీని సంపాదించదు. దీనికి విరుద్ధంగా, డబ్బును సురక్షితంగా ఉంచడానికి ప్రాసెసింగ్ ఫీజు వసూలు చేస్తారు. భారతీయ బ్యాంకులు డిపాజిట్లు, పొదుపులపై వడ్డీని చెల్లిస్తాయి ఎందుకంటే ఈ బ్యాంకులు డిపాజిట్ చేసిన మొత్తాన్ని అప్పుగా ఇచ్చి దానిపై భారీ లాభాలను ఆర్జిస్తాయి. ఆ మొత్తంలో కొంత భాగాన్ని ఈ డిపాజిటర్లు, పొదుపు ఖాతాదారులకు వడ్డీ రూపంలో ఇస్తారు. కానీ స్విట్జర్లాండ్ బ్యాంకింగ్ నమూనా భిన్నంగా ఉంటుంది. అక్కడి ప్రభుత్వం, కేంద్ర బ్యాంకు ద్రవ్యోల్బణాన్ని నియంత్రించడానికి, కరెన్సీని బలంగా ఉంచడానికి పనిచేస్తాయి. అందువల్ల, స్విస్ బ్యాంకుల్లోని పొదుపు ఖాతాలు నామమాత్రపు వడ్డీ లేదా అసలు వడ్డీ ఉండదు.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి