కోవిషీల్డ్ విరామకాలాన్ని పెంచాలి, నిపుణుల కమిటీ సిఫారసు, కోవిడ్ పాజిటివ్ కి గురై కోలుకున్నవారికి 6 నెలల వాయిదా బెస్ట్,

వ్యాక్సిన్ కోసం వేచి ఉన్నవారు..కోలుకున్న అనంతరం 6 నెలల పాటు తమ వ్యాక్సినేషన్ ను వాయిదా వేసుకోవాలని ప్రభుత్వ కమిటీ ఒకటి సిఫారసు చేసింది. విరామ కాలాన్ని...

  • Updated On - 2:24 pm, Thu, 13 May 21 Edited By: Ravi Kiran
కోవిషీల్డ్ విరామకాలాన్ని పెంచాలి, నిపుణుల కమిటీ సిఫారసు,  కోవిడ్ పాజిటివ్ కి గురై కోలుకున్నవారికి 6 నెలల వాయిదా బెస్ట్,
Wait 12 16 Weeks To Take 2 Nd Covishield Jab


కోవిడ్ పాజిటివ్ కి గురై వ్యాక్సిన్ కోసం వేచి ఉన్నవారు..కోలుకున్న అనంతరం 6 నెలల పాటు తమ వ్యాక్సినేషన్ ను వాయిదా వేసుకోవాలని ప్రభుత్వ కమిటీ ఒకటి సిఫారసు చేసింది. విరామ కాలాన్ని పెంచితే రోగ నిరోధక శక్తి పెరుగుతుందని ఈ పానెల్ అభిప్రాయపడింది. ఇమ్యునైజేషన్ పై గల నేషనల్ టెక్నీకల్ అడ్వైజరీ గ్రూప్ ఈ మేరకు సూచిస్తూ.. సీరం కంపెనీ వారి కోవిషీల్డ్ వ్యాక్సిన్ కి సంబంధించి గ్యాప్ ఎక్కువ చేయాలనీ పేర్కొంది. ఇప్పటివరకు ఈ గ్యాప్ 4 నుంచి 6 వారాలు ఉంది. కానీ దీన్ని 12 నుంచి 16 వారాలు పెంచాలని ఈ కమిటీ సూచించింది.

ఈ పానెల్ చేసిన సిఫారసులను వ్యాక్సిన్ అడ్మినిస్ట్రేషన్ పై గల నేషనల్ ఎక్స్ పర్ట్స్ గ్రూప్ కు పంపనున్నారు. ఆ గ్రూప్ ఆమోదం పొందితే ఆ తరువాత తదనంతర చర్యలు తీసుకుంటారు. కోవిషీల్డ్ వ్యాక్సిన్ రెండు డోసుల మధ్య విరామకాలాన్ని 4 నుంచి 6 వారాలు లేదా 8 వారాలు పెంచాలని లోగడ మార్చి నెలల్లో కేంద్రం ఆయా రాష్ట్రాలకు,కేంద్ర పాలిత ప్రాంతాలకు పంపిన లేఖలో సూచించింది. శాస్త్రీయ ఆధారాల దృష్ట్యా ఈ టీకామందు డోసుల మధ్య విరామాన్ని పెంచాలని ఈ గ్రూప్ పేర్కొంది. ఇందుకు అనువుగా దేశంలో నిపుణులు ఎప్పటికప్పుడు తగిన సిఫారసులు చేస్తున్నారు.

అయితే విరామ కాలం 12 నుంచి 16 వారాలు ఉండాలని సూచించడం ఇదే మొదటిసారి.గర్భిణీలు ఏ వ్యాక్సిన్ అయినా తీసుకోవచ్చునని, అలాగే డెలివరీ అయిన బాలింతలు ఏ సమయంలోనైనా టీకామందు తీసుకోవచ్చునని కూడా తాజా సిఫారసుల్లో పేర్కొన్నారు. ఇలా ఉండగా దేశంలో వ్యాక్సిన్ కొరతను తీర్చేందుకు కేంద్రం…. సీరం,, భారత్ బయోటెక్ కంపెనీలను ఒక ప్లాన్ రూపొందించాల్సిదిగా కోరింది. దీనివల్ల తనకు కూడా ఓ నిర్దిష్ట అభిప్రాయం ఏర్పడుతుందని, వ్యాక్సిన్ కోసం ఎదురు చూస్తున్న రాష్ట్రాలకు సమాధానం చెప్పగలుగుతామని పేర్కొంది.

మరిన్నిచదవండి ఇక్కడ :హాలీవుడ్ సినిమా రేంజ్ లో ఆక్సిడెంట్..గాల్లో ఎగిరిన బైక్‌రైడర్‌… గాల్లో బండి షాకింగ్ వీడియో :

చిరు ఎంట్రీతో మరింత క్రేజ్ సంపాదించుకున్న సాలార్ మూవీ ..మాఫియా డాన్ గా మెగాస్టార్..(వీడియో):Chiru in Salar movie video.

ఆ సీన్‌లో నటించింది పవన్‌ కాదు ..గబ్బర్ సింగ్ మూవీపై డైరెక్టర్ హరీష్ శంకర్ సన్షేనల్ కామెంట్స్

కరోనా దెబ్భకి 20రోజుల్లో కుటుంబం బలి.. పశ్చిమగోదావరి జిల్లా జంగారెడ్డిగూడెం లో విషాద ఘటన..!(వీడియో):coronavirus video.