Viral Video: భూమిపై వీరికి ఇంకా నూకలున్నాయి.. ఒళ్లు గగుర్పొడిచే వీడియో.. ఏం జరిగిందంటే..?

Thunder Storm: సాధారణంగా ఒక మనిషికి కొంత దూరంలో పిడుగు పడినా దాని ప్రభావం ఆ మనిషిపై పడుతుంది. ఎర్త్ రావడమో.. షాక్ కొట్టడం లాంటిది జరుగుతుంది. అలాంటిది ఏకంగా మనుషులపైనే పిడుగు పడితే.. ఇంకేమైనా ఉందా? ప్రాణాలతో ఉంటారని భావించగలమా? కానీ, ఇక్కడ వీరు బ్రతికి బయటపడ్డారు. పిడుగు వీరిపై పడినా.. ఏమీ కాకుండా క్షేమంగా బయటపడ్డారు. ఈ షాకింగ్‌ ఘటనకు సంబంధించిన వీడియో ఇప్పుడు సోషల్ మీడియాలో తెగ చక్కర్లు కొడుతోంది. అసలేం జరిగిందంటే.. ఎక్కడ జరిగిందో తెలియదు కానీ, జోరు వానలో ప్రయాణిస్తున్న ఎస్‌యూవీ కారుపై ఒక్కసారిగా పిడుగు పడింది. ఈ షాకింగ్ ఘటన.. ఆ కారు వెనకాలే వస్తున్న మరో కారు కెమెరాలో రికార్డ్ అయ్యింది. రోడ్డుపై ప్రయాణిస్తున్న కారుపై ఒక్కసారిగా పిడుగు పడటం ఆ వీడియోలో స్పష్టంగా కనిపిస్తుంది. పిడుగు పాటుకు గురైన కారు.. రోడ్డుపైనే నిలిచిపోయింది.

అయితే ఇక్కడ అదృష్టం ఏంటంటే, పిడుగు పడినా.. ఆ కారులో ప్రయాణిస్తున్న ప్రయాణికులు ఎవరికీ ప్రమాదం జరుగలేదు. దాంతో కారులోని వారంతా ఊపిరి పీల్చుకున్నారు. కారులో ముగ్గురు చిన్నారులు(8 నెలలు, ఒకటిన్నర సంవత్సరాలు, 3 సంవత్సరాలు) సహా ఇద్దరు దంపతులు ఉన్నారు. పిడుగు పాటులో షాక్‌‌కు గురైన వారు కొద్దిసేపటి వరకు అదే ట్రాన్స్‌లో ఉన్నారు. ఆ షాక్ నుంచి కోలుకున్న తరువాత అందరూ క్షేమంగా ఉన్నారా? లేదా అని చెక్ చేసుకున్నారు. ముగ్గురు చిన్న పిల్లలు సహా అందరూ క్షేమంగా ఉండటంతో ఊపిరి పీల్చుకున్నారు. అయితే, పిడుగుపాటు కారణంగా కారు పూర్తిగా చెడిపోయింది. దాంతో ఆ కారును రోడ్డు పక్కకు జరిపారు. కారులోని వారి మరో వాహనంలో వెళ్లిపోయారు.

కాగా, ఈ ఘటన జూన్ 25వ తేదీన జరుగగా.. కారు పిడుగుపాటుకు గురైన వీడియోను కార్ల్ హోబీ అనే వ్యక్తి సోషల్ మీడియాలో షేర్ చేశారు. మొత్తం 13 సెకన్ల పాటు ఉన్న ఈ షాకింగ్ వీడియో ఇప్పుడు సోషల్ మీడియాలో తెగ చక్కర్లు కొడుతోంది. ఒళ్లు గగుర్పొడిచేలా ఉన్న ఈ వీడియోను మీరు చూసేయండి.

Viral Video:

Also read:

SBI customers ALERT!: SBI ఖాతాదారులకు అలర్ట్.. ఆదివారం ఈ సేవలకు అంతరాయం

Karthika Deepam: సౌందర్యకు, దీపకు పెళ్లి బట్టలు కొన్న మోనిత.. తనకు చిరాకు తెప్పిస్తే.. రచ్చరచ్చ చేస్తానంటూ కార్తీక్ కు వార్నింగ్

Weight Lose: ఊబకాయంతో బాధపడుతున్నారా..? అయితే రాగులను మీ డైట్‌లో చేర్చండి.. ఎందుకంటే..?