దీపావళి వేళ బేసన్ లడ్డూలు తయారు చేసిన రాహుల్ గాంధీ.. వీడియో చూడండి..!
కాంగ్రెస్ ఎంపీ, లోక్సభ ప్రతిపక్ష నేత రాహుల్ గాంధీ సోమవారం దేశ ప్రజలందరికీ దీపావళి శుభాకాంక్షలు తెలిపారు. దీపావళిని ప్రత్యేకంగా జరుపుకోవడానికి, రాహుల్ గాంధీ పాత ఢిల్లీలోని ప్రసిద్ధ మిఠాయి దుకాణం ఘంటేవాలా స్వీట్ షాపును సందర్శించారు. అక్కడ ఆయన శనగపిండి లడ్డూలను తయారు చేయడానికి ప్రయత్నించారు.
కాంగ్రెస్ ఎంపీ, లోక్సభ ప్రతిపక్ష నేత రాహుల్ గాంధీ సోమవారం (అక్టోబర్ 20, 2025) దేశ ప్రజలందరికీ దీపావళి శుభాకాంక్షలు తెలిపారు. దీపావళిని ప్రత్యేకంగా జరుపుకోవడానికి, రాహుల్ గాంధీ పాత ఢిల్లీలోని ప్రసిద్ధ మిఠాయి దుకాణం ఘంటేవాలా స్వీట్ షాపును సందర్శించారు. అక్కడ ఆయన శనగపిండి లడ్డూలను తయారు చేయడానికి ప్రయత్నించారు.
కాంగ్రెస్ మాజీ అధ్యక్షుడు తన ప్రత్యేకమైన దీపావళి వేడుకల వీడియోను సోషల్ మీడియా ప్లాట్ఫామ్ ఇన్స్టాగ్రామ్లో పోస్ట్ చేశారు. ఆ పోస్ట్లో, రాహుల్ గాంధీ ఒక స్వీట్ షాప్ యజమానితో చాట్ చేస్తున్నట్లు కనిపించింది. ఆ షాపులో శనగపిండి లడ్డులు తయారు చేసేందుకు ప్రయత్నించారు. తన వీడియో పోస్ట్లో, “ఓల్డ్ ఢిల్లీలోని ప్రసిద్ధ, చారిత్రాత్మకమైన ఘంటేవాలా స్వీట్ షాపులో బేసన్ లడ్డూలను తయారు చేయడానికి ప్రయత్నించాను. శతాబ్దాల నాటి ఈ ఐకానిక్ షాపు మాధుర్యం ఇప్పటికీ అలాగే ఉంది. స్వచ్ఛమైనది, సాంప్రదాయమైనది, హృదయాన్ని కదిలించేది. దీపావళి నిజమైన మాధుర్యం కేవలం ప్లేట్లోనే కాదు, సంబంధాలు, సమాజంలో కూడా ఉంది” అంటూ సోషల్ మీడియాలో రాశారు.
రాహుల్ గాంధీ దీపావళి వేళ తమ దుకాణానికి రావడం పట్ల స్వీట్ షాప్ యజమాని సంతోషం వ్యక్తం చేశారు. ఇప్పుడు అందరూ రాహుల్ పెళ్లి కోసం ఎదురు చూస్తున్నారని అన్నారు. రాహుల్ గాంధీ త్వరలో పెళ్లి చేసుకోవాలని స్వీట్ షాప్ యజమాని ఆకాంక్షించారు. ఈ వీడియోలో, స్వీట్ షాపు యజమాని షాపు చరిత్రను వివరించారు. “మేము రాహుల్ గాంధీ తాత జవహర్లాల్ నెహ్రూ, అమ్మమ్మ ఇందిరా గాంధీ, తండ్రి రాజీవ్ గాంధీ, సోదరి ప్రియాంక గాంధీలకు వడ్డించాము. ఇప్పుడు ఒక విషయం కోసం వేచి ఉన్నాము. మీరు త్వరలో వివాహం చేసుకోవాలని అభ్యర్థిస్తున్నాను. మీ వివాహం కోసం ఎదురు చూస్తున్నాము. మొదట, వివాహం చేసుకోండి. మీరు మా నుండి పెళ్లి కోసం స్వీట్లు కూడా కొనవచ్చు. దాని కోసం ఎదురు చూస్తున్నాము” అని దుకాణం యజమాని అన్నారు. అయితే రాహుల్ గాంధీ దీనికి స్పందించలేదు. నవ్వుతూ అక్కడి నుంచి వెళ్ళిపోయారు.
వీడియో చూడండి..
पुरानी दिल्ली की मशहूर और ऐतिहासिक घंटेवाला मिठाइयों की दुकान पर इमरती और बेसन के लड्डू बनाने में हाथ आज़माया।
सदियों पुरानी इस प्रतिष्ठित दुकान की मिठास आज भी वही है – ख़ालिस, पारंपरिक और दिल को छू लेने वाली।
दीपावली की असली मिठास सिर्फ़ थाली में नहीं, बल्कि रिश्तों और समाज… pic.twitter.com/bVWwa2aetJ
— Rahul Gandhi (@RahulGandhi) October 20, 2025
మరిన్ని జాతీయ వార్తల కోసం ఇక్కడ క్లిక్ చేయండి..