మందు బాబులకు గుడ్‌న్యూస్.. ఇకపై ఖాళీ బాటిల్ తిరిగి ఇచ్చి బదులుగా డబ్బు తీసుకోండి..!

తమిళనాడు రాష్ట్ర వ్యాప్తంగా వివిధ ప్రాంతాలలో 4,829 మద్యం దుకాణాలు పనిచేస్తున్నాయి. ఇక్కడ అమ్మే మద్యం సీసాల నుండి ప్రజలు మద్యం తాగి, వీధుల్లో, ఇతర బహిరంగ ప్రదేశాలలో పారవేస్తు్న్నారు. దీనివల్ల సాధారణ ప్రజలు, డ్రైవర్లు, పశువులకు గణనీయమైన అసౌకర్యం కలుగుతుంది. ఈ నేపథ్యంలో తమిళనాడు రాష్ట్ర ప్రభుత్వం సంచలన నిర్ణయం తీసుకుంది. ఖాళీ మద్యం సీసాలను బహిరంగ ప్రదేశాల్లో పడవేయకుండా నిరోధించడానికి ఒక ముఖ్యమైన పథకం ప్రారంభించింది. ఈ పథకం కింద, ఖాళీ మద్యం సీసాలను మద్యం దుకాణానికి తిరిగి ఇచ్చినందుకు 10 రూపాయలు ఇవ్వనున్నట్లు ప్రకటించింది. 

ఈ పథకం మంగళవారం, జనవరి 6 నుండి చెన్నైలో ప్రారంభించడం జరిగింది. తమిళనాడులోని మద్యం ప్రియులు మద్యం సేవించడం, ఖాళీ మద్యం సీసాలను బహిరంగ ప్రదేశాల్లో విసిరేయకుండా ఈ చర్యలు చేపట్టింది. ఈ మద్యం దుకాణాలకు ఖాళీ బాటిళ్లను తిరిగి ఇచ్చేవారికి రూ.10 ఇచ్చే పథకాన్ని చెన్నై దక్షిణ, ఉత్తర, మధ్య జిల్లాల్లో అమలు చేయనున్నట్లు తమిళనాడు రాష్ట్ర మార్కెటింగ్ కార్పొరేషన్ ( TASMAC) పేర్కొంది.

తమిళనాడు స్టేట్ మార్కెటింగ్ కార్పొరేషన్ ( TASMAC) దుకాణాల నుండి మద్యం కొనుగోలు చేసేటప్పుడు, మీరు అసలు ధర కంటే రూ. 10 అదనంగా చెల్లింపు పొందుతారు. మద్యం సేవించిన తర్వాత ఖాళీ బాటిల్‌ను మద్యం దుకాణానికి తిరిగి ఇవ్వడం వలన రూ. 10 వాపసు లభిస్తుంది. ఈ పథకం ప్రాథమిక లక్ష్యం బహిరంగ ప్రదేశాల్లో మద్యం బాటిళ్లను పారవేయడాన్ని నిరోధించడం, సాధారణ ప్రజలకు అసౌకర్యాన్ని గురికాకుండా ఉండేందుకు ఈ నిర్ణయం తీసుకున్నట్లు అధికారులు పేర్కొన్నారు.

ఇదిలావుంటే, చెన్నైలో, TASMAC అధికారులు మూడు జిల్లాలుగా విభజించింది. సెంట్రల్ డిస్ట్రిక్ట్, నార్త్ డిస్ట్రిక్ట్, సౌత్ డిస్ట్రిక్ట్. ఈ అన్ని జిల్లాల్లో నిర్వహిస్తున్న మద్యం దుకాణాలలో ఖాళీ మద్యం సీసాల కోసం ఈ రిటర్న్ పథకం అమలు చేయడం జరుగుతుంది. తమిళనాడులో TASMAC దుకాణాలను మూసివేయాలని సమాజంలోని వివిధ వర్గాల ప్రజలు డిమాండ్ చేస్తున్నారు. అయితే, తమిళనాడులో మద్యం దుకాణాలను పూర్తిగా మూసివేయడం జరగడం లేదు. వాస్తవానికి, మన్మగిజ్ మండ్రం పేరుతో పనిచేస్తున్న మద్యం దుకాణాల సంఖ్య పెరుగుతోంది. 

మరిన్ని జాతీయ వార్తల కోసం ఇక్కడ క్లిక్ చేయండి.